تصدقون جدة غــــــــــــيــــــــــــــــــــر
مساكم الله بألف خير شباب .
هذي مره من المراريت قال الشباب يا الربع خلونا نسافر برا حائل (رجاء لا تدققون بكلمة براء لان طموحي صراحة القصيم:D )
الو كاد بعد اتفقنا نسافر بهكاليوم طبعا عمره أنا قعدت يمكن يومين ما نام مره من الفرحة اخيراً ابي اسافر يقعد يطلع لى احد يقول غريبه ماعمرك سافرت اقول لا حدي سقف وحويان وبلطه :o .
المهم ركبنا مع عليان لان سيارته احسّنا ددسن غمارتن 84 بس بعيوننا تقل شبح 88.
من قمة غبائنا سافرنا الساعه 12 الظهر|12| ماحّنا متعودين على السفرات ابد الا ابن الذين عبيد ابو راس سافر مره لم عرعر وقطوع( صحراء للي مافهمه) بعد طبعا مدامه سافر اكيد عنده خبره بالسفرات صار هو رئيسنا يامر وينهي مع حر الجو وغبرت المراتب ولا بعد اللى قدام عند السواق طايحه صاجت الوطايه يعني بس ارفع الغربه وتشوف الزفلت:confused: :D .
قال عبيد ابو راس يالله نفّهو(يعني صيروا مثل المراوح) علي ذبحني الحر هنا تكون المصيبه ان نفّهنا عليه فاحت ريح عرقه وان مانفّهنا عليه عل وقال مني مدبركم الوكاد قلت يالربع مابدهاش خلو نطق الحويزيه وننش عليه اغديه ينام ويفكنا |3| .
من حمد ربك وصلنا المدينه بعد معانات ودفدفه و5 مرت نقطع بانزين وصلنا الساعه 7 ونص المغرب قال حمدان ابو خشم منعفط نبي ناكل جواعا ومع المشي ندور مسجد اللى نحرم من عنده الا هكا المطعم الخاثر وننزل الله لا يوريك الثياب يابسه أي لمسه تنكسر ومتعفطه تعفط تقل جالس عليه ابو مطلق(شايب الله والعالم وزنه 800) :p .
يوم دخلنا عليه قال صرهيد العرج يامحمد هات 4 نفر رز مع الدجاج الهندي جابه وهو متلطم من ريحت عرق عبيدابو راس المهم فدعنا من العيشه ياما طلع سر الواحد قدامه شبر:D :D :D :D .
ركبنا السياره وقلنا ياولد تاخرنا خل نعتمر ونروح لجدة نفلّه هناك من شين الحظ ضعنا في المدينه ونوقف واحد قلنا بالله وين مسجد التروش للعمره قال :انتا شايف الطريق اللى مريت دوبك من جنبه
قلت انا اقلد ناصر القصبي بفؤاد ايوه اشبه .
قال دحين ترجع له وتحصّل هناك المسجد قال عبيد ابو راس على باله اسلوب تسلم يا ملا الغنيمه.
لقينا المسجد وطقينا الحرمات امهات 20 ريال ورحنا نتروش كل بيده شوي تايت علشان لزوم التروش هكالى تطلع اهب من التايت :D :D :D .
تروشنا وجلست اتحرا العيال ولا ادري وين راحو الى الساعه 12 بالليل وفيه ناس يجون ويرحون وانا وواحد جالسين وفيه واحد بعيد عنا جالس وفيه واحد جالس حول الددسن .
مع الطفش قلت خل اكلم اللى جنبي طلع حمدان ابو خشم منعف:confused: مع التروش ماعرفته وهو ماعرفن واثري الجالسين عبيد ابو راس و عليان ابو برطم مهو تروشنا محد عرف الثاني ماحنا متعودين نتروش بغير العيد
طلعنا اكك نجف نظيفين قوووووووه ;) :D :D :D .
الوكاد وصلنا مكه الساعه 5 العصر من بكرا واعتمرنا بلشت بعمري بس ماسك الحراملا يطيح مجوده ارتخاء عقب الطواف ويوم جينا المسعا مهو لازم تكبر كل ماوصلت للصفاء او المروه(شرفهن الله) انا نسيت ان الاحرام مرتخي وأطق التكبير وانا ادعي احس ان الهوء يلفحن زين والحوسه يجيه هواءومع كذا نسيت الاحرام مادريت الا و حمدان ابو خشم منعفط يقول وش بلاك سكر البقاله اذّّنو والله لا يوريك وش صار لي وانزل الاحرام اللى على كتوفي تحت علشان ادنق واخذ اللى طاح مستحي ادنّق فيه المانيين يطوفون ويسعون واخاف يفهمون ان كل الشعب السعودي مثل مصلخي |513| وعقبه اقرب باب واحط رجلي معه بس الله يقبلهكا العمره .
مادريت الا وعليان معي طالع يقول خل نحلق روسنا وانا اعطيه راسي وهو يلعب به لعب تقل ذابح ابوه انا ويعطيني راسه وانواع المنذله :D |510| .
لبسنا لبسنا وجلسنا نتحرا الشباب يخلصون عمره .
اول ما لبسوا ركبنا السياره وولعنا المسجل اللى جايبه عليان ابو برطم من جاره والفنان حجاب بن نحيت ياويل من يجرحنه بيض العذار المفاريع ويطوي الشريط ونطلعه ونزينه ونكمل الاغنيه حنا وخششنا |42| |41| |34| |29| :D .
ودخلنا جدة غــــــــــــــــــــــيــــــــــــــــ ــــــــــــــــر .
صراحه انا تعبتمن الكتابه لكن اوعدكم وعد اني راح اذكر لكم مواقف حصلت بجده تموت من الضحك ومنها:
عبيد وقصه حبه مع اللى تبيع طرطعان .
ابو خشم يطارح الحوت الازرق
وش قالت المصريه لعليان وطاح يرتعش
ابو مرزوق يفتر بوسط الشقه من الوجع
على فكرة صرهيد مافقدتوه يوم نحنا نحرم جنا واحد نحيف يقول انا صرهيد مشينا وخليناه نحسبه يتسذب اثريه المسكين عقب التروش ناحف حاله تغير علينا(ابوتس يالوصاخه عاد حنا يالالمان)
والكثير الكثير ان شاءالله .
بس هاااااااااااااااه مهو تفشلوني ولا اشوف ردود .
رد مع اقتباس
)
.. قال: انت ما في شوف هازا فيه خرمه 
هلا والله
المفضلات