ومن فوق خشمه تتجه للعزيمة..........

**الداعيه / براك الفريسي الجربا** · 31-07-2002 04:00

اختي الفاضلة اختكم

ما اجمل ان يقف الجنس الأخر

ونقف نحن امامه نقول له صدقت

لك من اخيك كل ود واحترام

واشكرك واقول لاتحرميننا من تعقيباتك النيّرة

وياهلا

**الداعيه / براك الفريسي الجربا** · 31-07-2002 04:07

البرنس شليويح التاسع عشر

انه من دواعي الفخر والأعتزاز ان يقف

على قصيدتي رجل بمقامكم يشيد بها

وهذا يزيدنا فخر ويجعلنا نبحث دائما عن الجديد

ايها المميز النجيب النادر لك من اخيك براك الفريسي

كل حب واحترام وامتنان على ما اوليتنا من كلام فائق

اخي العزيز

ان مثل هذه المواضيع تحتاج الى طرق

ونحن عندما يهبن الله جل وعلى مشاعر

يجب علينا ان نترجمها اخي الغالي

لا اريد الأستطراد والأطالة

فقط سعدة معك اخي

فلا تحرمنا من تعقيباتك

وياهلا

**فرحان** · 02-08-2002 03:57

شاعرنا المبدع والمميز / براك الفريسي
عندما نقرأ هذه القصيدة نجدها تنطبق فعلاً على هذا العصر وانا اقول ان من يجد الصفات هذه تنطبق عليه فعليه المبادرة الى التعدد او اصلاح حاله في صلاح زوجته والمفروض اخي الكريم بما ان القصيدة تتناسب معنا فيجب تدريسها للأجيال القادمة
و ليعلم المتعددون هذه النقطة التي اريد ادراجها ضمن الكلام وهو ان التعدد يجب فيه امرٌ مهم وهو الرجولة وهذا منطبق على قول المثل القديم الذي يقول (( المرة من رجاله والفرس من خيالها ))
وشكراً

**العجوز السنعه** · 02-08-2002 12:45

بسم الله الرحمن الرحيم ..
أنا جيت مرتن ثانية .. بس متأخره شوين .. ماهو خرعتن من الرد ..لا والله .. بس كنت مانابوه .. عندي ظرفن منعني من النترتت لأيام ..
إذا تبون تعرفونه تعالوا عندنا بمضيف الأسره .. حياكم الله .

نرجع لولدنا براك ..
اسمح لي أسئلتك اللي سألتني اياها ماهي لم سالفه ..
لأن أنا ما اعترض على التعدد المعذور وانا قلته لك ..
لو عندي بنت يابعدي عمره ثمنطعش وجاني الرجال السنع جوزته اياه لو معه زوجهثانيه مهو عاد أم أربعين .. بس شرطي ما أتخلى عنه وهو أنه يكون معذور في التعدد .. ماهو يظلم بنيتي وعيالها .. واذا كان بيظلمها .. فبيت ابوها أصرف لها من انها تجيني بيوم من الأيام تجرجر فرخها طاشها بالشارع هي وولدها لأنه ماهو قد المسؤوليه ..
والبنت غالية سوا عمره شهر والا مية سنه ..
وسؤالك الثاني ..
لو عندي ولد ومرته ماهي بارتن بي ما أتمنى أنه يتزوج مرتن ثانية .. ؟؟؟
جوابي في سؤالك .. يعني الولد معه عذر .. وأي عذر أكبر من ان هالزوجة ماتبر أم زوجها .. هذا ياولدي أكبر عذر لأن الام هي الاساس .. ولاز تحط فوق الراس .. لكن قبل ما يعرس لازم انه يكون رجال وينصحها .. و يأدبها ..ويصلحها ..ماهو على طول يروح يعرس .. وافرض ان المرة الثانية بعد طلعت ماهي بارة .. بعد يروح يعرس .. وهكذا ..
فالرجال لازم يكون رجال قد المسؤولية .. ويصير ( حمش ) ولا يعطيها طرفن لين تجاه أهله .. لأن الأهل هم البادين .. واللي مافيه خيرن لأهله مافيه خيرن لزوجته وعياله ..

