طلال العبدالله الرشيد ..... الامير المحبوب

[نايف الصنيدح]

السلام عليكم ورحمة الله وبركاته

جهد تشكر عليه اخوي ابو رزان بس عندي مداخله اذا سمحت لي وهي مراسلته مع شليوح العطاوي .

المساجلة كانت بين الفارس شليويح العطاوي العتيبي والأمير محمدالعبدالله الرشيد وليس طلال الرشيد رحم الله الجميع

يقول شليويح العطاوي

يفدى عشيري من عظامه تقله** البدو واللي يلبسون الحـداري

ومن عرض ما يفداه غوج نتله **وقطعاننا ومثنديـات المـزاري

وابن رشيد الشمري فدوة لـه** مودع فراقين البداوي وقـاري

الشيخ يدمح لي ثمانيـن زلـه **واللاش ماني عن زراياه داري

وصلت القصيده للاميرمحمد بن رشيد قالوا كيف ياطويل العمر شليويح يفداك بمره

قال محمد بن رشيدشليويح يقول الشيخ يدمح لي ثمانين زله وهذي وحده من هالثمانين باقي لشليويح تسعوسبعين زله عندي وانا مانا لاش وانا اخو نوره .

ورد علىشليويح بهذه الابيات يقول الأمير محمد بن رشيد :-

ياواصـل منـي شليويـح قلـه** في سد وجهي عن جميع المزاري

لا عاد شيخ وكـل عقـد يحلـه **وبالليل يتعب حافيـات المسـاري

والله ما الومه لو فدانـي بخلـه** حيث ان جاري لي من الود جاري

قبله لطيف الروح حالـي يسلـه **سل السلوك المبهمـه بالابـاري

واسف على الاطاله

حياك الله اخوي المحترم
لكن اسمح لي ان اقول انهنى اختلف معك في ماذكرت
والسبب ان الامير محمد العبدالله الرشيد ( المهاد) لم يقل الشعر وهوغير شاعر وهو معروف لدى الرواة ويوجد قصيدة لفجحان الفراوي قيلت على لسان الامير يخاطب بها الامير غزالان (محمد بن سعو د )
لك الشكر

[خالد العلي]

الأخ نايف الصنيدح موضوع أكثر من رائع

عن

الأمير طلال العبدالله الرشيد

رحمه الله .

[راعي البيرق]

[align=center][/align]بارك الله فيك أخي نايف
أسلوب رائع .. وعرض شيق .. استمتعنا بهذه السيره أيما استمتاع ..
ونسأل الله أن يرحم الأمير ويعامله برحمته ..
ثم لا تحرمنا من مثل هذه السيّر ..

[أبو روز]

نايف الصنيدح

لا هنت يا الغالي على هذه النبذة الرائعة عن حياة الامير طلال العبدالله الرشيد

وعسى الله يرحمه ويسكنه الجنة

تقبل مروري

[نايف الصنيدح]

انا اشهد انه موضوع دسم..



لا هنت والله يا ابو رزااان..



اسلوووب ممتع.. مؤصل.. بقصائد..!


سؤال اخي ابو رزاان..؟؟


الجوهره بنت فيصل... اللي خذاه ماهو عبدالله..!


اللي يقول..


الجادل اللي كن زمة حجبها *** زمة قطاة كروش غب النتسيفه..

حياك الله اخوي الغالي
واشكر تعليقك اما بالنسبه لسؤالك ربما يحتمل ذلك اذا فيه ادله تعطينا يكون افضل
كل الشكر والتقدير لك

[ثامر ابو نايف]

السلام عليكم بيض الله وجهك يانايف كفيت ووفيت
طلال لو قلبك حجر او حديدي--امداه من حامي وطيس الوغى ذاب
ياليت حكمك عندنا يالرشيدي--ماكان يوخذ زملنا من ورى الباب
وعيال عمك كاسبين الحميدي--جددت قالات لابا زيد وذياب
ياما هفا بايمانهم من عقيدي--ولاجنبوا عن قالة خوف طلاب


الله يرحم الامير طلال ويجعل مثواه الجنه اشكرك على اجتهادك يانايف ومازلنا نطمع بمواضيعك النادره