مــل عـيــنن تناظــر لسمـاء والنجوم * ما تهــنــا بــنــومــه كــل ما حــل لــيــل

**همس القصيد** · 16-11-2008 03:09

الشاعر:: سعود القاسمي

مــل عـيــنن تناظــر لسمـاء والنجوم * ما تهــنــا بــنــومــه كــل ما حــل لــيــل

كـل مقبل ظا لـم اللــيـل تـقبـل هـمـوم* سجت الرجـل والمسرى عـليها طـويـــل

قلت ياعـين هــيــدى لـين يـلفاك نــوم* قـالـت انت طـلبت اللي عــلي مستحــيـل

قلــت دون السمـاوالنجم حالت غـيـوم* قالت أصبرمصير الغـيم عنـهـن يــزيــل

قـلت للحب قصــد وكــل شئ مـحتـوم* طال صبـــري وأنا هـمـي يحـط ويشــيــل

قالت العـين كان أنـك بقــيـت العـلـوم* أنـشـدالــقـلب وخــذ العـلـم دامه عـلـيـل

قــلـت يا قـلب لاتصبح لـسـرك كـتـوم* كـتـمــت الــسر مالـك من ورها حصيـل

ودي أنشــدك عـن عينن تحب النجـوم* قال شـوف النجـوم يــذ كــره في خـلـيـل

ذكـره شوف عودن عند وقـت الازوم* يسري اللـيـل ويحـط الـكــواكــب د لـيــل

عـود ضاري مجرب بردها والسمـوم* ما يــقـيـــل الـيــا مـــال الــردى للمـقـيـل

في زمانن تضيق ولاتعـيش الـرخــوم* لا تـقـــدم بـقــوم ولا تــفـــك الـــد خــيـل

قلت يا قلب وشذ كــرك بعض العلـوم* الـلــيـا لي مـع الايـــام عا بـــر سـبــيـــل

ما بقــــا للمـراجـــل باللــيالي رســوم*حصـت المــرجــلـه بالــوقــت هـذا قـلـيـل

راح وقـت الرجال وصار مثل الحلوم* كــم جـيلــن فــناء الوقـــت من بعد جـيـل

ما تــدوم العــبـيـد وربــه اللـي يـــدوم* كــل مخــلوق بالـد نيــا قــفـاء الـرحــيـل

والله اني عـلـى العلــيـا قــوي العــزوم* مــارمعـاد بــه حــيــلـه ولا فــي حــيــل

أنــظــر الطــيبــه وصــد عــنها ولــوم*ودي الاوم حــظي بعـــد أنا شفـت مـيــل

بعد اناشفـت صار الـطـيب شبه معـدوم*أستــــوى بالــزمن هــذا كـريــم وبخـيـل

راعــي المــــا ل لــونــه ردي محـشوم* وراعي الطيـب ما يـحشــم وماله قـليــل

يحسب الطيب بالكـشـخه ولبس الهــدوم*مادرى أن المراجل حـد سيفــن صقـيــل

وكــل خــادم بوقتـن راح صار مخـــدوم *صارالذيـــل راس وعــود الراس ذ يـــل

ياحـرارأخـدمي والـوقــــت ذا وقــت بـوم * الــدلايــل كـــثـيـره ما تــبــيـله د لــيــل

**صلفيق** · 16-11-2008 03:17

ذكـره شوف عودن عند وقـت اللزوم
يسري الليل ويحـط الكواكـب د لـيــل
---------------------------------------------------------------------------------------------------

الله لايهينك أختي همس القصيد ، وصح لسانك
وصح لسان الشاعر : سعود القاسمي

رائعه .. من روائع الشعر ، حقيقي مدري شاخذ .. مدري شخلّي !! كل بيت أجمل من الآخر .
تذكّرت أيام زمان ماكان فيه Garmin أو ماجلان ، وبالفعل كان الأستدلال عن طريق النجوم .

لاعدمنا تواجدك ، وجديدك المتألق

احتراماتي

**همس القصيد** · 17-11-2008 05:20

المشاركة الأصلية كتبت بواسطة صلفيق

ذكـره شوف عودن عند وقـت اللزوم
يسري الليل ويحـط الكواكـب د لـيــل

---------------------------------------------------------------------------------------------------

الله لايهينك أختي همس القصيد ، وصح لسانك
وصح لسان الشاعر : سعود القاسمي

رائعه .. من روائع الشعر ، حقيقي مدري شاخذ .. مدري شخلّي !! كل بيت أجمل من الآخر .
تذكّرت أيام زمان ماكان فيه Garmin أو ماجلان ، وبالفعل كان الأستدلال عن طريق النجوم .

