ما شربت مهيّل البن الأشقر من حلاه=غير طعمه مرّ ويفوح من حرارته

[رشيد الهديرس]

**


**


**


**

[poem=font=",6,white,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ما شربت مهيّل البن الأشقر من حلاه=غير طعمه مرّ ويفوح من حرارته
اتلذذ به واحصّل لمشروبه طراه=وافقده بالحيل لا أبطيت من بهّارته
لاجل تأثيره بنفسي وراسي لاشتهاه=اشربه واقول (يا ماحلا مرارته)
يا وجودي بالتوجد وياويلي ولاه=لا ذكرت مناسف الثوب في دبّارته
فتنةٍ من جسمه الله خلقها في قفاه=والقبال اللي ليا اقبل تزيد اثارته
بأكحلٍ فيه انكسار الحيا لبّا حياه=خادرٍ ويخدّر العقل من خدّارته
والحجاج مقوّسٍ من تحت سيد الجباه=في دياجير الليالي تشع إنارته
نوّر الخد وخذا من ضيا نوره ضياه=لين خدّه زاد نوره مع احمرارته
حمرته بشويش ماهي مثل حمرة اشفاه=الشفاه تشابه من الجمر شرارته
من وراها ناظم اللول مصطفٍ اسراه=ما تبين الا ثمانٍ مع استبشارته
والحشا ضامر ونهده تعلاّ في حشاه=ما رضع منه الصغيّر بعد باصرارته
سعد ابو منهو على الشرع والسنة خذاه=لا كفاه الله وخلاّه من حجّارته
[/poem]


الشاعرعبدالهادي بن جليغم

[((عبدالله بن غيث))]

صح ألسان الشاعر ..!

تسلم يارشيد, ولكن ننتظر الاجمل ..!


تحياتي لك

[رشيد الهديرس]

صح بدنك والله يجزاك خير على المرور وعلى الملاحظه الطيبه
وانشاء الله القادم اجمل >>>>>>>>>تحياتي واحترامي لشخصك الكريم
اخوك ابو ياسر

[مشتاقه لريح السمر بشماغه]

مشكور اخوي
صح لسانك
ننتظر جديدك
تقبل مروري

[عبدالله الجعيثن]

رشيد



رووووووعه




تسلم وصح لسان شاعرها

[رشيد الهديرس]

مشتاقه الف شكر وبيض الله وجهك
اخوك ابو ياسر

[رشيد الهديرس]

الاخ والشاعر عبدالله الجعيثن مشكور وبيض الله وجهك على المرور الطيب
تقبل مروري اخوك ابو ياسر