[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ياسامعين الصوت .. ردو علينا=كان الصدى ياصل .. نجرّ الغناوي
الحال عرجا .. والوطا مايبينا=وصار الخوي .. رجمٍ يعزّ الخلاوي
ياما وياما فوق راسه .. نعينا=حظٍ رفض .. مع ميلة الوقت ياوي
احيان اشيل الهم .. وانساه حينا=وفكرٍ نخيته .. "قيــدّته" الهقاوي
كان الخطاوي .. بالعنا تستهينا=لاوالله الا ضيعتنا الخطاوي
مع دورة الايام .. رحنا وجينا=والحيل من عقب المشاوير ثاوي
احلام عمري .. ما رست له بمينا=وقصة حياتي ماتبي اليوم راوي
دنياً تبينا .. وبالفرح ماتبينا=وحلمٍ زرعته .. ماسقته الرجاوي
يامسندي قل للدهر .. لايلينا=خله على كيفه .. يصب القهاوي
انا احمد الله مارفعنا يدينا=الستر راس المال .. والجيب خاوي
مبداي طين .. وتالي الوقت طينا=نكتم عنانا .. ولانبيح الشكاوي
اليا صفت .. درب المعزه مشينا= وان غبرّت .. نكفخ كفيخ النداوي
ياكن قلبي .. وان حداه الونينا=ذيبٍ من هزال المقادير .. عاوي
اشتم زماني .. واثري العيب فينا=يالعنبو حظٍ .. حدته البلاوي
استفزعه.. وانخاه .. "عيا يزينا"= " هبيت " حظٍ ماقوته العزاوي
[/poem]
اخوكم : مشعل حاشم الشمري
رد مع اقتباس
المفضلات