برد الشمال.......
تكفين عن برد الشمال احضنيني .. خليني اغفى بالحضن مثل الاطفال
تكفين من دافي حنانك عطينـي .. البرد عذبني وليل الشتـا طـال
مدي لي احبال الرجا ساعدينـي .. زودٍ على ما بي علي الدهر مـال
يابنت من وهم الخيال انقذينـي .. ابغى احدد موقفي والصبر طـال
لمن طريتي غصب تبكيك عينـي .. ما اقوى ارد الدمع يابنت لسال
إلى متى عن وصلكـم تمنعينـي .. الهجر عقب الوصل يابنت قتـال
لا تبعدينـي دام قلبـك يبينـي .. قطعت لجل اعيونك الاف الاميال
اما عطيني الحـق والا اتركينـي .. اعيش من بعدك على هافي الجال
احمد بن عبدالرحمن العريفي
(نديم المجره)
رد مع اقتباس
المفضلات