ياليله منيله بواحد وستين نيله

[فتى البيداء]

السلام عليكم ورحمة الله وبركاته :

مسيكم بالخير

أولاً أعتذر عن الأنقطاع >> مار مادريوا عنك

لأسباب الموسم السباقات قد بدأ

ولهذا ستقل مشاركاتي

لكن كل فترة أشقر عليكم

أن سمح الوقت ..

حصلي موقف الأثنين الماضي ماهو ألي أمس

وكنت أبكتبه أمس بس خرب DSL

ندخل في الموضوع على طول :

الأثنين الماضي رحت لحايل أنا وأثنين من أخواني

نبي نسلم على شايب لنا ولد عم الوالد ..

المهم يوم قلطنا ولبدأ يقهوينا ولد ولده ..

يصب القهوة .... هالولد لجاء يمنا أهله كنت معطيه أشوي وجه

وأقوله أيه أنت رجل ومشيخه حبتين ..

المهم : المجلس أصطك بضيوف وهالولد قهوته مليانه هيل ..

وأنا الهيل يسبب عندي مر وحموضه ولعنة جدف ..

لأني كنت يوم أنا صغير أمر طبوق الهيل وأسفه بفمي وأكله

من حبي له أخذ معي لي جمع من الهيل للمدرسة ..

وقد فتشوا بالطابور عن فصفص (حب) يوم جاء المدرس ألي يفتش

وهو يتحسس الي بمخباي وهو يقول طلعه ..

أستحيت أنا قلت هاه أغديك تهون >> تقل فرث على هالشهوه

قل أولك طلعه وأنا أطلع وعطيه أياه بيده قال وش هذا ؟؟

قلت شوفت عينك ..

وهو ينادي المدرسين وهم يضحكون علي بالطابور الله يمحقهم ..

المهم من ذاك اليوم وأنا تايب من الهيل وعلومه ..

نرجع لقصة هالولد ..

كل ماصب له فنجال ولا لقأ أحد ياخذه جابه لي ولزم علي به .

شربت للأمانه 61 فنجال >> أهب ولا حنيف

يوم طلعنا من العشاء قعدنا لنا أشوين يوم بدت تسبدي تقلب ..

وأنا أقول لخوي أغدينا نمشي يالله يمدينا ..

ودعنا شويبنا >> الله يخليه لنا

قلت قبل نطلع أبي صيدليه أبموت أنا كلهمن سبة هالعيل ..

وأقوم وأخذ زمتاك وجميع علاج للحموضه ويالله نفع ..

والحمدلله على سلامتي ..

وشكيت أنه أحد الأعضاء .. فأغديه يتعض هو وجهه ..

يغيت أدعي عليه بس قلت لا أغديه يقرأ سواته ويتوب ..

[مشتاقه لريح السمر بشماغه]

هههههههههههههههههههه
في احد يفطر على هيل
الناس ياخذون فطور للمدرسه وانت هيل
ههههه الله حاله
طيب وش حادك تقحن فهالفناجيل
قم قل حالف مااخذ
قل يسببلي حراره
انا من مدمني الهيل في القهوه
احب الكثره على اني اعرفه انه يضرني
بس الله لايضرك ماشاء الله 61 فنجال
وش حادك
بعذرك رحت على طول للصيدليه
اهم شي قمت بالسلامه
مااطول عليك

تقبل مروري

[حمـود]

هههههههههههههههههههههه


ولد البيداء

اجل تحب الهيل منذ الصغر

تصدق اني اعشقه الا الحين بس بالقهوه

مو مثلك طازه

ابدعت فامتعت

ايه صح ليه ما قلتلي ا

انك بحايل نقهويك ونعشيك

[فتى البيداء]

أختي مشتاقه أهلاً بك ...
وش أسوي أبوي الله يغفر له ما دمره ألا هالهيل .. يلزم علي بوسط هالعالم وأستحي أرده ..

وأنا المخطي ليه أشيخه ..

[فتى البيداء]

هههههههههههههههههههههه


ولد البيداء
أهلا ببوناصر الثالث

اجل تحب الهيل منذ الصغر
وراثه أبويه ..

تصدق اني اعشقه الا الحين بس بالقهوه
أنا أعشقه بس مهو هاللون .. وأنا يسبب لي مشاكل ومع ذلك ما جوز عنه

مو مثلك طازه
الدعى لي بالعافيه يابوناصر تراي أتفءل بك ..

ابدعت فامتعت
معروفه كلمتك يابوناصر ..

ايه صح ليه ما قلتلي ا

انك بحايل نقهويك ونعشيك
والله يابوناصر ماهي بشتسات ياحيي ... كنا عجلين وأن شأالله لنا ملتقى ...

ابوناصر دائماً ما يسعدني مرورك وتعليقك ..

[ابو خلوف]

ياحبيبي ياحق البيدا لاتصير شاكن بي بس


وانا مثلك بس اعتزلت منذ مبطي عن اكل الهيل


احس انك ياحق البيدا تراعي لي بعيونن حاره قسم بالله مهو انا


وانت ياسناعيس اترك الرجال وان كانه من القصيم وانا بعد من القصيم


يعني مانروح لحايل

[فتى البيداء]

أعوذ بالله
ماتستاهل والله
ما أدري وشي ألي ما تستاهل ؟؟

بس بالله إنت وش لك بحايل<<شاك إنك من الجماعه<<
ما رايح تنقصن شي ما رايح تزود عدد أهلي أو تنقصهم أنت
يعني هو بحايل بالضبط
لا بأم القوين ..
ترن أنا شفت إنه لك أحد بحايل فنسيت موضوعك<<مهي أول مره<
ياراع القصيم

يقاله يعير بالقصيم وأنت من الرياض ..

الله يوفقك وإن شاء الله نشوفك الأول على خوياك
أقول ليه غايب ؟؟ لا يتمردغك أبوك ..

حياك .

[فتى البيداء]

[quote=ابو خلوف;655603]ياحبيبي ياحق البيدا لاتصير شاكن بي بس
والله ما دري يابوخلوف كل شيء جايز ..


وانا مثلك بس اعتزلت منذ مبطي عن اكل الهيل
أحسن لك لا يعدم عندك القالون ..


احس انك ياحق البيدا تراعي لي بعيونن حاره قسم بالله مهو انا

ابو خلوف أنت وش أسمك ؟؟ >> مغيب وراي عصا


وانت ياسناعيس اترك الرجال وان كانه من القصيم وانا بعد من القصيم


يعني مانروح لحايل

خله هذا عيل هاجتن به ما يدري وش السالفه ..

يحسب حايل لأبوه ..
[/quote]

حياك الله ابوخلوف

[ابو خلوف]

لاتصير نيتك هاللون ياحق البيدا


انا مهنا حليلي بس اطول مابي لساني >> مسوي يعلمه

وش تبي باسمي بعد

[فتى البيداء]

فتى لبيدا
أنا أسحب دعوتي لك لأنك مادري وشو
وش دعوى ياسليمان عليه السلام .. أنا ما دري وشو أنت ..
بعدين وليه تزعل يوم قلت لك ياراع القصيم المفروض تستانس ياهالكمخه

الكمخه جابته أمك .. لا أنا من القصيم وكلي فخر وأنت من الرياض من عبند منفوحه .. وكلك فخر بعد صح ؟؟

هلا بك مرة ثانيه ..