آمحق من ذكريات
السلام عليكم ورحمة الله وبركاته ...
الآماكن كلها مشتاقه لك مسسسسسسسسسسسسسسسسسسسسسكين يامزعل
يالربع الدي سي أل فصل علي ورحت لمقهى جنب الشقة <_ عزبة هنود
المهم مالكم بالطويلة بجنبي لي واحد داخل له شات صوتي كل شوين ابي اقمز عليه أليخه تقل صويت بنت
المهم يالربع هكاليوم أنا ولي واحد بالمسانجر قال تسابق منهو يقفل أول <_ خبول
قلت اصبر خلن احط ثوبي بسروالي وقبل كل شي الزبيريات ابحطهن بمخباي عشان مايضيعن شاريهن بــ120 دافعن بهن دم قلبي <_ قعيطي ..
وقلت اصبر خلن اعض طاقيتي ام جنيهات محد يلقى زيه هالوقت نادرهـ...
وهي تدووووووووووووووور بي الذاكره وأنا أدوخ وهو يدور بي دولاب الزمن<_ سبب الدوخه
هذا يالربع أطال الله بأعماركم وأقصر بأعمار أعدائكم ..
مرتن فيه عشاء عند عمن لي يقاله أبو سعد بمدينة أبقيق ..
وأنا أكشخ تخبرون ماسكتن مرجلة ملعونت الابو ةمن جينا قبل صلاة العشاء ليما قمت للعشاء وانا بمحلي من زود المرجله هيااااااااااااااااااااااااااط
وعمري وقته 12 سنة غليم على أولي كبر سناعيسو
قالو الزقرت امش نبي نروح للحديقة [ المثلث ] نبي نلعب كورة قلت لا لا انا ماسكتن مرجله روحو ماني رايح ..
طبعاَ الكشخه على كيف كيفكم ثوب الدفه شاريه بــ15 ريال وشماغ العقل تقليد بعد وعقال صاقطن براسي وجواتي رياضة الله يكرمكم
وعقب قامو الشيبان يسولفون سوالف وأنا خاش جو فاتحن فمي وكل شوي يغمز لي ابوي يعني سكر هالنفق اللي انت فاتحه
مالكم بالطويلة وهي تويتس هكالبنت مع الباب وتصوت لي أكبر مني بيني وبينه 5 سنين الحين معه له سرب وغدان فريق كورة ماهم عايلة ماشاء الله ههههههههههههههههههه
قالت يوسف تعال عيال جيرانا دبو فلان وغدن يعني عمره حول الــ6 سنين ونبيك تروح تضرب الولد ..
يوم طلعت الا وغدنيتنا متكومين وأنا أكبرهم من الذكور
وهم يقولون يوسف جا يوسف جا بصوت واحد وأنا أنطنخ
وأجي يم الولد قلت منهو اللي ضربك قال هذاك يوم راعية له ماهو شين نتفه اقدر له
وأنا أجدع الشماغ وأقطعه ورا وأمسك العقال وأمشي تخبرون مشيت المتحمس الرجل لاضربت بالارض له صوت
وأنا امشي عاضن لساني وافسر ويوم قربت لوه وأنا اسجووووووووووه بالوجه بالعقال
واللي وراي يصيحون يشجعون ههههههههههههههه ول الله ينكبهم تسانهم جنو علي
وهو يجي يبي يدخل بيتهم وأنا اتلوه مع رجلوه الا اللي مسكن مع شوشتي وهو يسحبن بحوشهم ويصك الباب من دوني
يوم راعية الا هالخلقه اللي عاضتن لسانه اخته الكبيره ووراه جيش بنات اصغرهن عمره وقتها 18 سنه عرفتو أخت ناصرالقصبي وعبدالله السدحان اللي بالمسلسل عيال قرية قسمن بالله تشبه لها
ودببة وحساويات <_ للحين يسئل عنهن من الخرعه
وهن يمعطني مع يديني ويكتفني ويقلن لأخوهن عباااااااادي [ بلهجة اهل الحسا ] طقه طقه وهن يضحكن وانا عاضن لساني وبي حيل ههههههههههههههههههه
وهو يمغطن بوووووووووووووز بالبطن وهو ينقطع النفس عندي
أبي اشهق نسم ياناس ياعالم وهن يضحكن وهو يمسح نخروره ويبتسم وهو يعطيني الثاني وانا اصيح هكالصيحه ماهي صيحة شجاعه صيحت الموت ههههههههههههههه
وهو يقوم لي صياح وجعير وهن يقطني على الزاوية حشرن به وهن يقومن يجلدني وأنا اتمسك بشوشة حديهن وأعض راسه من كل قلبي دريت ان ماجاين غير هالفرصة وتخبرون خلآص مابي حيل لااصيح ولاأبتسي تليشت
يما قطعة جلدة راسه وأنا انفلت لي ركض وتخبرون الواحد لاصار على سرعة وخذا لفه يزلق وأنا أمسك الباب بيدي والكراعين راحت ..
وافتح الباب وهن يركضن تخبرون دبيات مايقدرن يركضن يمخضن مخض
وأطلع الا هذولا ربعي موقفين قدام الباب وانا دموعي وسبلتي تدرج وأسمعهم يصيحون يوسف مات يوسف مات ومن الفشلة وأنا اركض ماخذن هذا وجهي ماأدري وين ابي وأبتسي ورا لي كيبل كهرب يما شبعت وأنكس لبيت عمي اتبوسم
وهو يبلشن لي وغد دبوك دبوك من عيال جماعتنا وأنا أحط حرتي بوه
المهم يوم جت تبي تمشي العالم وأنا موقف برا أراعي لخلق الله متهول ياكثرهم ..
وهو يصوت لي وهو راكب بحوض ددسنهم وأجيه أنا أركض مستانس
وهي تطلع أختوه الكبيرة اتريها متغيبه لي بحوض الددسن وهي تنشب قوطي البيبسي براسي
وياعزتي لهالذكريات بس <_ مافيه شي بماضيه الا يوم ينجح ويشتري له عمه سيكل
طولت عليكم العذر والسموحة ...
توسدو إحترامي
رد مع اقتباس
المشاركة الأصلية كتبت بواسطة يوسف
<<<
<<
المفضلات