الفزعه يالطنايا

**عقاب الحربي** · 23-10-2008 17:29

[align=center]

السلام عليكم ورحمةً منالله وبركاته ,,,
أسعد الله مسائكم بالخيرات والمسرات
أعزائي قارئي هذه الأحرف , أنني أقوم بتتبع وتجميع قصائد وحداء
للأمير/ عبدالعزيز بن متعب بن رشيد (( الجنـــــازه ))
وأتمنى من لديه أي قصيده أو حداء ولو بيت يتيم !!؟ ان يطلعني عليه مشكورا ,,,
مع أطيب التحايا ...
[/align]

**ولد البدو** · 23-10-2008 21:29

يالحربي حياك ربي
واذا انت تقصد القصيده الملفقه على الجنازه فهي ليست له

فالجنازه شاعر حداوي وليس قصائد
راع الجمل وده يطيح 00 واللي على متنه رماه
يا عيال انا مالي نطيح 00 مليت من تالي الحياه
وللامير عبدالعزيز الرشيد
وين انت ياداير منيره =دونه مزاريق الرماح
مادام راسي دايم له=والله ماتشرب سماح

**عقاب الحربي** · 23-10-2008 23:00

السلام عليكم ورحمة الله وبركاته ،،،
أخوي ولد البدو الله لايهينك ،،،
أنا دافع بحثي يالذيب هو دافع محبه والشاهد الله أني صادق ،،،
وإذا كان يرحمه الله له حداء أكيد بيكون له قصائد ،،،!!؟
والسؤال هل وثقت ودونت أم دفنت بصدور اصحابها ،،،
ولاتهوووون يالذيب .

**الــقـطـري** · 23-10-2008 23:45

هيه ياراكب الميمون ... سلم على ساهر العيني

قله ابن صباح وابن سعدون .. وابن سعود وابا الخيلي

هزمتهم والغضي ممهون .. بعيال شمر على الخيلي

اركض كما شوشه المجنون .. سبحان رب مسويني

هذه بحرب الصريف

تحياتي

**المطني** · 24-10-2008 01:06

انا سمعته برواية اخرى

ياهيه ياراكب المرسون .. سلم على ساهر الليلي

قل ابن صباح وابن سعدون .. وابن سعود وابا الخيلي

هزمتهم والعدو ممهون .. بعيال شمر على الخيلي

اركض كما شوشة المجنون .. من شافني قال عزيلي

تقبلوا تحيات / المطني

**عقاب الحربي** · 27-10-2008 02:07

أعزائي الأخـــــــــوه الغالين
ولد البدو
القطري
المطني
السلام عليكم ورحمة الله وبركاته
وأسعد ربي صباحكم بالخيرات والمسرات
من القلب أقول لكم ألف شكر على ردودكم وعلى مروركم المنعش ,

وأشهد الله على محبتي ياشمر الكراااااااااااام ,
وعلى المحبه نلتقي ,,,]