[align=center]
دايم نسمع يقولون فيه مره عن خمس رجال
هالكلام ماكان يمشي معي
ولا ياكل عيش
الا يوم شفت اللي شفته
اقولكم وش شفت
زمااان يوم كنا شباب مهبل ومجانين
كنت انا وواحد من الشباب معزومين لمخيم خويانن لنا
ورحنا على سيارتوه ( كابرس 85 )
وهالكابرس هذا رافعن ضغطنا
بس وش نسوي مافيه غيروه
وبالطريق
كل من يمر من عندنا يراعي لنا متهول من دخنت سيارتنا
يحسبنا ما ندري انه مدخنه
ومن هالناس اللي تعدونا راعي جمس ومليان عايله
وهو يقوم يراعي لنا بنظرة احتقار
وحنا نقوم نشر لوه ( وشفيه تراعي )
ويوم صار قدامنا وهو يهدي ويخلينا نصير بجنبوه
قال وش تقول انت وياه
قلت عض القاع انت وهالوجه تقل سلوقين ممطور
وهو يصيح
انا ولد ابوي انت تقصدني
قلت لا والله اقصد هالجمس
ايه اقصدك
يالربع وهو يسفط على جنب
قال خويي ياولد نسفط ولا نمشي
قلت اسفط خلنا نعطيه كم كف
قال خويي بس معوه حريم
قلت والله والحلااا
نبي نوري حريموه انوه مهايطي ولا يسوي شي
وهو يجينا الرجال
وحنا ننزل
ونمسكوه ونبطحوه على الكبوت
وشغالين فيه مردغه
يوم خذينا شوين ليمار حدا الحريم تصيح
لعيووووووووووونك يابو فلان ( بين انوه اخذه عشدز )
وانا التفت له
وهي تغولن بحزام الامان ( قاطعتن حزام الامان من المغثه اهب اهب اهب )
وانا اقوم ارفس ابي اخلص روحي
ابي اصيح ابنخا خويي
يوم فتحت عيني وانا اشوف خويي تقل جراده عليه نمل
( قلت بنفسي الرجال مهو يمي اجيه بعدين )
المشكله ان هالمره معه عياله متكومين علي وعجست اتحرك
وخويي كذلك غايلتوه مره ومتكومين عياله عليه
والظاهر ان الرجال متزوجن ثنتين
وكل وحده اخذتن عياله ومتكومين على واحد
( اهب انا اسمع كل وحده ببيت مهو كل وحده على واحد )
وشغالاااااات ضرب وتكمخ
وكل وحده تبي تصير احسن من ضرته بالضرب
هذي اللي تكمخني تقول لعياله انت يا مرجي حط صبعك بعينه
وانت يا مرضي رح جب تراب وحط بفمه
وهي غايلتني بحزام الامان
واللي على خويي سمعته وغارت منه ( عزالله مهي غايرتن بشين يسوا )
وهي تقول لعياله
انت يا مسعود جب رضمه وافقع راسوه
وانت يا تركي جب سكروب من عدة ابوك وافتح براسوه بوفيه
والرجال جالس ومبسوط من هالاعمال الوحشيه
ويالله عقب نص ساعه يجوننا امن الطرق ويفكوننا من براثن العدون الغاشم
ولا يخلون علينا الا ملابسنا الداخليه
واعتذرنا من خويانا اللي عزمونا لاننا بصراحه ماكنا فاضيين وعندنا اشغال
وتقلدوا تحيتي
[/align]
رد مع اقتباس
المفضلات