زيارة شيخ شمل شمر

**ابو عارف** · 03-11-2008 09:37

المشاركة الأصلية كتبت بواسطة خلف الرويتع

هلا ابو عارف انا لااختلف معك وانت قلت الصحيح والله لايجيب الخلاف انا اختلف مع من يريد ان يمنع ابو عارف او اي عضو ان يقول ان الشيخ فلان شيخ شمل شمر وخصوصاً عندم يكون ذلك الشيخ من الجربان صحيح ان شمر لايكفه شيخ واحد ولكن عندما استخدم هذا التعبير او اللقب فهذا مجاز لايمنعه الدين او العرف القبلي
فلايجب ان نكون حساسين اكثر من الازم ونخطي او نعترض على ذلك الكاتب هذا ماريد قوله نحن هنا نمثل شمر واي شيخ من شيوخ شمر نعتبره شيخ للجميع والحين انتها كل شي الشيوخ اصبحو عمد ومعرفين فقط والدك الي طالع من ظهرك يشتكيك عند حقوق الانسان وياخذ حقه منك وشيخ شمل شمر اليوم كل شخص يتسلح بالدين والعلم ارجو ان اصوره اتضحه للجميع يازين عرعر مع السلامه

-------------------------------
شكراً لك ماشفت عبيد؟
يقولون الحفر عليه أمطار غزيرة اليوم.
الله يحفظك لاهنت.
سلم على سنجار

**خلف الرويتع** · 03-11-2008 10:34

هلا ابو عارف الحمد الله اخبار الامطار تونس والله يرزقنا حنا ياهل الشرقيه

هذا الخبر من مكشات من احد الاخوان

يا بعد حيي حايـــــــل وشمال عليهم امطار وانخفاض في درجات الحرارة

رفحاء وعرعر وماحولها امطار غزيرة

**عبدالله الجعيثن** · 03-11-2008 11:16

[align=center]

مابعد كلام خلف الرويتع كـــــــــــــــــــــــلام

ذهب ياخلف
[/align]

(((تعبير مجاز وليس حرام ولا عيب ولاتخافون على التاريخ من هذا اللقب خافو على انفسكم من هذا الحقد الدفين)))

الرجاء اغلاق الموضوع

**أبو روز** · 03-11-2008 11:50

المشاركة الأصلية كتبت بواسطة ابو عارف

--------------------------------
حسب ماسمعنا عبر أحد الفضائيات في مقابلة خاصةأجريت مع الشيخ أبو فارس إنه عرٌف نفسه أو عرٌفه الصحافي الذي أجرى معه المقابلة بأنه شيخ شمل شمر وإنه لو يومي في عباءته إجتمع عليه مادري قال ثلاث أو خمس ملايين من شمر المنتشرين عبر البلاد العربية ومعظمهم في السعودية والعراق والشام وبلاد المغرب واليمن والإردن ودول الخليج.

والسؤال الذي يسدح نفسه لمن يقول شيخ من شيوخ شمر هو التالي:

إذاً من هو شيخ شمل شمر؟؟؟؟؟

أبو عارف الغالي
الحين العالم شبعوا من الدراهم وكلن مسوي نفسه شيخ ، وقاموا يحتسون بكيفهم ناس فاضين وشبعانين ويبي يمجد روحه .

حبيبي أنا عبدي ولكن اقول الصحيح اللي نسمعه من شمر وغير شمر ان الجربان هم شيوخ شمل شمر .
لكن الحين يوم توسعوا العالم يا كثر الشيوخ اللي طلعوا عندنا ، وانا بنشدك كم واحد الحين من ربعك مسوي نفسه شيخ واجد صح ؟
يعني البشريه بهالوقت كثر فيهم الكذب والنصب وكلن مسوي نفسه مثل شبرم الجبهان وغيره رعيان .
ما اقول الا الله لا يغير علينا النعمه اللي حنا به ، والله لا يعاقبنا بما فعل السفهاء منا .

الشيخ الحين اللي يعد الصحيح وطيب مع ربعه ويبيض الوجه عند الاجناب .

عذراً أبو عارف على عودتي للموضوع وأتمنى إنك فهمت my point

**ابو عارف** · 03-11-2008 14:20

المشاركة الأصلية كتبت بواسطة خلف الرويتع

هلا ابو عارف الحمد الله اخبار الامطار تونس والله يرزقنا حنا ياهل الشرقيه

هذا الخبر من مكشات من احد الاخوان

يا بعد حيي حايـــــــل وشمال عليهم امطار وانخفاض في درجات الحرارة

رفحاء وعرعر وماحولها امطار غزيرة

-------------------------------------
لله يبشرك بالخير ياوجه الخير ابو رويتع حفظك الله ورعاك.
يازين أخبار المطر إيوالله.

شكراً لك.

