[align=center]
مرتن من المرات جيت للفله الصبح
وليمار مافيه الا ابو طروق داخلن ومتخفي
وانما اقوم اقراء الردود والمواضيع الطيبه منكم
واطلع واروح للمحذوفات ( ضروري هاليومين التبليغ عنكم كثران هههههه )
وانا اقوم افتر بالمضايف
وهي تجيني رساله من ابو طروق
يوم قريته وهي تزوم علي تسبدي
تسيف
ليه
وش العلم
يالربع ابو طروق منغث
قلت خير ان شاء الله يابو طروق وش اللي غاثك
قال ياخوك اليوم سمعت بالاخبار ان امريكا تهدد باستعمال الفيتو ضد اي عقوبه على اسرائيل
قلت وانت وش هاللي غاثك هذي صارت عادي
قال انت منت شايفن مسلم
منت شايفن عربي
اخاف تحسبن بنقالي
قلت لا والله يابو طروق محشوم عن هالبنقاله بس ياخي مات الاحساس بي من المغثه
يوم انا صغير كنت انغث وانغث وانغث لين شبعت مغثه
وتخبر مافيه مر عندنا يعني وشوله انغث اكثر
قال اااااااااااااااااااااااااااه عزي للي يشكي لك
قلت افا يابو طروق امر بس وشتبي
قال ابي اروح يمهم بالامم المتحده تدله
قلت شلون ما ادله تخبر كل يوم نجلس بظلاله
ليامنك جيت جنيف امسك طريق بلجرشي ابد تجيك قبل تاصل صامطه
قال مابيك توصف لي ابيك تروح معي
قلت تم مشينا
والله ومن باتسر الصبح وحنا ماسكين الخط
وعندك عندك
وعندك عندك
واليوم الثالث ليمار حنا ملوذين عليهم بحق الامم المتحده
ونطق الباب وهو يصيح شيراك اقللللللللللللط
لعنبوه ماطيبوه
يوم دخلنا ونلقاهم مجتمعين وشوي ولا يتقاضبون الشوش
وانا اجلس بجنب ريس النمسا
قلت بالله واللي يرحم امن جابتك ابيك تقولي ليه متهاوشين
قال سوف يا صديق الجلسه منقوله بالتلفزيون ولازم نسوي كذا
ولا حنا خويا ولا تخرب بيننا مشاكل العرب
قلت اهااااا يعني انتم ضد العرب
قال بالله كرم المجلس ولا تجيب طاريهم
قلت اللللعن ابووووك
وهي تقبس
وليمار ابو طروق وراوه وهو يسحب عقالوه ويمسوه بالظهر
وهو يقع على القاع من حر الضربه
وهم يفرقوننا
ويوم هداء الوضع وهو يسألنا شيخهم بوش
قال انتم هالحين وش تبون جايين
قال ابو طروق يابوش المبوش
انتم يا تعطوننا يالعرب حقوقنا ولا ترنا نبي نخربه
قال هالحين ماحنا فاضين تخبرون فيه مشكلة ايران النوويه واللي تهدد البترول الخليجي
قال ابو طروق اسمع القعس المنتهي حنا ندري انه تمثيل علشان تجلسون عندنا
لكن هالكلام ما يوكل عيش عطني غيروه
قال بشبش
تصدقون انوه افهم عربي قابلتوه بحياتي
بالعاده كل كلمه اقوله يقولون تم
وفيما حنا نتحاور مع بشبش وهو يندغن ابو طروق
قال شف الحقه بسبس جت
يوم راعيت ليمار هذي كندليزا رايس داخلتن علينا ومعه طوفريه به عصيرات
وهي تجيبه لنا وحنا ناخذ عصراتنا
يوم جيت ابي اشرب قال ابو طروق لا تشرب يالخبل
نزلوه بالقاع
وحنا ننزلهن
قال بوش افا وانا اخو سبستينا ليه ماتشربون عصيري
قلت والله يابوش العربان عصيرك صايد ( المقصد اني اهينوه )
وهو يرجفن ابو طروق كوع بالجبهه على حين غره
قال لا يابوش
حنا لنا طلب عندك
قال بوش تم جايين تخطبون كندليزا رايس جتكم هديه ومعه سبعين تسلب من تسلابنا
قال ابو طروق ياملعون الرقبه انت تبي تحط هالهرمه بحلوقنا
والله الحشمه لشيراك ولا تسان تافلن بعينك بعد عيون
وهو يقوم بوش قال انا ولد ابوي
تهينن بمجلسي
قال ابو طروق اهينك والعن ثواك
وهم يتقاضبون الشوش
وانا استغليت الفرصه وشربت عصيري وعصير ابو طروق
وقمت ارسل بلوتوث لكوندليزا رايس
طبعا بلوتوث شتايم لانه مهي وجه غزل
وعقب ربع ساعه يوم راعيت لخويي وليمار حاطن صبعوه بأذن بوش ومطلعه مع الاذن الاخرى
وحاطن رجلينوه على بطن بوش ويجر لسانوه
واجيهم بمعيت شيراك وشنايدر مدري وش اسمه حقت المانيا ويالله نخلصهم
قلت يابو طروق بالله امش خلنا نروح لا نبتلا بوه
وحنا طالعين مع الباب ليمار هذا حقهم الجديد الكوري اللي حاطينوه بدال عنان
وهو يراعيلوه ابو طروق بعينن حاره
قال العللهابو هالعيون اللي تقل خطوط
والله ان عملت شين مهو زين لا اقصعك يالهديفه
ونطلع منهم
واشوى فش خلأوه ابو طروق
وتقلدوا تحيتي
[/align]
رد مع اقتباس
تسان علــووووم . .
المشاركة الأصلية كتبت بواسطة الشبث
بغيت أبتسي
المفضلات