[poet font="MS Sans Serif,14,white,normal,normal" bkcolor="black" bkimage="" border="outset,10,white" type=0 line=200% align=center use=sp char="" num="0,black"]
مايفهمونك
مـا يـفـهمونك لــو تـصيـح =صـقـهـان والثالث خرس
يـا صـاحـبـي والـهم ريـح=ما ترده جـيـوش وحـــرس
الـــهـــم هـذا مـسـتـبـيــح=لاحــل بالـصدر انـهـــرس
بها لوقت ما من مستيـح = لـو كــان عن بقـعا احتـرس
اصبر لوان وقتك شحيـح = ولا تصير مع خــيـله فـرس
مـيـزتـك عـيـبـك يـا فليح = الـيـوم دقــت لــك جـــــرس
عــيبـك فقط انك صريح = فـي وقــت بـالـكـذب انترس
ولو طاح وجهك ما يطيح = قـلـب بـه الــطـيـب انـغرس
علــمتك العلم الصحيــح = الـقـلـع طــب اللي انضرس
شفني وأنا مثلك جريـح = قـلـبـي مــن الـهـم انـفـرس
شفت العنا عقب المليــح = عـالـم وأنا الـلـي مـا درس
ابن عجل
[/pot]
رد مع اقتباس
المفضلات