**ابو عارف** · 03-11-2008 14:26

المشاركة الأصلية كتبت بواسطة سعدون الوبيري

أبو عارف الغالي
الحين العالم شبعوا من الدراهم وكلن مسوي نفسه شيخ ، وقاموا يحتسون بكيفهم ناس فاضين وشبعانين ويبي يمجد روحه .

حبيبي أنا عبدي ولكن اقول الصحيح اللي نسمعه من شمر وغير شمر ان الجربان هم شيوخ شمل شمر .
لكن الحين يوم توسعوا العالم يا كثر الشيوخ اللي طلعوا عندنا ، وانا بنشدك كم واحد الحين من ربعك مسوي نفسه شيخ واجد صح ؟
يعني البشريه بهالوقت كثر فيهم الكذب والنصب وكلن مسوي نفسه مثل شبرم الجبهان وغيره رعيان .
ما اقول الا الله لا يغير علينا النعمه اللي حنا به ، والله لا يعاقبنا بما فعل السفهاء منا .

الشيخ الحين اللي يعد الصحيح وطيب مع ربعه ويبيض الوجه عند الاجناب .

عذراً أبو عارف على عودتي للموضوع وأتمنى إنك فهمت my point

----------------------------------
هلا بعودتك الأخ سعدون الوبيري ومرحبا
أخي مثل ماقالوا الربع شمر معهم شيوخ يحصرون الزمل ولاعندنا فيهم شك لابطيبهم ولافي شيختهم على الرأس والعين ولنا الفخر بهم جميعاً ويستأهلون مليون نعم ونحترم رأي الإخوان الذين يقولون أن شمر لايكفها شيخ واحد وليس لها شيخ شمل ورأينا صحيح يحتمل الخطأ وراي غيرنا خطأ يحتمل الصواب ولاضير بذلك.

وكان محور الحديث قصة حصلت وشبه قصيدة وكفى.

شكراً لك مرة أخرى لاهنت.

ماينقرب هذا الموقع من المضايف قصة وقصيدة هذا بلشة هل التلعة ، ماهو مثل مضيف فلة الحجاج الحبيب قل ماتريد وروح.

نعم اوافق رأي عبدالله الجعيثن بقفل الموضوع أو حتى يحذف.

**السيف المسجون** · 03-11-2008 20:20

الذهين نشكرك على التوصيف والشيخ الحميدي يستهل وهو شيخ الخرصه والتاريخ معروف خاصه بالعراق وبلاد الشام

**سنجار** · 03-11-2008 21:14

والله يحيي كل من زار حفلنـا بحضور شيخ الشمل يوم إحتفلنا
الشيخ ابو فارس رفيع مقامـه شيخ على طول الدهر ماخذلنا

أقتباس

ابو عارف

صح لسانك

ابيات جزله من شاعر جزل

ونعم بالغيثه

ونعم بالجربا

ونعم بشيوخ شمر عموم ....

الا يازين عرعر

**ابو عارف** · 03-11-2008 22:28

المشاركة الأصلية كتبت بواسطة سنجار

والله يحيي كل من زار حفلنـا بحضور شيخ الشمل يوم إحتفلنا
الشيخ ابو فارس رفيع مقامـه شيخ على طول الدهر ماخذلنا

أقتباس

ابو عارف

صح لسانك

ابيات جزله من شاعر جزل

ونعم بالغيثه

ونعم بالجربا

ونعم بشيوخ شمر عموم ....

الا يازين عرعر

-----------------------------
هلا والله وغلا بالشاعر سنجار ومليون مرحبا.
والله العظيم أن هذا البيت بالقصيدة كان هكذا.

الله يحيي كل من زار حفلنا = بحضور عاصي ضدنا إحتفلنا
الشيخ ابو فارس رفيع مقامه = شيخ على طول الدهر ماخذلنا

القصيدة كتبتها من الذاكرة وتخبر ذاكرة الشايب مسحة 50% والبيت الذي ما أذكره زين أولفه أثناء الكتابة.

على أي حال هذا الي حصل والشيخ الحميدي يستأهل.

شكراً لمرورك العذب يالغالي. ياحلو تناجيب

**سنجار** · 04-11-2008 05:52

هلا أبو عارف

حياالله راوي تناجيب

أبو عارف من دون ماتحلف مصدقك.

وأنا أقتبست البيت من قصيدتك الترحيبيه بالحفل

من دون قصد أو أني أرمي من ورأه أشياء لاسمح الله

وانا رديت على موضوعك وأعجبتني القصيده وحبيت أرد عليك

بدون ما أ تطرق لموضوع الجدال اللي أحاول أن أبتعد عنه قدر الأمكان

والكلمه اللي تجمع خير من اللي تفرق فشمر عندى واحد بفروعها الثلاث الأسلم وعبده وسنجاره

وشيوخهم هم شيوخ لنا جميع نعتز بهم ونفخر بطيبهم عسى الله أن ينفع بهم شمر

تحت رايه التوحيد وحكم أخوان نوره والله يديم الأمن والأمان ويحفض لنا ديننا..