عطني اسم البرنامج واعطيك كراك له

**النازح المنسي** · 17-10-2001 20:42

السلام عليكم يالربع

اللي عنده برنامج تجريبي يعني لمدة مثلاً 30 يوم ويقفل يعطيني اسمه بالكامل وانا اجيب له كراك ..

للي ما يعرف وشو الكراك

الكراك ملف صغير تحطه مع ملفات البرنامج اللي تبي تسوي له كراك في الذاكره وتشغله يقوم ويشيل المؤقت حق البرنامج ويخليه يشتغل على طول ..

ليش نستخدم الكراك

علشان فيه برامج تجريبيه لمدة 30 يوم او 60 يوم وتقفل ما تقدر تشغل البرنامج ياما تشتريه وعلشان كذا نجيب الكراك ويخليه يتغل

[معدل بواسطة هــمــيـــان بتاريخ 18-10-2001 عند 11:24 AM]

**هــمــيـــان** · 18-10-2001 10:26

جهد تشكر عليه ياا عزيزي النازح المنسي

ونتمني تواصلك معنااا

تقبل تحيات اختك / هميان

**النازح المنسي** · 18-10-2001 12:34

اقول ياخوي ياهيمان

انا جايك ومعي عزبتي من اقلاع ومشطب عليهم كله من هالأسلوب اللي يدبل الكبد كل ما اكتب شي جا واحد من المشرفين وكتب اللي يبي تحت اسمي وقعد يعدل ويبدل باللي اكتبه من غير استئذان

اذا انه عندكم نقص اسامي قلي ارسلك الباسوورد والله لايهينك اكتب لين تشبع ...

وترا عزبتي بالسياره توني ما نزلت العفش اذا هذا اولها تراني ابرحل وياخيمه ما دخلك شر

تحياتي

**هــمــيـــان** · 18-10-2001 15:17

هلاااااااابك الف يااا عزيزي نازح وان ماشالك المنتدي تشيلك عيونااا

واشكرك على جهودك المبذوله ويسعدنااا مشاركتك وانت الداخل واحناا الطالعين ياا اخوي

لكن فعلااا لم يتم شط اي شيء من مشاركتك بالعكس هناك بعض الكلمات التي تم حذفهاا من قبلي لانهاا قد تقلل من مشاركتك البناء ياا عزيزي

وللمره المليون اقولك حياك الله وسط اخوانك وخواتك بالمنتدي

ونزل عفشك وعزبتك واخذ راحتك

وترى قهوتنااا عندك اليوم

وارجوا تقبل حيات اختك / هميان

**المهاجر** · 18-10-2001 16:36

مشاركه رائعه .. النازح .. ولا أنت منسي

عندي زوون ألارم آخر إصدار بقاله كم يوم .. ويخلّص ..

كان تفزع لي ترى جميلك على الراس ولا تقول أخر تاريخ الجهاز أخوك شغال مع البورصه العالميه <====--- أننييي

ملا حظه على مراقبتنا وخبيرتنا/ هميان ما هي مكانها بالعكس ...... أنا أنبسط ليامن أحد غيّر لي مشاركة بما تتلاءم مع الموضوع وأعطيه حبّه على الخشم وفي ضروف أخرى كلمه مشكور تفي بالغرض.

**النازح المنسي** · 19-10-2001 11:03

نزلنا العفش

شكراً هيمان على سعة الصدر

يالمهاجر

رفعت لك اخر برنامج وبروفشنل بعد مع السريال نمبر على هالنك

http://almsalight.com/Zonealarm%20Pr...Alshammary.zip

تلقا السريال نمبر بالداخل في ملف تكست

تحياتي