قولوا لرعيان الغنـم لاينامـون .. اشوف بالمرعى مواطي ذيـابـه
قولوا لهم خذوا الحذر لاتغفلون .. كم غافـلٍ اصبح حلالـه نهـابـه
تروا الذيابه بالغداري يغيـرون .. والجوع ينسيها الخطر والمهابـه
والذيب مايومن على مايقولـون .. يغرس بأرقاب الـفرايس انيابـه
تلقون ضرب انيابها كنها طعون .. وجر المخالب مثل جر الحـرابـه
اشوف أشياءٍ لها مـا تشفـون .. تغيب عن بعض العقول النجـابـه
اقول قولي والخلايـق يعرفون .. كم واحدٍ من قـبلنا قد حـكى بـه
لابد مايـومٍ إلـى الله تعـودون .. وكلٍ يبي يسأل عن اللي رعى به
اللي رعوا بالشر للشر يجنـون .. واللي رعى بالخير يجني ثوابـه
احمد بن عبدالرحمن العريفي
(نديم المجره)
رد مع اقتباس
المشاركة الأصلية كتبت بواسطة كحل المحاجر
المفضلات