هذا يومك تفك الضيق عن صدري ..

**بالمختصر..** · 20-09-2008 10:17

.
.

ملاحظه /

ترى العنوان مالوه علاقه بـ الموضوع بس أعجبتن هالجمله ..

.
.

اليوم ابي اقولكم قصة سناعيو يوم يشتري جوال ..

و تحديداً يوم نجح من سادس رايح لأول متوسط .. هو صحيح بغى يسقط بالجغرافيا بس الله ستر

لأنوه كان في سؤال ..

ماهي عاصمة المملكه العربيه السعوديه ..؟ ( الأستاذ حاطوه مساعده لهم )

و الأخ كاتب .. النسيم

الهم .. جاب لوه ابوه هديه جوال

( اللي يغني ياطيبه , وإذا ضغطت دقمه ثانيه يقول هو هو , و دقمه ثانيه : ألو مرحبا كيف الحال )

و كان ابوه يطالع لقناة الجزيره .. و سناعيسو طايرتن بوهتوه يدقدق بهالجوال

بس ماكان يعرف غير ياطيبه يادوا العيانا .. و منبطح على بطنوه يتسمع ألا الريموت جايوه يمشي 200

و يغدي اشلاء الريموت .. ياحراااااااام << الريموت مو سناعيسو

و تناثرن كل دقمه بجهه .. حالة عدوكم << ريموت شلون تجي هاذي

المهم .. قالوه ابوه ان سمعت صوت هالماخوذ لاتلوم إلا نفسك ..

بلع العافيه سناعيسو .. بس يتحرى متى ينام أبوه عشان يتسمع للجوال

و عقب مامرت ساعات .. والأخ يتخيل شكل اللي تغني ياطيبه و يتنهد

و أخيراً راح أبوه ينام .. و هو يقوم و يسحب البرنو .. عفواً أقصد الجوال ..

و يتسمع لوه بالظلمه .. و يحس بـ تكّه بصدروه << الظاهر عشق البنيّه

و بينما كان منجضع .. أقصد مندمج .. و هو يضغط دقمه بالغلط بـ حنتسوه = ذقنوه

و هو يطلع لوه الصوت اللي يقول .. ألو مرحبا كيف الحال ؟

إييييييه << تنهيده

و يقول له : إنتي منين جبتي رقمي ؟

و ينتظره ترد .. و ينتظر .. و ينتظر .. قال : أكيد إستحت مني

لكن : سرعان ما تبخر الحب و العشق << ليه هو ماء ..؟!

حينما ضغط على دقمه ثانيه و هو يطلع لوه اللي يقول : هو هو ( محشومين )

لااااااااااااااااااااااااااااااااا

و يضرب رآسوه بالجدار

إيييييييه صدق اللي يقول :

الحب ماحشّم طويلين الأشناب << انت خل يخط شنبك بالأول

و هو يطلع ابوه يبي يروح للدوام << كان مواصل سناعيو

ألا يشوف ولدوه .. جنينوه .. حشاشة جوفوه .. يبتسي من العشق و بلاويه

قال : و ليه مانمت نامت عليك طوفه

قال : هه مدري ..!

قال ابوه : وانت من متى تدري أصلاً ..؟ هاللهابو هابو ******* << مشفر

اشي هات الجوال .. الظاهر هو ساس البلا ..

و يآخذوه و يشوتوه عالجدار لياهو غادين مية قطعه ..

و راح لدواموه .. و راح سناعيسو للبقاله يبي يشتري جوال ثاني ..

و قال بينوه و بين نفسوه : والله البنات مالهن أمان

اليوم سمعت عنده صوت تسلب .. و باتسر تقولي خطبن تسلب و أهلي غصبوني

.
.

**عبدالله الجعيثن** · 20-09-2008 10:24

رجاااااء يغلق لين نخلص من ام الهكي ... هناك

**ابو خلوف** · 20-09-2008 10:28

[align=center]
ابلا بالمختصر مشتاقين لتس

تبن نقلبه مزمزه

ولا خليتس يابلا يجي يومتس

اما عن سناعيسوه لا احد يقوله شين

هذا حبيبي سناعيس لا احد يتشمت بوه

ما حبيت ارد عليتس ردن يقرقر في معدتي عشانتس ابلا ولتس قيمتس بالمضايف

ههههههههههه
[/align]

**لوليتا** · 20-09-2008 10:52

*
*

يقطع الحب وسنينه

ههههههههههههه

بالمختصر سااااالفة لها العجب

ومحبوووكة

وسناعيس يستاهل

بس يكبر شوى ونجيب له جوال تانى بس حقيقى هالمرة

سلمتى بالمختصر بس لا تخليهم يقلبوه مزمزه

ودى

*
*

**بالمختصر..** · 20-09-2008 11:00

المشاركة الأصلية كتبت بواسطة عبدالله الجعيثن

رجاااااء يغلق لين نخلص من ام الهكي ... هناك

ماراح تخلصون لـ بكرا ..

أقول قفلوا موضوع المزمزه أبرك .. صايمين

.
.

**بالمختصر..** · 20-09-2008 11:02

المشاركة الأصلية كتبت بواسطة ابو خلوف

[align=center]
ابلا بالمختصر مشتاقين لتس

تبن نقلبه مزمزه

ولا خليتس يابلا يجي يومتس

اما عن سناعيسوه لا احد يقوله شين

هذا حبيبي سناعيس لا احد يتشمت بوه

ما حبيت ارد عليتس ردن يقرقر في معدتي عشانتس ابلا ولتس قيمتس بالمضايف

ههههههههههه
[/align]

اشوا .. يعني محترمن انت

.
.

**بالمختصر..** · 20-09-2008 11:06

المشاركة الأصلية كتبت بواسطة ღ لوليتا ღ

*
*

يقطع الحب وسنينه

ههههههههههههه

بالمختصر سااااالفة لها العجب

ومحبوووكة

وسناعيس يستاهل

بس يكبر شوى ونجيب له جوال تانى بس حقيقى هالمرة

سلمتى بالمختصر بس لا تخليهم يقلبوه مزمزه

ودى

*
*

لاتطرين لوه الجوال

الحين يبتسي

الله يسلمتس لولي ..

و هلاااا بتس بـ فلة الحجاج ..

.
.

**ابو خلوف** · 20-09-2008 11:06

[align=center]
تسيف اجل ياابلا بالمختصر

مهب انتي مدرستن ابوطروق

وبعدين انتي من كباريت المضايف

ولتس قدرتس يا ابلا
[/align]

**قهر** · 20-09-2008 11:08

ياطيبه يادوا العيانا

خوش حكايه هالانشوده كسرت لعبتين على شانه<<قصدي جوالين

والأخ يتخيل شكل اللي تغني ياطيبه و يتنهد

عدي اشوفه حاط يده بخشمه يفكر بعمق

و قال بينوه و بين نفسوه : والله البنات مالهن أمان

اليوم سمعت عنده صوت تسلب .. و باتسر تقولي خطبن تسلب و أهلي غصبوني

ماشاء الله عليه ذهين عين الحسود فيها عود مثل ماقلتي هناك

بالمختصر .. يعطيتس العافية على هالسولافه

سناعيسوو اللهم إني صائم