أصابع التوست اللذيذه

**شجـون الشمري** · 25-06-2002 04:54

حلا التوست بالكريمه

المقادير :كيس توست(برد) ابيض ,كريمه جاهزه واذا مافيه جبن كيري يصلح, شوي طحين توذبينه بماء لتلزيق أطراف التوست,زيت للقلي.فستق مطحون .

طريـــقة التحــضير:

تقطع أطراف التوست ويفرد التوست بواسطة مفردة العجين حتى تحصلي على رقائق من التوست وبعد ذالك تضعين القليل من الكريمه أو الجبن فيطرف التوست ثم تلفين التوست الي ان تحصلي على شكل اسطواني وتضعين القليل من محلول الطحين المذاب مع الماء على جميع اطراف التوست حتى لاتخرج الحشوه اثناء القلي وبعد ذالك تقومين بقليها بالزيت حتى تحصلي على اللون الذهبي وهكذا لجميع قطع التوست , وبعد ذلك يوضع القطر على أصابع التوست المقليه وترش بالفستق المطحون وتقدم وبالعافيه مــــــــــلاحظه :-القطر هو كل كوب ماء يقابله كوبين من السكر مع القليل من الزعفران والهيل الناعم. أتمنى تعجبكم تراه

حلوووووو مره وانا عارفه اذا قتوه راح يعجبكم

بالنسبه للقلي لا تقلون انتم خلوا احد غيركم يقلي عنكم لاني ما احب القلي :D :D

**الكتراز** · 25-06-2002 05:09

يم يم
عزالله اني اشتهيت هالاكله وراح اخلي الاهل يسوونها كما شرحتيها
بس على فكره لاتكون هذي اللي يسمونها اصابع العروس:confused: :confused:

تسلمين اختي على هالوصفه ونطمع باطباق افضل من ذلك

والله مازاد وزني الا من الاطباق ( حقل تجارب صرت ) :D

الله يخارجنا على العافيه
تحياتي

**البــنــدري** · 25-06-2002 15:08

هلا بشجون الشمري ...

سلمت ايدينك على هالوصفه"تراني مجربتها من قبل "

والله انها حلوووة وخاصة برمضان

تحياتي

**العجوز السنعه** · 26-06-2002 00:37

السلام عليكم ..
هلا شجون بنيتي ..
شنهي هالحلاوة هذي ..
الله لذيذة تقرمش .. سبق وسويتها وذقتها بعد ..
وهي أصابع عروس قبل ماتنقلي .. وأصابع عجوز بعد ما تنقلي ..
تسلم أصابعك حبيبتي .

**الشايب** · 26-06-2002 01:05

هلا والله بالعجوز

وينتس من زمان مارديتى

اصابعتس ازين من اصابعهم

**العجوز السنعه** · 26-06-2002 01:16

هلا بالشايب ..
ويني ؟؟
ناشبتن عند شويبي .. مصيخين ..
والله .. اني ما أدري هو صدق مصيخين .. والا انه يتويجع علي يوم شافني لاهيتن عنه بهاالاتنرنت .. ;)
---
نور المضيف بوجودك ..
والله اني أغلي الشيبان من غلا ابو دحيم الله يطول بعمره .

**البــنــدري** · 26-06-2002 02:56

هلا وغلا بشيبانا الله يعطيكم طولة العمر والصحة

منورررررررررررين

**شجـون الشمري** · 26-06-2002 05:04

الكتراز الله يسلمك واقولك كل بس ولا يهمك وذا تبي تخسس رح النادي ولا تخاف من السمنه تراها مهي دسمه مره
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــــــ ــــــ
البندري تسلمين ياعمري ايه والله ذكرتينا برمضان الله يعيده علينا اجميعن....
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــــــ ـــ
هلا العجوز الله يسلمك ويسلم اصابعك الحلوه ولا خلا ولا عدم من هالردود الخفيفه وامتعينا بردوك علشان نستمر بالتواصل معكم انشالله...
ــــــــــــــــــــــــــــــــــــــــ ــــــــــــــــــــــــــــــــــــــــ ـــــــــــــــــــــــــــــــ
بالنسبه لك يا الشايب ماعليه اشوفك ماعلقت على على الي كتبناه يعني ماخلاك ترد الا العجوز يعني لولاها كان ما رديت هناااا
تسلمين يالعجوز يالي خليت الشايب يرد هنا

ههههههههههههههه الشايب تراني امزح معك والشيبان زينة الدنيا
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــــ

تحياتي القلبيه الحاره لكم جميعا .......
الله يسلمكم يارب من كل مكروه

اختكـــــــــــــــــ شجوونه ـــــــم