][@][ أعضائنا في سطور ((5))... مع أخونـا شـــامــــان... ][@][

[الشبث]

[align=center]
الشكر لاختنا عطر على هالضيف الدسم

وحيالله اخونا الغالي والنشيط في الفتره الاخير شامان




سؤالي لك


ماهو المضيف المتسبب في تسجيلك بالمضائف ؟


سؤال اخر


تقييمك للفله وما نواقصها ؟







شاكرين لك قبولك استضافة اختنا عطر




والشكر كل الشكر لاختنا النشطه عطر


والاخوان يوسف ونافع الله العالم يبون يقلبونه تشات

بس المخالفات راح تشتغل






وتقلد تحيتي
[/align]

[شامان]

صباح الخير يا شباب

الله يهداج يا عطر القصيد انا حرفي ( ش )

يعني تو الناس على اسمي

حرف ( ي ) شوفيه اكيد قبلي بالكشف

حرف ( ن ) بعد تأكدي

والله اللي خايف منه يصير ان عطر تحط اسمي

ولا وانا نايم ،، ولا يوسف الشرير مستلمني

ومعاه الاخ نافع ،، عاد مشكله يا نافع لو اقول وش اعرف عنك

ما ودي اذكرك يوم تروح لبوك وتقوله انك طالع الاول ،، جاي تضحك على فواز .

----------------------------------------------------------------------------

عطوني فرصه امخمخ الأجوبة

[شامان]

ابو فواز

قصدك أبو بـشــاار

اول سؤال :
بطاقتك الشخصيه تتضمن التالي ..
اسمك..

رديــنــــــي

تذكرت مـن يبكـي علـي فلـم أجـد \ سوى السيف والرمح الردينـي باكيـا

تخصصك ..

لغة انجليزية

مؤهلك..

( بكاااء لريوس ) لغة انجليزية
( بكاااء لريوس ) علوم عسكرية

هوايتك..

الغوص على اللؤلؤ

عدد عيالك ..

إسألوا نافع
2- هل لك كتابات او محاولات سواء خاطره او شعر.؟ واذا كانت الاجابه بنعم .. اسدح لنا منهن ؟

لي كتابات قديمه واعتزلنا الشعر ،، وشكلنا ضيعنا دربه
بفتح الارشيف لكم :

[frame="15 98"]

ذكرى كتبتها يوم كنا ثنين
انا وانت والحب ثالثنا

اسمي واسمك والحب بين قوسين
وتاريخ ذاك الزمان اللي فيه كنا

ذكرى كانت من زمان وسنين
واليوم عادت به الايام تذكرنا

تذكرنا عسى ما نكون ناسين
للذكرى اللي أبد ما نستنا

انت ذاكر ذاك المكان وين ؟
وذاكر للذكرى وش كتبنا

مهما طال الزمن نبقى محبين
وان فرقتنا الأيام لا بد تجمعنا

رديني

أستروا على ما واجهتوا، ترى قديمه جدااا

[/frame]

3-كتاب وكاتبات الفله .. من اكثر قلم يجذبك لقراءة ماكتب؟

كلهم يجذبوني واكثر ما يشدني صاحب العنوان المميز
لكن اكثرهم مميز في اخراج ما يكتب هو ( ريال الفسحة )
لان عليه تصوير للقصه مهو طبيعي هالولد ( هالفتى )
لكن كثير الخروج عن النص ( كلاها )
4-طموح لازلت تتمنى الوصول له او تسعى لتحقيقه
..شنو هالطموح؟!!

لو طموحي قريب من زمان استرحت \ مير خابر طموحي فوق روس الجبال
( سر )

5- سؤال ماتبي احد يسالك اياه ؟
وش يقربلك نافع ؟
6-ذكريات الطفوله تاخذ حيز كبير بحياتنا .. ونعيش لحظاتها حتى وحنا شيبان ..
كيف كانت طفولة شامان .. شقي او هادي .؟!! وموقف ماتنساه بطفولتك قوله لنا بنشارك فيه.؟!!!

