أقطع الاشارة وأمغط بالسيارة 180واطلع منها مثل السلام عليكم.

**محارب الجاثوم** · 25-06-2002 09:30

إليكم أحبابي هذه الطريقة الرهيبة في التخلص من رجل الشرطة إذا قفشكم والسرعة180كم,,,,,

الذكاء وحسن التصرف ينفعان دائما

فى أحد الطرق السريعة ، واحد مسرع فوق اللزوم وقفه الشرطي على جنب .. نزل الشرطي ودار بينهم هالحديث :

الشرطي: ممكن رخصة السواقة؟

السائق: آسف رخصتي ملغية لأنها أنتهت ولا جددتها.

الشرطي: طيب أوراق ملكية السيار؟

السائق: هذي ماهي سيارتي ، أنا سارقها .

الشرطي: تقول السيارة مسروقة ؟

السائق: أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه.

الشرطي: معك في درج السيارة مسدس بعد ؟

السائق: أي نعم ، حطيته بعد ما قتلت به صاحب السيارة وحطيت جثته في صندوق السيارة .

الشرطي: وفيه جثة معك في السيارة بعد ؟

السائق: أي نعم.

المسكين الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب قه وبلغه باللي سمع من السائق وبسرعة جت سيارات الشرطة وحاصروا السيارة ، جا الضابط وقرب من عند السائق وقال أتأكد أول.

الضابط: ممكن أشوف رخصةالسواقة ؟

السائق: أكيد ، تفضل ،وكانت الرخصة سليمة.

الضابط: سيارة مين هذي؟

السائق : سيارتي، وهذي أوراق ملكيتها.

الضابط: لو سمحت تفتح الدرج بهدوء عشان أشوف إذا كان فيه مسدس؟

السائق: بكل تأكيد ، بس ترى ما فيه مسدس ، حتى شوف ما فيه أي شي في الدرج.

الضابط: طيب إذا سمحت تفتح صندوق السيارة أبلغوني أنك قلت أن فيه جثة في الندوق

السائق: ما فيه مشكلة ، الصندوق أنفتح ، ما ما فيه جثة .؟؟

الضابط: شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة في صندوق السيارة

السائق:حسبي الله عليه ،هالكذاب‍‍؟ أكيد بعد قايلن لك إني مسرع؟؟؟

:D :D :D
ملاحظة : أخووووووووكم محارب الجاثوم كان يبغى يسوي نفس الحركة بس ... اقولكم . قطعت الاشارة ( انا ما أقطعها بس حبيت اصلح الحركة :D ويوم توقف الدوريه ( دورية الحرس ) |51| وسألني عن الرخصه قلت له وكعيت السالفة م اولها لآخرها الرخصه ماهي عندي منتهي وقرطتها ( حذفتها ) والسيارة مسروقة من راعيها اللي ذبحته |110| وحطيته بالشنطة والمسدس بالدرج حق السيارة ... وفجأة ...تغيرت عيون العسكري |513| وفجأة ...... طراااااااخ .... طخ ..طق طرااااااخ طرووووووووخ طخ .. ( هذي طول الله اعماركم صوت الكفوف والبقوس ) وانا والحمد لله رجال والرجال قليلو .. مايبغالها حكي على طول |8| وعلى طول ودوني للقسم ( وأفتكيت من الضرب على الأقل ) وأبوي ماقصر جاء القسم وقالهم ياناس هذا مجنون ( شكله يعرف لقبي السابق :D ويالله يالله طلعووووووووون ولا عاد اسويها مره ثانيه بس تدرون ودي امسح هالملاحظة ... ابغى بعض الناس يآكلون اللي كليته . قولو معاااااااااي .. آمين .

**الكتراز** · 25-06-2002 15:47

:D :D :D :D :D :D
الله يرجك على هالسالفه
هي اكيد تنفع مع غيرك بس انت لا والف لا تدري ليه لان حظك مثل حظ بيب بيب بيب اللي يطارد ورى النعامه دايم خططه فاشله :D :D :D :D
ابي اجربها وان تلوني مع علباي ترى مابين عيوني الا انت |513| |513|
تحياتي
الكتراز

