...... صبحكم الله بالخير
,,,, مساكم الله بالخير
قبل ماأبدا بالقصة ,,,,,,,,, منهو الدريعي ؟؟؟
الدريعي هو :: الدريعي ابن شعلان الرويلي ..
.... هذا ياطويلن العمر فيه رجال اسمه سعيد ابن هدالتس الثايتي الشمري
وكان عقيد بقومه ورجل غزاي ....
وبأحد غزواته على الروله .. أخذ منهم اللي أخذ ورجع يم أهله
وحلف الدريعي الشعلان أن مسك سعيد الثابتي ألا يذبحه
وقدر الله أن الدريعي مسك سعيد الثابتي وذبحة ,,,,,
وكان لسعيد أخو مثل اسمه سعّيد بس ينطق (بالتصغير )
وبأحد الليالي صار عشا عند أحد الثوابت جيران لأهل سعّيد
ويوم خلص العشا جاب سعّيد لأمه راس الذبيحة ,, وأقعده من النوم
وقاله يمه قومي جبت لتس هالراس ,, وقالت له ((( عاد جايب راس الدريعي )))
ياوليدي !!!!!!!
ومن هالكلمه // حلف سعّيد ألا يجيب راس الدريعي ذباح أخوه
وفعلا شد حزامه وأخذ ذلوله وراح يم ديار الروله ,, وأول ماوصل حولهم
راح يم رعيان الغنم ,,, عشان مايحسبونه ضيف ويعرفونه !! وتفشل خطته
و واجه عند الرعيان .. راعي من عبيد الجربان (( جالي من ربعه )) وعرف الراعي
أن هالرجل اللي جاه وراه بلا ,,,, وعلمه سعّيد بالسالفه يوم عرف أن من عبيد الجربان
وقاله الر اعي :: أنت مجنون .. وشلون تبي تجيب راس الدريعي وهو أميرهم
وهو بعد بين ربعه !!! رد عليه سعّيد :: قال يأنه يذبحن ولا أني اجيب راسه !!
هنا عرف الراعي أن سعّيد صامل ,,, ونصحه :: قاله أذا صار شيئ وبلشت
ازبن بيت ((( الهققشه ))) ترهم يدخلونك ,,, والشعلان يهابونهم !!!!!!!!
لأن (( الشعلان .. والهقشه )) من فخذ واحد !!!! ومحد عليه من الثاني !!
وبعد فتره راح سعّيد يم العرب ,, وخلا نفسه خبل ,, وصار يحط على شعره
من (( الحستس )) الشوك !!!
وكل ماهذا يمر من عند الدريعي عشان يعرف متى ينزل سلاحه وتى يصير
ماحوله أحد ,,
وبأحد الأيام شافه الدريعي وقال للي عنده اقلعوا هالخبل لا يجفل النياق !!
وهنا عرف سعّيد متى يكون الدريعي ماعنده أحد ومتى ينزل سلاحه
وبأحدا هالمرات يوم الدريعي عند نياقه ومنزل سلاحه ولاعنده أحد !!!
هجم عليه سعّيد (الخبل) وحط القديمي (( الخنجر )) برقبته وجزه جز !!
وشافوه الروله :: وقالو الخبل الخبل أمكنوه ...
وهنا تذكر سعّيد نصيحة الراعي له بأنه يزبن بيت الهقشه (( وهو موبت البيت طبعا ))
وراح سعّيد يركض ركض يم بيت الهقشه والروله يلحقونه !!!!!
ويوم شافوه دخل بيت الهقشه وهم يوقفون و لأحد تجرأ يدخل عليه داخل
وقال سعّيد للهقشه أنا داخل على ثم عليكم :: وردو عليه (( دخلت وسلمت ))
وشافوا معه راس الدريعي وماقالوا له شيئ !!
وقالوا له أنت بوجه الهقشه أنت والراس اللي معك يما تاصل أهلك ,, وفوق هذا
عطاه اللي من الهقشه (( عصابة راسه )) وقال هذي يعرفونه الروله !!
ويا جيت شمر هم يفكونك ,,,,,,,,,,,,
وفعلا وصل أهله بالليل وأمه نيمه وأقعده من نومه وقاله يايمه قومي
هذا ((( راس الدريعي ))) جبته لتس !!!!!!
وسلامتكم ....
وآسف على الأطاله ,,,
واللي عنده زياده أو توضيح أو ملاحظة ... يتفضل !!!!!
رد مع اقتباس
المفضلات