][@][ أعضائنا في سطور ((5))... مع أخونـا شـــامــــان... ][@][

[شامان]

عطــر القصيــد

- اجمل قصيده قراتها هنا بالمضايف وش كانت ولمن شاعرها ؟

[frame="15 98"]

الفقــر ... للرائع \\ عساف التومي

لاتقصـر بصوتك../.ولاتقفـل الـبـاب
الخـوف لاعشعـش بعمرك.//.قصربـه

خذها كذا../.. من راس ماهوب يرتـاب
ورده علـي..//. لاقيـل منهـو هذربـه

المال..//.. يبنيلك وطن وسـط الاجنـاب
والفقر../. لوهو وسـط الاحبـاب غربـه

ماتنغبـن../. ياكـود مـن طقـة البـاب
شخـصٍ طلبـك الما../.ولامعـك قربـه

تضيق فـي عينـك وسيعـات الاجنـاب
وتصـد عينك../.ماتلـد النـظـر بــه

خـص الـذي ماعنـه منحـى ومجنـاب
وااااااشيب عينـي نظرتـه لاخـزر بـه

واومى براسه./.وابتسم../. عقب ماخـاب

واقفى../.ولايـدري علـى ويـن دربـه

والله../.ياميـقـاف رجــلٍ بلاثـيـاب
اهون مـن الوقفـه../. وأخيـك بكربـه

المال../. ذل اشناب../.وارهى على اذناب
وكـم سيـف فـي جـربٍ ولاهوبجربـه

وكم شيخةٍ../. جيبت من افعال../.وانساب
قفـت ورى شيـكٍ يفـج النـحـر بــه

وكم شيخةٍ../.بنيت على فتحـت حسـاب
وان دندنت../.ماهـو يشـد الظهـربـه

وكم مجلسٍ../.خيلـه تربـط بالاطنـاب

واليوم../.مايسمـع دنيـن النجـر بــه

وكم مجلسٍ../. قد كان حفـره وسـرداب
مـن درهمانه../.صـار للنـاس طربـه

وكم عظم قومٍ../.يوم ثوعـات الانشـاب
فقره كسـر عظمه../.وشـوه بطـر بـه

وكـم واحدٍ../.لوتبخنـه (دايـح كـلاب)
بالمـال ياكـم شاعـرٍ قـد شعـر بــه

ياصاح../.وادري يلحقـن لـوم وعتـاب
من عالمٍ./..شعـري يشـب الجمـر بـه

وادري../.اببلـش بيـن ناقـد وكـتـاب
نـاسٍ لقـول الحـق مـاهـي بطـربـه

وادري../. ابسمـع ذا بلابـوك ياعقـاب
من واحـدٍ جـرب عنـاي وشعـر بـه

لاقلت../.والدرهم وطن وسـط الاجنـاب
والفقر../.لوهو وسـط الاحبـاب غربـه

[/frame]

[شامان]

عطر القصيد

بيت شعر قريته تحس انك اللي كاتبه .. يعني اقصد حكى شيء بداخلك...؟

مـن قال لحظة فراقك مالها تأثير؟؟
أحس روحي تبي تطلع من فراقك

[شامان]

عطـر القصيـد

- اجمل خاطره قراتها هنا بالمضايف لمن..؟

الإجابــه صعبه لأني سوف احتار ..عذراا

[شامان]

عطــر القصيد

4- وش رايك بدخول المراءة بعالم النت باسمها الصريح ..سواء كانت كاتبه او اديبه او شاعره او طبيبه او رسامه او اياكان مجالها لو كانت ربة بيت ... ؟

5-هل يعتبر خطاء مشاركتها بأسمها الصريح وذنب تستحق ان تعاقب عليه ..او بالعكس شيء خاص فيها..؟
.

دخول المرأه بإسمها الصريح أمر متروك لها
وهذا يعتمد على جرأتها ،، وعلى البيئة المحيطه بها ان كانت تسمح بمثل هذا الأمر ،، وعلى كل حال المرأه بطبعها خجوله .. ودخولها بإسم مستعار يعطيها أكثر راحه للمشاركه اما من دخلت بإسمها الصريح فتكون قد كسرت هذا الحاجز وهو حاجز الجرأه ولا يعني أنها غير مطوقه بالخجل بل تبقى كما هي بطبعها خجوله

عذراا على الفلسفة الزائده

[شامان]

شـــامــ

لست صحفية
لكن سأتقمص دور الصحفية ..
وسوف أنتظر تراتيل من قلمك
تتلى .. إذ طالما اعتدنا من قلم
الراقي شامان عقداً من لؤلؤ الكلمات ..
وأين أنت اخي الفاضل ..من القصيدة الفصحى
وأخيراً و بـ ما أن اختصاصي اهداءات
اخبرني عن أول هدية وصلت لك و ماذا كانت المناسبة

وكلي شكر وامتنان لـ عطر القصيد
لاختياراتها الرائعة
دمتما بخير ..

