المشاركة الأصلية كتبت بواسطة عَرُوبْ
تحية تقدير واحترام لأستاذي وأخي الأكبر
الشاعر / زاهي التومي
[poem=font=",5,white,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وسّعوا لي ملعب الشّعار بانفض ما ببالي = جنّ طاري القصيد وحي ذاك الصوت حيّه
لا على المسحوب جبته لا ولا البحر الهلالي = فاعلات الرمل من يومين مزعجني دويّه
ساقت القيفان بنتٍ ما تغنّت بالجمالِ = طوّعتها يمّ شمّر وابتدتها بالتحيّة
بنت طي اللي رجاله جالت اقطار الشمالِ = بنت منهو عز ابوه وبنت منهو صان خيّه
بنتٍ اغنت من خذاها وارتقت به كل عالي = وبنت بطني بنت شيخ القوم حرّة شمّرية
جيتكم بالشعر يا ابن حمود والملعب حلى لي = جابني جزل القصيد اللي ولا غنّيت زيّه
من "هماليل الضغينة" لين ما خطّيت تالي = يوم بانت خمسة نْجومٍ تلالا منْك ضيّه
من تعزّيبه ودمع الورد توّه بانهمالِ ..! = من تعزّيبه وعين الشّيح يا زاهي نديّة ..!
من يعاف الرّعد ما يهنى بمرباع المفالي = ما تراعد الا نبتٍ غضّ بجذورٍ رديّة
الغطا ما يكْشِفه الا رجالٍ من رجالِ = يومٍ الأشباه تزحف يمّ ريح الأنثويّة
يتبع الشمس بطلوعه وارتفاعه والزوالِ = من تعلّق بالصلاة وعاف لعب السامريّة
كلمتينٍ بالحشا .. وان كنت ما اوفيت المقالِ = ينكسر هاك القلم ويْغرّق الدنيا بميّه
جيتكم بالشعر يا ابن حمود والملعب حلالي = وابتديته بالتحية وانتظر رد التحية
[/poem]
العـَــــرُوبْ
.
رد مع اقتباس
المفضلات