عـــجايب جت . كوم
سلخير يالربعاتوالربع
عيد الله عليكم مبارك
يالربع .. أحمدوا ربكم أن الأنتحار حرام ولا كان فاقديني
>> امرحي بس
يالربع فيه مسلم عيد اول يوم مثلي ..
يوم اعلنوا العيد ..
تقل ناسين ان عقب رمضان عيد على طوول
مابقا شيء الا ناسينه ولا بقا شيء الا ماسويناه
الشرهه بس عليكم ياربعي
يوم انكم دارين ان العيد يجي عقب رمضان على طول ليه ماعلمتوني
المهم يسري ليلنا نستعد للعيد ويوم خلصنا الا الساعه 1
قلت يالله ياعجبجب اخمدي علشان تصلين العيد
ويزين وجهتس >> هذي كلمة امي كل عيد ولا يزين وجهي
ابي ارقد اتقلب ..اغمض عيوني ماااش
النوم مولي
اصلا اشووف النوم واقف على الباب يحك سنونه يقول مابي
وهي تجي الساعه 2 ونص
مابقا شيء على الصلاه ابي ارقد لو ساعه
قلت تعااااااااااال خلصني قال مااابي
قلت اوريييك
وانا اسري للثلاجه واطلع ابو حصاااان واشرب ربع الغرشه
وارقد وهو ينمل جسمي تقل نملاً يدبي علي
وتناعس عيوني وعيت تسكر
واتذكر الشاعر اللي يقول
أنا عيوني تناعس من عمـس راسـيولا أنت قل لي عيونك وش تناعس له ؟
تناعس من الشر وعلاج الشر
تحسبوني رقدت لا ... قعدت متخدره للفجر
تقل مسبهه
ويطري علي انه من السنه اكل 7 تمرات
وامسك لكم المقدعه واكل 7 تمرات
وافتر بالبيت ادور عباتي واصبح على اهلي
الا هذا ابوي يتقهوى قال تعالي تسنني واكلي 7 تمرات
واجلس واكل 7 تمرات>>
وش فيكم ؟
والله يالربع مامداني وصلت التمره 5 الا يجي لي تنافض
واكمله بالثنتين ..
ويطري علي ان ماكله 14 تمره ...
يعني ماعاد بي دم .. صار فيني تمر ..
وامر على امي يمه لا تاكلين تمر ترا اكلت عنتس
واعلمها وهي تقول ياولي جاتس السكر
يعني تخيلوا بالله
من هاللحين
1- متخدره ابي ارقد
2- ماكله 14 تمره واتنافض
3- نفسيا احتمال اصاب بالسكر يعني نفسيه x
ويوم خلصنا صلاه .. ورجعنا البيت .. عاد انا احاتي جوالي بينقطع بيقطعونه الاتصالات يارب انهم ناسيني انا وفاتورتي هاليوم ابي اعيد عمامي
يوم دخلت الا هم موجودن كلللهم بالدوانيه
وانا استانس >> علشان التوفير مو علشانهم عندنا
واقول لا شعوريا زييييييين انتم هنا ..
لا والله زين بعد مالعبتي معهم بلوت من زود الميانه
الحمد لله عاد مصايب قوم عند قوم فوائد
السمع عندهم ماااااش
واسلم عليهم واتحفاااهم واكثر معيار السلام
ارب احد يعطني عيديه
بس الظاهر ياعجبجب كبرتي على هالسوالف
الله يرحم ايام أول .. بس يوم نصير اغنياء بالعيد والشنطه يالله تسكر من كثر الريلات
افيييييه بس على زمان ولا وفات ..
المهم عاد اني شبكت جفوني بمشابيك الغسيل علشان ماانام لحد ماصليت الظهر
ونمت .. نومه ..
قال الشاعر فيها ..
ياماحلا ياعبيد في وقت الأعيادنومة بعد الظهر وانت تعبـان
صح لسانه
طحياتي .........,,
رد مع اقتباس
المفضلات