خلاص قضت الاجابات ..
ولا تعود له تحط أسئلتن ماهي لم سالفه ..

أمزح ..

والله أمزح ..

قلت لك أمزح ..معك ..مهو هالحين تجيب حما حيلك وتسبن بقصيده .. من يقواك .. ؟؟

يالله مع السلامه ..

عجوزك ..

**راعي العميشاء** · 02-08-2002 14:37

الاخ /براك الفريسي المشرف على الشعر النبطي.............تحيه طيبه
صح لسانك للمره الثانيه
ولكن عندي ملاحظه كثرت المواهب الشعريه الصاعده في هذه الشبكه ونريد لهم قسم خاص لتعليم الوزن للشعر والقافيه .؛؛؛؛؛؛؛؛هذا والله يحفظكم نرجو ان ترا هذه الفكره النور........اخوكم راعي العميشاء

**الداعيه / براك الفريسي الجربا** · 05-08-2002 06:56

فرحان

ايها الفاضل

انا اشاطرك الراي

واتفق معك فيما قلته

لا تحرمنا من تعقيباتك واطروحاتك

وياهلا

**الداعيه / براك الفريسي الجربا** · 05-08-2002 07:30

العجوز السنعة

اولاً الحمد لله على سلامتكم اقصد سلامتكِ

ثانياً عندي قصيدة لشايبنا السنع ابو دحيم رايح ارسلها له عبر المضايف وانت بدورك وصليها له ...............ماعليك ان شاء الله ..... وبعدين وش اللى مخوفك يعرس ابو دحيم او لا
ان اعرس فهذا ماهو معناه انكِ انت غير صالحة للأستخدام اللآدمي , ولا ان مافيك خير ابد ...
لكن حرام يخسر ابو دحيم شبابه ويضيع اوقاته معك فقط يعني اذا كنتِ معه عسل ومسعدته .... يدوّر لى وحدةٍ قشطة ...... وياكل عسل مع قشطة ... وانا اتمنا منك انت يا امنا العجوز السنعة ان تبثِ هذا الفكر بين اوساطكن ايتها النساء ... وبعدين وشو التعدد المعذور اللى طالعاتن به هاليومين ... الظاهر انكن تحتاجن لكن تحديث بيانات ..... البيانات اللى عندكن معششةٍ عليها العنكبوته ...... والله ياعندكن افكار بس وش نقول صا فيتنلكن يا بنات مخينق ..... الله يرحم زمان اول .... يوم ابوكِ يربط قرونة ياعل ماهن قرون اللي ببالي بالحمـ..... او نرفعكن بالبعير ويمشيك مع ابو دحيم وان رجعتي اطمحتي بأقرب قرب ريموت (او ماعندم رموتات اكالوقت ) اقصد بأقرب رمح وين رمح ابعدت اقصد بأقرب حصاة ايه الحصاة هنا وهناك ... وصفقك به ورجعك يم ابو دحيم واعيالك .... هذاك الوقت السنع ماهو وقتنا ..... لو ما يرسلها بالجوال رساله زينه طمحت يم اهلها لا وازيدك من البعر شيت ابوها وامها يجون صوالين مع البنت ليه تجرح احساسها ابله احساس هالطلي
نعم الطلي الرسول ما يقول هديه ان نحد الشفرة ولا نظهر السكين ولا نذبح قدامها كله من اجل احساس هالبهيمة لأن الروح سوف تزهق ماهو علشان الكوافيرة اطمح يم اهلي ..... هذا الكلام الواقعي ولا لا
ولو تبينن نكتب من مآسي الأزواج الى الصبح او انا بالصبح اقصد الى الليل ...
على العموم تحري القصيدة اللى موجة من براك الفريسي ... الى ابو دحيم المزيون <<<<< نسوي له دعاية من هالحين
رايح تاصلكم هاليومين مار انا عني رحيل ونزيل ولا كان قلتلك بعد شوين

مع السلامة

وتقبلي تحيات ولدك ((منقذ ابو دحيم من الجحيم الى النعيم ))

وياهلا