لكم ولقلوبكم
يابو عبير المسأله مسألـة ذوق
...ولا القصايد دون الافكار سكره
ماتنبت التمره اذا مالها عـذوق
....ولا جمل عذوق النخل غير تمره
حبيت اسوي شي ماهو بمطروق
...وابدع قصيده دون فكره واحكره
واسجل اسمي بين سابق ومسبوق
....وآثره بدون احرام مافيه عمـره
سكرة مشاعر دكة البال برفـوق
....عشره تروح وترجع تغير عشره
درهم فحل قس القصايد مع النوق
....خلا سمان الذود واختار بكـره
جتك المعاني شوق لحفتها شوق
....من شاعر مافيه قـاف يعسـره
ياصاحبي والعهد لازال موثـوق
....معزتك يصعب على الحقد كسره
انت الصديق اللي له الخافق يتوق
.....لا ولّعت باقصى المعاليق جمره
القاك بالشدات ياأعـز مخلـوق
...شيخ سطع وقت الملازيم بـدره
ياعزوتي ماردني عنك مطفـوق
.....لو شد حيلـه ماتمثلـت لامـره
ان كان جات حقوق مابيننا حقوق
.....اشره علي لاجيتك بيـوم اشـره
وان الصداقه بيننا تنبت عـذوق
.....ولا جمّل عذوق النخل كود تمره
رد مع اقتباس
المفضلات