لاعدمنا تواجدك ، وجديدك المتألق

احتراماتي

تحياتي لك اخ صلفيق

على تواجدك المشرف والمعطر لي

تقديري واحترامي لك

**عبدالله الجعيثن** · 17-11-2008 13:03

المشاركة الأصلية كتبت بواسطة همس القصيد

الشاعر:: سعود القاسمي

كـل مقبل ظا لـم اللــيـل تـقبـل هـمـوم* سجت الرجـل والمسرى عـليها طـويـــل

اظن فيه خطأ املائي (كل ماقبل ظلام الليل)

همس

تسلمين اختي

نقل رائع يارائعه

**εïз خزامى εïз** · 17-11-2008 15:58

همـــس القـ ص ــيد..ٍ..
روعهـ القصيدهـ
تسلم يمينكـ (:
تشكرآآــــتــــ

**صلفيق** · 18-11-2008 05:48

الشـــــاعر : سعــود القاســمي

مل عينن تناظـر للســــــماء والنجوم ** ماتهـــــنا بنومـــه كل ماحـــل لــيل
كل مـااقبل ظــلام الليل تقـبل همــوم ** سجت الرجل والمسـرى عليهـا طـويل
قلت ياعـين هـيدي لين يلفـاك نوم ** قالت انته طلـبت اللـي علي مسـتحــيل
قلت دون السماء والنجم حالت اغـيوم ** قالت اصـبر مصـير الغــيم عنهن يزيل
قلت للحب قصـــد وكل شي محــتوم ** طـال صـبري وانا همي يحـط ويشـيل
قالت العـين كـــان انك بغـيت العــلوم ** انشــد القلب واخـذ العلــم دامـه عــليل
قلت ياقـلب لاتصــبح لســرك كــتوم ** كتمـة السـر مالك من وراها حصــيل
ودي انشـدك عن عينن تحب النجوم ** قال شـوف النجــوم ايذكره في خــليل
ذكره شـوف عـودن عند وقت اللـزوم ** يســري الليل وايحـط الكواكب دلـيل
عود ضاري مجرب بردها والسمـوم ** مــايقــيّل اليامــال الـــردي للمـقــيل
في زمان تضـيق ولا تعيش الرخــــوم ** لاتقــــدم بقـــوم ولاتفــك الدخــــيل
قلت ياقلب وش ذكـرك بعـض العـلـوم ** اللــيالي مع الايــام عـــابر ســــبيل
مابقى للمراجـــل باللــيالي ارســـوم ** حصـة المــرجلة بالـوقت هـذا قـليل
راح وقت الرجال وصـــار مثل الحلـوم ** كــم جيلن فناه الوقت من بعد جــيل
مـاتدوم العـبيد وربـه اللــي يـــــدوم ** كل مخلــوق بالدنيــا قفـــاه الرحـيل
والله اني على العليا قـــوي الـعــــزوم ** مـار مـاعــاد به حيلـة ولا في حـــيل
انظـــر الطــيبة واصــد عنهــا والــوم ** ودي الــوم حــظي بعـدما شـفت ميل
بعد ماشفت صار الطيب شـبه امعـدوم ** استوى بالـزمن هـذا كــريم وبخــيل
راعي المـال لـو انه ردي امحشـــــوم ** وراعي الطيب مايحشــم ومـاله قليل
يحسب الطيب بالكشخه ولبس الهـدوم ** مادرى ان المـراجل حـد سـيفن صقـيل
وكل خـادم بوقتن راح صـار امخــدوم ** صـاير الذيل راس وعـوّد الراس ذيل
ياحرار اخدمي والــوقت ذا وقت بــوم ** الدلايـــل كــــثيرة مـــايبي له دلــيل

مدري ليه من كثر ماأنا معجب بالقصيدة .. ودّي أكتبها

**al-shmaly** · 19-11-2008 21:40

ياحـرارأخـدمي والـوقــــت ذا وقــت بـوم * الــدلايــل كـــثـيـره ما تــبــيـله د لــيــل

الله الله على القصيدة الجميلة بمعانيها وكلماتها واسلوبها وصورها

راائعة بحق وراائع منك يا همس اشكرك على ما تقدميه من قصائد جميلة تصور حياتنا

وصح السانك واسان الشاعر
والقاسمي معروف وله اشعار جزله

الله يعطيك العافية .. وباننتظار روائع اخرى منك

كوني بخير لاكوووون