[align=center]
من اخونا الكبير ابو عارف
اللي بصراحه مانعرف قيمته الا اذا فقدناه ( من غير شر ان شاء الله )
هالرجل اللي مهما تكلمت ماراح اوصفه
انسان يعتبرنا مثل اخوانه الصغار ومثل ابنائه
نشكره كل الشكر لوقوفه الدائم معنا
وعلى تقبله لكلامنا
وعلى تواجده المستمر
واخوي ابو طروق
هالادمي الطيب
اللي يأسرك بكل كلمه يقوله
وتشوف الاعضاء يشوفون ابو طروق وين يرد علشان يقرون رده
شلون اذا موضوع
مسوي جو بالفله
مقدر اقول الا انه اخوي واحترمه كثير
عسى الله ما يخلينا منه
واخوي ابو ضاري ( الضاري )
وجوده بالفله مسوي توازن للفله
احس اذا فيه بركه فهي من هالادمي
ياطيب الرجال يالربع
اخلاقه عاليه
يشرفنا وهو بيننا
وماعمره بيوم جاء منه غلط
كل الاعضاء يمدحونه ولا يخطون بحقه
واخونا ريال فسحه
دمااااثة الخلق
عفريت الفله
ماودك يغيب عن الفله ولا ثانيه
ودك متصل خمس وعشرين ساعه
حتى الخطا منه مقبول
وعلى حسب ما قريت من الاعضاء الجدد انه سبب تسجيلهم
ما يحقد
ولا يتكبر
على الفطره
يوسف
حبيب القلب
عمود الفله
يالربع لو يروغ شوين طاحت الفله
اقرد ما خلق ربي
من ناحيتي انا اموت ضحك على سوالفه
لاني اعرفه منتهي
يمكن يكون اخطا على احد
بس والله طيب ولا يغث ويعتذر
فتى البيداء
في رمضان اول مره اسمع صوته
بصراحه غير اسلوبه
فيه من الطيب الشي الكثير
ولا يحب الغلط
فاهم كثير
يعني الرجال مثقف حيل
مزوح
ولا يزعل من المزح
الله لا يخلينا منه خشتوه
سناعيسو
عاد هذا ماوكلي الفله
يالربع هذا غلوتي بالفله
والله مقدر اقول له شي
مدري خوف ولا وشو ههههههه
الله يخليه لعينن ترجيه
كلامه اكبر من كلامنا وعمره مو على كلامه
اخونا الصغير
ونحترمه ونقدره
ابو خلوف
هذا بالذات
محد يعرف له الا سناعيسو
مسوين عصابه هالثنين
اول ما دخل عندنا قلت هذا وشو
لا يحتسي كثير
يعني بصراحه من الناس اللي ما تنفهم
ولا توقعت انه يستمر
طلع مهو بسيط
بس للامانه
طيب وغالي عندي بالحيل
ولا يرضى بالخطا على احد
ورحوم
والله يالربع انوه رحوم انا اشوفه بس يسأل الاعضاء
وش فيكم من عليكم ههههه
حمود الناصر
هذا ويين ما يودونه يرجع للفله
يعني هو مشرف الرياضي
بس دمه فلاوي
مافيها كلام ههههه
اخلاقه عاليه
حتى النمله لو ماتت عنده يبتسي
مهو مثل سناعيسو يفغصه ولاعليه منه ههههه
نتشرف بانه يكون بيننا
شنقل
زعيم الفله
اعرفه زين
يغلي الفله
رجالن بحاله ولا عليه من احد
منسم اربع وعشرين ساعه
يحب يضحك وبس
وغيره يخلف الله
الحنشل
اشم ريح مزمزه ياعيال هههههه
من الاعضاء اللي تشرفت بشوفتهم
الرجل طيب وكريم وابن كرام مثلكم جميع
اهم ميزه فيه انه ما يحقد
وقليل بهالوقت اللي مايحقد
رجل واصل
محترم
ماعنده سوالف هالسرابيت وهالخرفان
الله يوفقه
المسافر
الكاتب القضيه ههههه
للمعلوميه هالكاتب كان سابقا بأسم كعبول
قديم ومن الرعيل الاول للفلاويين
كاتب بأسلوب مفيد
له في كتابته اهداف
وفوق هذا اخلاقه قمه
محترم حتى اذا زعل
ورجل فيه دين
تشرفت فيه
مصيول
يعطي للفله ميزه
اسلوب كتابته تحس انك عايش بالسالفه
رجال حبيب
اخلاقه عاليه
يحب الاعضاء دون تفريق بين هذا وهذا
ماعمري شفته بيوم متزاعل مع احد
اذا حصلت له موضوع بالشكاوي تحصله يبي مصلحة المضايف
كافين الناس خيره وشره
محارش
شيخ شيوخ الفله
اختم فيه الاعضاء
الرجل تشرفت بمقابلته
انسان قليل اللي مثله
اسلوبه مافيه اي تصنع
ما يجامل ولا يحب المجاملات
ويحترم الاعضاء الصغير قبل الكبير
ويقول كلمة الحق لوهي على نفسه
استاذنا في الفله
له مني كل الاحترام والتقدير
وماراح انسا انه رجع علشاني
هذي قليل اللي يسوونه
اما اخواتي الغاليات الطيبات
فلهن كل الاحترام والتقدير
ونتشرف يكون بيننا مثل هالاخوات
اخلاقهن نفتخر فيها
وللمعلوميه
ماتجلس هنا الا عالية الاخلاق
لهن مني كل التقدير والاحترام
اختي عجايب
واختي اهدااب
واختي عطر القصيد
واختي سماا
واختي ريتاج حايل
واختي مها
واختي روح حايل
واختي متكيه بالمضايف
واختي صعوه فسفوريه
واختي مراسلكم من حايل
كلكن لكن قدر ومعزه عندي
واعتبركن اخوات لي
بس مالحظتوا فيه عضو وعضوه قديمين ماجبت طاريهم
شليويح
وحمراء الموت
غايبين صح
من فينا سأل عنهم
او ارسل رساله يتطمن عليهم ؟؟
ماقول البنات يرسلن لشليويح والشباب يرسلون لحمراء
العكس اذا منحرجين ولا شي
انا ذكرت انكم كلكم فيكم من الاخلاق الطيبه الكثير
بس فينا قطاعه
العضو اذا ابتعد محد يدري عنه ولا ندري وش اخباره
فيه شي ولا لا
احد مزعله ولا لا
محد فينا قدر اخوة الثاني
صحيح انه عاده بعالم النت
بس حنا غير
ولازم نكون غير
خويكم اذا جاء ولا فيه من سال عنه راح تحز بنفسه
لكن لو جاء ولقاكم تسألون عنه راح يثبت ولا يترككم
انتماهل الوفا مهو انا اللي اعلمكم
لكن قلت ابي اذكر
ومهما حصل بيننا نبقا اخوان واكثر
هذا اللي عندي
ممكن اكون اخطيت وممكن لا
الله العالم
الاكيد انكم غالين
وتقلدوا تحيتي
[/align]
رد مع اقتباس
<<<<<بدت الغيره يادافع البلاء
المشاركة الأصلية كتبت بواسطة الشبث
المفضلات