لقد لحقني قبل المسجد بخمسين متر فقط وأقسم علي إلا أن أركب معه للمسجد قلت قريب وصلت يا إبن الحلال فحلف بالطلاق إلا يوصلني عاد عنده حرمتين وخفت يطلقن كلهن ركبت خشمك ويمطخن مشى الرجال وصفط قدام الباب الرئسي للمسجد ومد يده لي قائلاً مبروك رئيسكم الجديد رئيس أرامكو الفالح قلت الله يبارك فيك قال أنت تعرفه يا ابو عارف قلت لا لكن كتب قصة حياته ومن خلالها تعرفنا عليه أكثر كل هالحكي وهو ماسكن يمناي ومنحني يمي صوبي على قولتهم والسيارة شغالة والأبواب مقفلة أوتوماتيك.
فقال هذا كان من سكان رحيمة من عائلة آل فالح بيتهم تخبر المغسلة السريعة قلت إيه 2000 أبيه يخلص علينا المطوع أقام الصلاة ، قال لا ياشيخ ماهي 2000 هنا بالسوق تخبر بيت ابو سليمان ؟ قلت إيه دخيل ... قال لاء قلت إلا دخيل هو الي عنده مغشلة الشعب قال لا لا وين أنت رايح ياشيخ أرجع أرجع قلت ممنوع الرجوع الشارع إتجاه واحد خلنا نصلي وبعدين تذكرلي . قال لا أنت هالحين قربت شفت مكتبة ابو علي الي بالزاوية ؟ قلت إيه إيه عرفت المغسلة إلي شمالها قرب الراجحي . قال لا لا وين أنت رايح ؟ أرجع أرجع قلت رجعنا لقولة أرجع خلنا نلحق على الصلاة يا أبو حسن.
قال معليش بس بيتهم بين شفت خياط العطوي قلت إيه قال ويش تعرف حوله ما أذكر شيء قلت مطعم أتسذب أبيه يخلص قال إيه شفت المطعم ؟ قلت إيه قال أرجع بعد للنافذ الي شماله تعرف كمب السويدي قلت إيه إيه عرفته عرفته خلنا نصلي خلصوا الربع . قال وين عرفته ماهو عند الكمب تدخل مع الشارع ريوس لإنه طلوع ماتقدر تدخل ممنوع وأضاف مرة دخلت معه وقابلتني الدورية وبغوا يخالفونن يالله تخلت منهم وفطرتهم بالمطعم الي تقول.
المهم سلم الإمام وطلعوا الجماعة وكل من مر علينا تهول واقفين متماسكين اليدين عند باب المسجد ولا صلينا المهم لطخ حتى قلت إيه إيه ياقال شين قلت نعم أحسبه سكران قال هذاك هو بيت أبوه فقال تدري أن سالم آل عائض بعد من رحيمة قلت نعم وخالد أبو عينين.
قال يالله نصلي قلت سكروا المسجد رجعنا نصلي ببيوتنا الله لايبارك بهالرئيس وعرضته.
صحيح أن بعض الناس علة مصران.
رد مع اقتباس
المشاركة الأصلية كتبت بواسطة كلي بكم إعجاب
المفضلات