[align=CENTER][table1="width:95%;background-image:url('http://www.shmmr.net/vb/mwaextraedit2/backgrounds/19.gif');"][cell="filter:;"][align=center]
( ياهااااجري 00)
ياهاجري حملت نفسك من الخطا
الى متى التعذيب يامخضب الخمس
تطلب ولا تاخذ ولاتعرف العطا
وان قلت لك وش السبب تقطع الرمس
وغيّرت طبعك يوم همك لي إمتطا
حتى التفاهم حال من دونه الطمس
لاتعذب بقلبي ترى قلبي إنهطا
شفق(ن) عليك وضامري منحمس حمس
زود(ن) على الحرمان والبعد والبطا
ارجي رجوعك والرجاء زوّد العمس
ماانساك لين الشمس تــنزل على الوطا
ولين الوطاء يطلع على حافة الشمس
ولين الجبل يطير مع طيرة القطا
ولين القطا يرضى على القرب واللمس
تعااال00شف مفعول حبك الى سطا
شف فرق حال اليوم عن حال قبل امس
وإحذرعيون الضد لاتكشف الغطا
تراااه يحذف بك كما يحذف الدمس
كم مرة(ن) وايق وكم مره انتطا
وكم مرة(ن) عدّد خطاياك بالهمس
محمد عطاالله الشراري[/align][/cell][/table1][/align]
رد مع اقتباس
المشاركة الأصلية كتبت بواسطة كحل المحاجر
المفضلات