اهلين شامـ

بالنسبة للكتابة بالفصحى أنا بطبعي اكتب بالأحداث
وكتاباتي قليلة ،، واتوقع ان الفصيح صعب ولكن احيان
جميل ان تخاطر وتكتب به ،، اتمنى ان يكون لي جديد بالفصيح

أمممممممم الهدايا ، بالنسبة للهدايا ،، اول هدية كنت اعرف قيمتها وأقدرها
كانت من اخي خالـد ، عبارة عن ساعة وهي بمناسبة عودته من السفر
اتوقع أني كنت في الأول الإبتدائي وقتها ... أي أسئلة اخرى من الأخت الصحفية ؟؟

[شامان]

أبو خلــوف

ماذا تعني لك مقولة

هذا الكلام الي يصمل على الشارب

ما ذا تعني ؟

ولى زمان الرجال معكفين الأشناب
وجانا زمان اليوم وينك حياتي

[همس القصيد]

بااااااااااااااااااك شامان,,,


اشحالك اليوم,,,, ما شاء الله الاعضاء ما قصرووا

وانا منهم,,,, اتحملنا اشوي,,,,,


يا الله انكمل باقي الاسئله


لو عندك بطاقه دعوه لثلاث أشخاص على عشى.. في مطعم كششششخه.. من راح تعزم؟؟

حجزت أسبوع في برج العرب.. من راح تاخذ وياك إذا اشترط عليك عدد 6 أشخاص؟؟

: متى آخر مره عزمت شخص على غدا أو عشى؟؟ وشو كانت المناسبه؟؟

: متى آخر مره اعزمك شخص؟؟ وشو كانت المناسبه؟؟

واحد من ربعك عزمك على العشى أو الغدا في مطعم غالي.. لأن توه نازل المعاش.. وهو مستانس.. ويبي يفرحك.. ويوم يا وقت الحساب اكتشف ربيعك إن ما ياب معاه بوك.. شو راح تسوي وإنت تشوف إن لازم تدفع أكثر من 300 درهم على غدا أو عشى.. بس؟؟ خخخ


متى آخر مره دغدغت الإبتسامه وجنتي شامان؟؟

شو آخر موقف صار لك وحسيت إنك طرت من الفرح يوم صار؟؟

أكثر موقف أسعدك في حياتك كلها؟؟

تفرح يوم توصل لك باقة ورد من مصدر مجهول؟؟




يمكن ارجع قبل لا اتخلص المده,,,,,,,,,

[حمـود]

[mark=#000000]
[bor=000000]
اخي شامان


لم اقرا اي شي سابق


لذلك يمكن تكون الاسئله

مرت عليك

اخي شامان

ابو بشار او ابو فواز

المهم

أين تجد نفسك بالمضايف اي اين ترتاح ؟

ما دامك من الرياضيين
سؤالي هو
ما سبب الهبوط المفاجىء للكرة الكويتيه مع انه في فتره من الفترات
كانت ذات حس قوي ؟

اي نادي كويتي / سعودي تشجع بصراحه ؟

ما هو ناديك المفضل اوربياً نادي
اما المنتخب فهو معروف ايطاليا؟

ما رأيك في قانون الاحتراف الحاصل بالخليج ؟
وهل هو سلبي او ايجابي ؟

دمت بخير

اخوك حمود الناصر
[/bor]
[/mark]

[الشبث]

[align=center]
يالربع خفو على الرجال شوي


فيه اسأله مكرره


نبي نعتقه لوجه الله ههههههه




وتقلدوا تحيتي
[/align]

[شامان]

همس القصيد

]بااااااااااااااااااك شامان,,,

ولكموووو ملايين همس

اشحالك اليوم,,,, ما شاء الله الاعضاء ما قصرووا

وانا منهم,,,, اتحملنا اشوي,,,,,

الحمد الله تمام التمام اللهم زيد وبارك لكن الأسئلة مكررة .

يا الله انكمل باقي الاسئله

يا الله يا الله نكمل ورانا شي

لو عندك بطاقه دعوه لثلاث أشخاص على عشى.. في مطعم كششششخه.. من راح تعزم؟؟

لو اقول اساميهم ما تعرفونهم

حجزت أسبوع في برج العرب.. من راح تاخذ وياك إذا اشترط عليك عدد 6 أشخاص؟؟

الأهل + الخدامه تستاهل خديجه

:

متى آخر مره عزمت شخص على غدا أو عشى؟؟ وشو كانت المناسبه؟؟

اممم قبل اسبوعين ، وصوله بزيارة قادما من الرياض للكويت

: متى آخر مره اعزمك شخص؟؟ وشو كانت المناسبه؟؟

قبل امس ،، بمناسبة منزله الجديد

واحد من ربعك عزمك على العشى أو الغدا في مطعم غالي.. لأن توه نازل المعاش.. وهو مستانس.. ويبي يفرحك.. ويوم يا وقت الحساب اكتشف ربيعك إن ما ياب معاه بوك.. شو راح تسوي وإنت تشوف إن لازم تدفع أكثر من 300 درهم على غدا أو عشى.. بس؟؟

أسأله يشد حيله علشان راح نقوم نغسل صحون الزباين كلها

متى آخر مره دغدغت الإبتسامه وجنتي شامان؟؟

أمس في الصباح اتصل علي شخص يبي يتوسط حق واحد عندنا أخوه زميل له في العمل ، فرحت اني سوف ابيض وجهه لكن طلب طلب غريب ( قالي ابيك تودي له زقاير ) انا مت ضحك قلت ما تبيني بعد ادلكه لك انت وراسك .. قلت اطلب طلعه بدري اجازه يوم حاضر .. لان صاحبه كان محجوز وصكيت السماعه بوجهه وانا ميت ضحك لان ياتخيل شكلي موديله زقاير

شو آخر موقف صار لك وحسيت إنك طرت من الفرح يوم صار؟؟

بعت سيارة عندي والحمد الله

أكثر موقف أسعدك في حياتك كلها؟؟

تحرير الكويت

تفرح يوم توصل لك باقة ورد من مصدر مجهول؟؟

مصدر مجهول بالعكس راح اصير مهموم مين اللي أرسلها

يمكن ارجع قبل لا اتخلص المده,,,,,,,,,

بسرعه قفلي الموضوع تكفون همس مهي تاركتني بحالي