إسألوا نافع عنها لانه خير من يسردها ،،
(نافع ) راجعني قبل لا تقولها

طول بالك يامعود للحين ماخلصنا الاسئله ..<<عطرالكويتيه
يوسف ظبط المهيله لاخونا شامان ..<<<ابو فواز خوي يوثف
وقرب المحاطيط

7- سؤال تعرف شنو محاطيط ؟!!
يمكن اخت شخابيط الكبيرة
8-تخيل..!! لو كنت تمشي على الدائري الفلاني وفجاه بنشر التاير معك.. والجوال انت ناسيه والعفريته - رافعه السياره - مهي موجوده معك .. ولااحد وقف لك وانت تاشر للناس اللي يمرون شنو تسوي بهالحاله؟!!!

اطقها كعابي لان هوايتي الجريء عادي سهالات الأمر
( حسافة جواب مختصر مو )

9-اذا جاك خبر وجود عصابه بالمضايف هم خمسه اعضاء وخمس عضوات من تتوقعهم ..يعني قول فلان وفلان ...؟!!

اوكي فلان وفلان

أهم شي عصابة البنات لا تكون فيها اهدااب
وعصابة الشباب لا يكون فيها ابو خلوف
( احسهم مأدبين هالإثنين )

10- وش رايك بفكرتنا اعضائنا في سطور؟!! هل تعتقد انه تربطنا بالاعضاء اكثراو ماله داعي

فكره حلوه لكن تمنيت ما يطلع اسمي ،، لأني بصراحه منحاش عن موضوع ( بالمختصر ) في المضيف التعليمي لكن وقع المحضور هنا .
تصدقون عاد امس جاء في بالي لو يحطون اسمك يا شامان وش الحيله
خاصة اني ما اشارك ولا أسأل احد خايف يجيلك يوم يا ظالم

11- اذا كنت من المؤيدين لهالفكره ..!! عندك اقتراح نطور به هالفكره ..؟!!
خوش فكرة ،، واقتراحي تسوون نموذج أسأله
والضيف يجاوب على جميع الأسئلة اللي في نموذج الأسئلة وتثبتونها هنيه
حق الفضايح
12- من العضو اللي ماتبيه يجي يسالك هنا..؟ وليييييييه ؟!!

عبدالله المهيني ،،، لان صارلي مده مو شايفه

لو مكمله وقايله منو ما تبي يجي يسألك بقول \ يوثف

فاصل ونواصل
وحياك الله اخونا ...
.
أختكم
عطر

[شامان]

اخوي شامان سؤالي لك <_ طبعاَ من حفنت أسعله




وش رايك تسلمن ولد ك الدب لمدة شهر وأرجعه لك زقرتي ومعه

يوسف
وخر عن فواز لا يخربك
لانه يروح عند ابوي ويقوله يبه ابي اشتري سيارة
موستنج لونها احمر لوحاتها ( الكويت - الجهراء )
واكتب عليها من ورى يا روحي يبه

[شامان]

نافــــع

بما اني ما اعرفك ولا تعرفني
الصورة صورة البشري

بعدين فواز كلمة ( ابله ) مدري منين جايبها انا مدخله الروضة عند الكتاتيب ، كلها من يوثــــف

[شامان]

يـوسف

نافـــع \\ ما يقربلي ولا شي

بس اني اشوفه من زمان في بيتنا

وكنت اعطف عليه علشان ابوي

وكنت اخذه معاي للمدرسة

واخليه لا نشبلي يلعب معاي كورة

وكله احطه ( حارس مرمى )

لانه يوم كان صغير كان ( اسمر وبطه )

وشسوي كنت ألعب ( مدافع ) علشانه

لان شرطه الوحيد يمسك حارس لا ينفرد المهاجم علي

وبسبته صارت سمعتي بالدفاع كثير الخشونه

قانوني يا اللاعب يطوف يا الكورة تطوف

ومشكلة اللاعب اللي يختار ان الكورة هي اللي تطوف

رحمة فلان بن فلان

كله علشان يمسك الاسمر البطه الحراسه

بس خوش حارس يذكرني بدبوس وكابتن وليد ورعد

،،،،


للحين افكر منو هذا نافع اول مره يمر علي هالاسم

تقبل شخابيطي يا يوثف

[شامان]

[align=center]
الشكر لاختنا عطر على هالضيف الدسم

وحيالله اخونا الغالي والنشيط في الفتره الاخير شامان




سؤالي لك


ماهو المضيف المتسبب في تسجيلك بالمضائف ؟


سؤال اخر


تقييمك للفله وما نواقصها ؟







شاكرين لك قبولك استضافة اختنا عطر




والشكر كل الشكر لاختنا النشطه عطر


والاخوان يوسف ونافع الله العالم يبون يقلبونه تشات

فكني منهم

بس المخالفات راح تشتغل






وتقلد تحيتي
[/align]

يا جماعه هالولد قمة الأدب

الله محييك يا الشبث

اما عن المتسبب في تسجيلي مضيف الشعر .

