% مجرد ذباب %

**الشبث** · 18-11-2008 20:19

كنا صغار بالعمر والعقل

لدرجة ان المدح بعيوننا احياناً سب

يعني

اذا جانا احد وقال يالذيب

ممكن نرد عليه ونقول الذيب جابتوه امك

افاااااا

ليش الذيب مهو زين

هو زين

بس بنظر الاطفال مجرد حيوان ما يختلف عن العنز والزرافه والسلوقي

وكبرنا

وتبلد الاحساس فينا

وصرنا نرضى بالذيب ( هذي مهي مشكله بالعكس زينه )

المصيبه صرنا نرضى باللي اقل

اللي ممكن يقلل منا

ياخذ منا شي زين ويعطينا شي مهو زين

صار عاااادي لو يقول واحد يا ذباب

ذبااااااااااااااااااااااااب

يالربع الذباب يموووووووت بالزهور

يمكن ذباب مرهم نحله

عاد على طاري الذباب طرت علي سالفه وابي اسولفه

عزمن واحدن من الشباب يم غنموه ( اللي يقهرن يقول الشاليه )

ورحت يموه وكان الوقت بعد صلاة العصر

ووقفت عند الشاليه المزعوووم

وتقهويت عند الرجال وعينت من الله خير

وعقب صلاة المغرب رتسبت سيارتي

واااااه من اللي لقيته بالسياره

قسم بالله ولا مية ذباب

وابيهم يطلعون ماااافيه امل

وتقل يلعبون حبشه عندي

وصوتهم عند اذني جابلي المغص

واحاول اطلعهم بأي وسيله ماااافيه

ويوم

ويومين

وثلاث

واسبوووع

وهن جالسات عندي

يالربع قمت افرق بوجيههن

واشوف وجيهن جدد الله العالم مواليدن جدد

وهي تجيني هكا الفكره

وانا اكتم السياره واسكر الدرايش

واخليه يومين مكتومه

وامسك خط الشرقيه وامشي 260

وانا افتح الدريشه بسررررعه

وهن يتطايرن كلهن بس وش عقبوه

خذن شماااغي وطاقيتي معهن الله لا يعقلهن

يعني الذبان خذن بعض مرجلتي

وتقلدوا تحيتي

**يـــوسف** · 18-11-2008 20:26

[align=center]
أبو ماجد ..

بالصميم

ومرجلتك ماهو الذبان اللي ياخذه ولا يقرب له ابد يبطون عظم قصدي يبطي عظم الذبان

ابو ماجد لاهنت يالغالي .

توسد إحترامي
[/align]

**ابو خلوف** · 18-11-2008 20:29

هههههههههههه

اذا كان هالذباب اخذت بعض من رجولتك

وش يسوي الاكبر منه ههههههههه

وامسك خط الشرقيه وامشي 260

بالله وش معك >> واسفاه على الي معي هههههههه

**ريم شمر** · 18-11-2008 20:41

يظل مجرد...... ذباب

مبدع ياابو ماجد ....

**غالب** · 18-11-2008 20:42

شف
من ناحية إننا نحن الأطفال نحول المدح سب هذه العاده إنقطعت من شروكه من يوم كنت بخامس ابتدائي
ومن ناحيه أخرى
الذباب هذا كائن يمون على ريال
فأنا أحذرك لأن ريال احتمال يزعل من هالسالفه
مقرن الخنافس

**جبرني الوقت18** · 18-11-2008 20:42

هههههههههههههههههههه
لاهنت يابو ماجد .
اذا ذبان وخلاك تمشي 260 اذا شي اكبر منوه كم تمشي
ههههههههههههههههههههه
الله يعطيك العافيه ,,,

**εïз خزامى εïз** · 18-11-2008 20:49

وتقل يلعبون حبشه عندي

ـههههههههههههههههههههههههههههـ
ـهههههههههههههههههههههههـ
ـههههههههههههههههـ
ـههههههههههـ

ياخذ بليسهم
ووووواااع قلق قلللللق الذبــان
الشبث
انت تفرق بالشكل
انا افرق بالصوت
زززنه عن ززززنه تفرق
بعضهم جناح بي ام
ياان المقدمهـ غير الموضوع
شطحت شطحه اليمهـ
لاهنـــت
بالله اللي يجون يمدحون توقيعي
ترى اللي مسويتهـ روح لبى قلبهآآ ياناآآس
<<تحب المدح باي مكان
ميرسي

**ماجد** · 18-11-2008 20:51

يابعد راسي والله يابو ماجد

محشوم ياذيب
وذبان يبقي ذبان

يابعد تسلوتي هالتسلوه

**ابو عارف** · 18-11-2008 20:55

ليه ماواصلت حتى تجينا ياحيف
الشبث ترعندنا ذبان يتحدن ذبان الشاليه
هن هذولي ياطويل العمر في مردم صحي الجعيمة
يسمونه مردم صحي وهي محرقة نفايات راس تنورة والجبيل وام الساهك وصفوى
يخي به له ذبان كبلر العصافير يانزل عليك يمار تقل حصاة محذوفة بنبيطة.

مرة قلت للوغدان إسميهم الوغدان لإني أكبر منهم وإلا بعضهم كود نعلك له الماء.

المهم قلت يالله تجهزوا نبي ناخذ غدانا للبر بلنا طعس يبعد عن المردم الصحي 3 كيلو
يخي يوم جلسنا وهن يقلن علينا يالي يسلم وهن يجننا مثل أسراب طائرات بوش العمودية بحرب الخليج.

يقعن علينا وقوع أخ أش أخ أش أخ أش والله وحنا نخلي غدانا لهن هكالكبسة وننحش وثلاثة إسابيع وبعضهن في سقف السيارة تقل ضفادع.

شكراً لك على هالفكرة الجديدة السرعة القاتلة ولا الذباب المروح.

**بالمختصر..** · 18-11-2008 22:09

وووووووزززززززززز ..

مافرقت أصواتهن بعد ؟ ترى تختلف

مره ثانيه إذا أزعجك الذباب جيب ليمونه و أقطعه نصين و حطه بصحن و خله عندك ..

ينحاش لأفريقيا

.
.