**الفيتو** · 25-06-2002 19:17

وش النكبه اللى نكبتن يامحارب

هذا الله يسلمك ركبت مع ابو صحصح وقلت اقطع الاشاره ترا معي تصاريح قطع اشاره المهم ابو صحصح قطعه والدوريه عند الاشاره متهول|513| ومنين جبنا القوه هذي:D .
لحقنا وصفطنا على جنب وقلت يابو صحصح لا تنزل اخوك خوووش مسنع امور:o
اول ملنزلت واطلع الورقه واقراء عليه اللى نسخته من موضوعك |510|
تدري وش صار
ابو صحصح بالريفه :D
وانا من شهار عنبر 14 اكلمك |512| عقب السالفه قال مبدهاش انت مجنون
:D :D :D

**محارب الجاثوم** · 26-06-2002 05:53

أخونا العزيز الكتراااااااااز : ياخوي ماعليك انت بس جربها ولا يجيك شيء .... أنا يوم قلت السالفة مابغيت الناس كلها تعرف بالموضوع وبعدين تعرف الشرطة بالسالفة وتفشل معي المره الثانية ...( للمرة الثانية ) . المهم جربها ولا يهمك واذا صار شيء ولا شيء وبدأ صوت ...طراااخ طع طااااخ طووووخ طراااااخ مايبيلها كلام على طول طقها بكوه بأعلى صوتك واول ماتبكي راح يتركونك ويودونك القسم على طول ( تراها تجربة شخصية ) . المهم جرب وعلمناوش اللي صار لك .

ملاحظة : راسلني على أيميل السجن تلقاني بثاني زنزانة .

**محارب الجاثوم** · 26-06-2002 06:04

ابو مرزوق على طول ابغاك تكلم محارش وتحذف مشاركتك ابغى الكتراز يجي عندي بالسجن لأني بزنزانة انفرادية ولا عندي احد بس هم قالو لي ( الشرطة ) أول مايجينا واحد مثل سالفتك ترى نحطه عندك .... مثل ماوصيتك امسح مشاركتك أوكيه أوكيه ... ولا تقول انا ابغى الكتراز ... تراني انا قلت لك اول ... أخوك محارب الجاثوم

**الفيتو** · 26-06-2002 12:15

:D :D :D :D :D :D :D

اصلا انا امزح

وكتكت الى الحين ماشفته بالمضايف شكله بالغرفه وجهه يمك

بس انتظر يومين بعد:D :D :D :D :D على ما تجيه سيارة السجن:D

**الكتراز** · 26-06-2002 18:45

محارب حسبي الله عليك
وش سويت بي

على طريق الجبيل اخوك ماحط الكامري 190 يامار نقطة تفتيش خمس دوريات وكل دوريه يمكن بها 2 او 3 وقفت عندهم نافخ صدري وعلى بالي اني فلتة زماني قال الرخصه قلت ما معي ........... المهم نفس طريقتك

مادريت الا بكس على دنيستي يمار هالدنيا الله لايبلى غدة تقل حلم عندي
طبعاً هذي بهار وباقي المقادير ما قصروا العسكر طرخ اوي طع طخ بمب طع طرخ فشكع <<<<< هذا ركبه :D الكل صار يضر فيني حتى المواطنين يضربون وش دخلهم مادري !!! الزينه اسمع واحد منهم يقول اللي يحب النبي يضرب <<<<< يانذله

وكلبشوني وللتوقيف فتشوى السايره مالقوا شيء محطوني بثلاث قسايم
1 - سرعه
2 - ازعاج للسلاطات الامنيه
3 - مقامة رجال الامن <<<<< هذي قضيه لحالها طلعت منها بالكفاله

تعال ابيك محارب

انزل تحت

مني قايل لك انك تذكرني بيب بيب بيب بيب اللي يطارد ورى النعاه ( ابوخطط فاشله )
لاعاد تقربني وبعد عني انت وافكارك

الرزقي صدق بعد وسواها يالله المستعان مخفات صرنا على اخر العمر يالرزقي
الا ما عينت لي ابو صحصح|513|

:D
باي

**محارب الجاثوم** · 27-06-2002 14:45

اخونا العزيز الكترااااااااااااز والله ماحد قالك امغط 190 انا قلت 180 مثل ماهو موضح بالعنوان ولا تقول لي كلها 10 ماتفرق لاعندي تفرق ( مالي الا هاتصريفه ) بس المهم لا تخاف ياطويل العمر انت دبر واسطة تطلعني ( انا ) وابشر ولا يهمك مالك ياطويل العمر الا اللي يدبرلك واسطة تطلعك على طول ( يارب تنجح يالله يارب ) اوكيه اوووووووووووكيه .

[mover]|112| |110|[/mover]