% النار ولا العااااار يا رجاله %

**الشبث** · 05-10-2008 01:49

كل عام والجميع بخير

يالربع

هيضني المروح يوسف بموضوعه على هالسالفه

هي سالفة قراده تخررع

المهم

قبل كم سنه وبعز قرادتي

عزمني اخ عزيز على عرسوه

وقبل العرس بفتره حضرت نفسي علشان ارزف بالعرس لانه عزيز بالحيل ( شرواكم )

المهم يوم جاء يوم العرس او اليوم الموعود

وانا رايح للعرس راعيت بمخباي وليمار مافيه الا عشر ريال

وانا امسكهن واحطهن بالمخبا الجانبي

( بالله تركيز )

المهم وانا امر الصرافه واسحب خمسمية ريال واحطهن بالمخبا الجانبي الاخر علشان ما الخبط

وانا امر خوين لي يبي يخاويني

ويوم وصلنا للقصر ودخلنا وسلمنا لقيت فيه زحمه على العريس وقلت مهي زينه اعطيه

الحين خلهم اذا قامو للعشاء اعطيه

الوكاد جلست ويوم قرب وقت العشاء قال خويي اللي رايحن معي تكفى يابو ماجد

ابيك توديني يم البيت

قلت ليه وش الطاري

قال والله ام العيال دقت علي تكفى ابي امشي

المهم رحت وديت الرجال

ورجعت للقصر

افيه خلونا نستريح شوين مع فاصل دعائي

دواء الجرب لازالة العرق

نواصل

رجعت للقصر

ويوم جيتهم ليمار خالصين من العشاء والعريس ماشي

وانا انشد خوين لي قلت ماتعرف اخوانه

قال هذاااااك اللي واقف اخوه الكبير

وانا اقوم يموه

واسلم عليه وانا احط يدي بمخباي واخذ الفلوس احطه بيدوه

وهو ماسكن يدي يقول يالغالي ماله داعي

يالغالي حضورك يكفي

يالغالي جيتك تسوا الكثير

ومن هالكلام الطيب

وانا امغط من هالحلوف وهالايمان انك الا تاخذه

الوكاد ان الرجال حطه بمخباه ورحت انا وجلست عند خوياي نسولف

وانا احط يدي بمخباي ابي اطلع لي شين ( ناسي والله مدري وشو )

وانا امسك فلوس ؟؟؟؟!!!!!5678

وانا اتذكر وشهن هالفلوس

وهي تطري علي العشره

قلت ياولد يا شبيثان لايكون اللي بمخباك العشره ولا الخمسميه

وانا اسحبه شوين شوين

وعرقي يصب

وعضلاتي مشدوده

وشدوقي متهطله

وعيوني دامعه ته ته

وادعي ياااااالله ان هاللي بمخباي العشره

يوم اطلعت طرفه وانا اراعيله

فاصل دعائي للحاله النفسيه السيئه اللي يمر فيها الكاتب حالياً

القاز لازالة المناكير للنساء

عدنا

المهم يوم اطلعته ليمار هذي الخمسميه بمخباي

واللي عطيته الرجال العشره

يعني عنيتي عشر ريال

ياربي وش يبي يقول عني شايفهم طرارين

واااااااااااااااامصخي

الوكاد من الربكه مدري وش اسوي

وانا اعلم خويي اللي بجنبي

وهو يراعيلي بعينن قشرى

وهو يراعي لباقي العيال قال يا عيال مشينا نغير مكاننا

تخيلوا هربوا وخلوني

لهالدرجه انا من جنبه ته ته ته

ويوم فريته براسي ليمار مايبيله يا شبيثان اهرب

للحين تبي تعرض وتلعب سامري

تبيهم يشرون عليك ويقولون خبيل مهو صاحي

والله وانا اهرب من القصر متلطم

وانا اتصل على خويي العريس مايرد ( معذور )

ويوم جاء من باتسر وهو يتصل علي

وأول ما قلت الووووو

وهو يضحك ويسكر الخط

ويتصل على عقب ربع ساعه

قال يا شبيثان وش سويت

قال انا داخلن على الله ثم عليك استر علي الله يستر عليك

قال ياخي ماعليك ستر وغطا

قلت الله يستر عليك دنيا واخره

وهذي سالفة من ميتين وسبعطعش سالفة قراده للشبث سوف يتم ذكرها في القادم

من الايام

وتقلدوا تحيتي

**بنت الجبل آخت القصيد** · 05-10-2008 02:33

هههههههههههههههههه
عوووووووووووذا يالشبث
بس عادي والله تصير عند ارقى العائلات ...