لاني من متابعي الشعر ( قليل الحفظ له احب ان اقرأ فقط )

يعني سجلت علشانه امر وأقرأ فقط ،، هوايتي

وبعدها الحمد الله شفت هالوجيه الطيبه وسوالفهم الحلوه وللحيني من زوار مضيف الشعر

----------------------------

بالنسبة للفلة

فوق الممتازة ،، ملاحظتي عليها كثرت التثبيت

يعني ترك الموضوع وحرية القراءة والتفاعل للكتاب براحتهم ما نفرض عليهم موضوع بعينه

ونثبته .( تقبلي انتقادي بصدر رحب )

[شامان]

[align=center]
هههههههههههههههههههه افا تقبلي يا فضيحتي


الله يعين باقي يومين تو النااااس
[/align]

[لوليتا]

[align=right]
*
*



وصباح شامانى معطر

مو بعطر المضايف

لا بعطر شرقى فاخر

وضيف ثمين

<< ما قالت سمين

واختيار رااائع عطووووورة



واسمح لى شامان اسال شوووووية اسئلة





اولا من دلك على المضايف؟؟

وما الذى شجعك على التواصل فيها والمشاركة؟؟



اشوفك ما شاء الله مثقف << تكتب فى العام

واشوفك دمك خفيف ومرح << تكتب فى الفلة

وتحب الشعر << تكتب فى الفصيح

ومهتم بالتاريخ<< متابع فى قصة وقصيدة


<< خلاص هاتوصل


وينك من فيض المشاعر

<< اهتمامات مشرفين


ما حكمتك الى تؤمن بها وتعتبرها عين الواقع؟؟

ما قراءاتك وافضل الكتاب الذين تقرأ لهم؟؟

كيف تقضى وقت فرااغك؟؟

يقولون لك اولاد ... ربنا يخلى ويبارك... اذا صحيح

ما الاسلوب الذى تتبع فى تربية اولادك.... واذا سالك ابنك سؤال محرج كيف ترد عليه او تهرب منه؟؟

امنية تتمناها ان تتحقق فى القريب وعلى المدى البعيد؟؟

البلد التى تحب السفر اليها؟؟

اذا اتتك اساءة من صديق .... كيف تتصرف؟؟

من اقرب شخص لك تلجا اليه وقت ضيقك؟؟


ما ارائك فى....


العرب...

الامريكان....

الشعر.....

التكنولوجيا...

الشباب .....

والبنات طبعا....

البحر....

وانا....

وانت...

والمضايف.....

ووووووووووووووووووووووووووو


وكفاية عليك كدا وربمااا لى عووووودة


تحياااتى


*
*
[/align]

[المطنوخ]

شامان

هل كنت من شلة الطابقين ولا المحدود ايام المصبنه؟

أين درست الثانوية والمتوسطه؟؟

تعرف أبورضاعه اللي بالكوريات؟

ان ماجيت لعرسي تعرف وش يبي يجريلك؟

تعرف مايكل جاكسون؟

تعرف عزازي؟

هل تعرف أن مايكل جاكسون وعزازي مايقربون لبعض؟

هل تعرف ان جناسيهم غير عن بعض؟

هل تعرف اني اطخم واحد بالعالم؟

واقوى واحد؟

هل تعرف ان نافع ادشر واحد ؟

ليه تعرف انه ادشر واحد ؟

هل تعرف اني اكتب وبالي ماهو يمك ؟

هل تعرف ان اليوم راح اسوي عقدي مع الفرقه؟

هل تعرف بكم راح أأجرهم؟


هل ودك اني اطس؟

ليه ماودك اني اطس؟

هل تحبني؟

منو يحبني اكثر انت ولا نافع؟

هل مع السلامه؟