[align=center]
الطفوله وما ادراك ما الطفوله
شي حلو وجميل
الا عندي انا لاااااااااااااااااا
تخررررررررررع
هن ثلاث مواقف طفوليه ابي اقولهن لكم
1/
زمااااان على اول بدايات الرياض
كنت جالسن عند امي تسولف علي سوالف تريترا تبيني انام
قالت شبيثان تدري فيه حرامي هنا
( بدو مهم مثل المصريين يشترون قصص لعيالهم مافيه الا تخريع ليييين ينفضخ قلب الوغد تشوفين ليه مابنا مهندس ولا طيار ولا طبيب )
انا طبعا بلعت ام العافيه وتغطيت ونمت
ويوم جاء من باتسر وانا ابلشه بالمطبخ
قالت انت ليه ما تضف وجهك عني
قلت يمه ذالن من الحرام
قالت لا ماعليك اي شي يخرعك قل وعععععع ويهرب ( تبي تصرفن )
طلعت من البيت يوم راعيت ليمار فيه سياره جايه بالطريق
وتخبرون الطريق السحراوي
وانا انبطح بالطريق
يوم قربت السياره وانا انقز واقول وععععععععع
قرقش
صوت وطيت ادمي
واخر شي شفتوه رقم اللوحه ( د ل خ 666 )
وبغيت اموت
2/
في نفس هكا الايام
كنت اتمشا انا وخوين لي
وكان فيه سيارة ابو يمن يبيع خبز ويوزع على البقالات
الوكاد وحنا نتفق نبي نسرق منوه
ونمشي وراوه ليما وقف
وحنا ناخذ كيس خبز ونهرب
وهو يلحقنا ابو يمن
انا اخذت رغيف وخويي خذا باقي الكيس
ورحت يمين وخويي راح يسار
بس تخبرون خويكم مقرود
وهو يخلي خويي ويلحقني انا
وهو يمسكن ( ياقردي )
من الشطانه اللي بي كليت لقمه من الرغيف قلت يمكن يخليه
وهو يسحب الرغيف ويغولن ليما نزلت اللقمه اللي كليت ( ياويلوه من الله )
3/
وكمان في قديم الزمان
ومع نفس خويي اللي مشوين
طلعنا من بيوتنا العصر
ولعبنا كوره
ويوم جاء المغرب ونسمع ان فيه عشاء بالحاره الثانيه
قال خويي وش رايك نروح
قلت مشينا
ونروح يمهم
تخبرون اول ليا صار عند العرب عشا تلقاهم من المغرب مشتطين
الوكاد اننا جينا وجلسنا بصدر المجلس
والله وكيلكم اهلنا قاموا يفترون يدوروننا
وماخلو ولا مكان
ويوم قلطوا الربع عشاهم
قال المعزب للضيوف تفضلو
( طبعا حنا قالطين قالطين )
يوم قربنا للصحون
مافطنت الا هاللي غالن وغال خويي
يوم راعينا ولا هذولا اهلنا
ياليل البتنقان
ويودوننا للبيوت وانواع الدق
عاد ماخلونا ليما نتعشا
للحين احس ان العشا كان طعموه شي
وهذي هي
وتقلدوا تحيتي
[/align]
رد مع اقتباس
المفضلات