الامر ومافيه لخبطه بلخبطه
وزين انه صديق لك بيعذرك

**الشبث** · 05-10-2008 02:44

[align=center]
عطر القصيد

ياخوتس مهي قصة خويي

الموت اخوه

ولا اعرفه

يا شماتت ابلاه عطر القصيد فياااااااااا

وشاكر لتس مرورتس الكريم

وتقلدي تحيتي
[/align]

**ابو خلوف** · 05-10-2008 03:13

[align=center]
ابعد عن ياشبيثان

وش يقولون العرب عن الحين

لاتقرب ولاتحتسي معي >>> كنه مهب هو الي جاى

فاصل

لاتلومن يالشبث هذا يوسف مهددن بمخالفه ان ماقلت هالكلام

وحتى سناعيسوه معوه بعد

عدنا

ان قالك احد تعرف ابوخلوف قل لا ما اعرفوه

والا لقاء اخر مع قرادك يازعيم >> اخر مره
[/align]

**أبوطروق** · 05-10-2008 03:30

هههههههههههههههههههههههه واتسبدي يابوماجد

هذي سويناه أنا وكم واحد بعرس خوينا

أتفقنا وحطينا ظروف وبكل ظرف (ريال) وكتبنا أسامينا بعد خخخخخ

ومن بكرا يقول فضحتوني عند المعزبة (ينذخ قدامه ويوريه العواني) ههههههههههههه

بس عوضناه الطاق طاقين

تسلم يالزعيم ويازين قراداتك

""""""""""

**لوليتا** · 05-10-2008 04:29

*
/
\
*

ههههههههههههههههههههههههههههههههههههه

هههههههههههههههههههههههههههههههههههه

والله موقف محرج جدا

بس المضحك حركة اصحابك وهم يبعدوا عنك

ههههههههههههه

جد موتتنى ضحك

الحمد لله ان اخو صديقك تفهم

نقول الله لا يوقعك فى مثل هالموقف

او نقول تقع حتى تأتينا بمثل هالسوالف الرايقة

تسلم شيبثانو

تقدير متشح بالشكر

*
*

**الحنشل** · 05-10-2008 05:49

[align=center]

اسمع شبثااااااااان << معصب

تسان خويك خبيل دايح و مشيته عليه

أنا هالسوالف ما تمشي عندي

العرس بــ 12/12/1429هـ (ثالث عيد)

و الخمسمية تبي تجيبه و إنت تضحك

شبثان سالفتك طيبه و الا يستر من هالمواقف

[/align]

**عجايب بنت الشايب** · 05-10-2008 06:53

ماعرفك انا من انت ؟

**ريتاج** · 05-10-2008 07:20

هههههههههههههههههههههههههههههههههههههههه ههههههههههههههههههههه

يااملي يممه مووقف يجيب الهم اخييه ليته هو اخوووه اخييييييييييييه

وااااااااااامصخي بيين عرباان شمر<< تنتف شووشته

وقبل العرس بفتره حضرت نفسي علشان ارزف بالعرس لانه عزيز بالحيل ( شرواكم )

ههههههههههههههه اخبر عرس صديقتي ما يرقص الا انا وكل ما طقو قلت الله حلووه ورحت ارقص لميين قالت لي اخته اجلسي تري فيه غيررك بيرقص اخييييييييييه حسييت اني سخييفه كل ما تذكرته ههههههههههههههههههههه

ههههههههههههههههههههه
مشكوور على هالساالووفه ....

ومشكوور ومااقصرت
..........

شيع