اكلته من عمي وانا برئ 2 والاخيره هههههه
السلام عليكم
هالسالفه هذي ترا مهب تبع الي قبله هذي لحال>> يسمع بالمسلسلات
المهم هذي يمكن قبل سنتين ولاثلاث سنين
طالعن للبر مع عيال خوالي والربع
وكان عرس ولد خالي بالليل >> واحدن ماطلع معنا
ولا تذكرنا الا الصبح وشلنا العفش ورجعنا الصبح
وعلى ماوصلنا الرياض على اخر الضهر
دخلنا حدى هالمطاعم وتغدينا وكل واحدن لبيته
وعلى مادخلت حارتنا الا وهذا ولد الجيران يشر لي وانا اوقف عنده
ويسلم هلا ابوخلوف تودين لمشوار قريب ايه يالله ارتسب
قال لا ابروح للبيت اباخذ اغراض مهب مشكله
واوقف عند الباب وهو يطلع اخوانه ثنين يشبهون بعض >> اظاهر انهم توم
وتطلع امهم وترسب ويجي هو بعد >> وشلون كفتهم السزوكيه مدري
ويبي يروحون للمستشفى عندهم وحدتن حامل
المهم وكان هذا اول العصر وانا ماش بي نوم
ويوم وصلنا للمستشفي وهو اخر العصر
والقى هالموقف الي بجنب الباب وينزلون ويقولي ربع ساعه وحنا راجعين>> طيب
وماش بي نوم واحط راسي وانام
الا وهذا عمي يفتح الباب على >> هو نفسه حق الجزء الاول
ويمسكن ويضربن بالعقال ومحط ومحط وانا اصيح وش انا مسوي
قال وليه ماتصلي يالي ماتخاف الله ويكمل لزخ وضرب بشتى الوسائل
وامسك ايدينوه واعلمه السالفه >> اثاريه كانت مرته حامل باول عياله
المهم ونروح انا واياه نصلي وصلينا ويم خلصنا صلاة ونرجع
وبالطريق الرجعه يقول
هاه ابوخلوف وش جايبك بهذا
والله يابوعبدالله ابد مرت الجيران تبي تشوف وحدتن بالمستشفى> امون عليه
وقال وامك وينه قلت بالبيت وهو يوقف وانا التفت ابشوف سلامات وراوه وقف
ويوم التفت وهو يجين هاك الكف وتختسيل وضرب بالعقال وبقوس وضرب بشى الوسائل
واصيح لوه معه ولده واحدن اكبر مني ومنك وثنين يشبهون بعض
وهو اشوا يوقف ضرب ونرجع وبطريق الرجعه وانا ساكت وهو يسولف >> اخاف اقول شين ويضربن
وعلى ماوصلت السياره اثاري الجماعه واقفينن عند السياره يتحرونن
ورجعتهم الله لايعيد هاك الساعه
وارجع لبيتنا واحط راسي واناااااااام
وش رايكم نهايه سعيده
وانتهى هالمسلسل وان انضربت نوبتن ثالثه علمتكم
ترفق على قلبن والباقي ما اعرفه
رد مع اقتباس
المشاركة الأصلية كتبت بواسطة أبوطروق
المفضلات