[align=center]
يا مساء النوووور للغالين والطيبين
احس اني مستانس ومسفهل
عاد فيه عندي سالفتن جديده اليوم صارت
ادري انكم تبون تقولون ياخوي ترك غثيتنا بهالسوالف
بس والله ماقدر اصبر
كل اليوم اضحك عليه
المهم
اليوم جمعه وحنا يا حقين الشركات والمصانع مالنا الا هاليوم نرتاح بوه
وخذيت ام ماجد وماجد وطلعت نتمشى بالبر
ولا اعوذ بالله تقل الرياض كلهم طالعين
والله وانا افتر بهالطعوس ادور مكان اجلس بوه ماحولي احد ولا مافيه
يوم راعيت ولا هكا الشبك بوه بعارين ( ابل )
ولا فيه حولوه الا عايله بعيده شوين
قلت تمام ابي اجلس قريبن منوه علشان ماجد يشوف خلق الله
المهم فرشنا فراشنا وجلسنا
وانا اقوم اراعي للعايلة البعيده عننا
ولا فيه اثنين يلعبون كوره
واحد منهم شكلوه عااادي
والثاني سبحان اللي خلقوه
جسموه نحيف بس لوه كرش
ومسويلي في امها حريف زمانوه
جلسوا الشباب عن اهلهم
ويوم خذوا شوين قاموا ومعهم مرتين
واتجهو باتجاه البعارين
طبعا حريف زمانك وزماني لابس سروال وفنيله داخليه بس ...
وهم يمشون يطقطق بالكوره ( من جنبه ورب الكعبه )
وفيه وحده من الحريم تصوروه بالجوال ( يعني تبي تسوي له تسويق هالحريف )
ماتدري ان منيتوه قربت
قلت بقلبي مجنون يا هريفي زمانك
منت بعااااقل
يوم وصلوا للشبك وهم يوقفون بعيد عن البعارين
الا هالحريف قرب وهو يمد يدوه للبعارين
ويلاعبهن
وهو يصفق البعير كف ( لعب عليه ابليس )
صديت انا عنهم
وفجأه
كذا وبدون سابق انذار
وهو يصيح هكا الصيحه اللي تخرع
يوم راعيت ولا البعير عاضن فانيلتوه ههههههههههههههههههههههههههههههههههه
ويسحبوه
وهو يبي الفكه يسحب نفسوه
وهو يجي خويوه ويمسك رجلينوه ويسحبوه
يعني البعير يبي يدخلوه الشبك يتفاهم معوه
وخويوه يسحبوه يبي يطلعوه
وهو انواع الصياح
بالاخير وهو ينزل فانيلتوه
هههههههههههههههههههههههههههههه
وهو يركض بعيد عن الشبك ويجلس ويقوم لوه نهيت
وهي تجيه العجيز اللي معوه هاه جاك شي
فيك شي
والرجال ما يرد الله العالم يحسب ذنوبوه
ويالله يقومونوه ويروحون لسيارتهم
ومنه ما شفتوه
لا تناطح الزمل وانت حويشي
وتقلدوا تحيتي
[/align]
رد مع اقتباس
المفضلات