.
.
السلام عليكم و رحمة الله و بركاته ..
هذا شرح برنامج windows movie maker
الموجود بـ نظام ويندوز مع البرامج ..
أولاً :
تضغط على .. ملف > مشروع جديد
و بعدين تروح .. مهام الفيلم > 1. إلتقاط الفيلم > إستيراد صور
تختار الصوره الأولى و تضغط على > إستيراد
تلقائياً البرنامج يضيفها بـ مجموعه خاصه بك
و تختار كل الصور اللي تبيها بالمقطع بـ نفس الطريقه
ملاحظه / الأفضل إنه يكون حجم الصور متشابه ( كلها نفس الحجم )
تقدر تستعين بالفوتوشوب قبل لاتبدأ و تساوي حجم الصور ..
إذا قمت بـ إستيراد كل الصور .. تسحبها بالترتيب اللي تبيه على لوحة العمل أسفل الشاشه ..
و لزياده أو تقليل مدة ظهور الصوره إسحب الشريط .. و يظهر لك مدة العرض بـ الثواني ..
.
.
إذا حبيت تضيف تأثيرات الصور ..
مهام الفيديو > 2 . تحرير فيلم > عرض تأثيرات الفيديو ..
لإضافة التأثير على الصور .. إختار نوع التأثير / إبطاء النصف , إخفاء إلى الأبيض ... الخ
و قم بـ سحب التأثير يدوياً على الصوره المختاره ..
( جرب كل التأثيرات و شوف اللي يعجبك و إختاره )
إذا تبي تشوف التاثير .. على يسار الشاشه مشغل الفيديو > إختر تشغيل و شوف
تقدر تختار أكثر من تأثير على نفس الصوره ..
على لوحة العمل .. إضغط زر الماوس الأيمن > تأثيرات الفيديو
و قم بـ تنسيق التأثيرات ( إضافة أو إزاله )
.
.
و إذا خلصت من تأثيرات الصور كلها .. تنتقل للنقطه الثانيه ..
مهام الفيديو > 2 . تحرير فيلم > عرض إنتقالات الفيديو ..
طريقة العرض إذا إنتقل الفيديو من صوره لأخرى .. إختار نوع الإنتقال / أشرطه , إعصار ... الخ
و قم بـ سحب الإنتقال يدوياً على الصوره المختاره .. و يظهر الإنتقال بعد الصوره مباشره ..
( نفس الشي بالنسبه للإنتقالات جرب و شوف اللي يعجبك و إختاره )
إذا تبي تشوف الإنتقال .. على يسار الشاشه مشغل الفيديو > إختر تشغيل و شوف
تقدر تختار إنتقال واحد فقط بين كل صوره و صوره ..
.
.
نجي لـ إضافة مقطع الصوت ( القصيده أو الموسيقى )
تروح .. مهام الفيلم > 1. إلتقاط الفيلم > إستيراد صوت أو موسيقى
صيغة المقطع لازم تكون mp3 ..
و قم بـ سحب مقطع الصوت يدوياً على الصوره الأولى ..
أسفل الصوره تقدر تزيد أو تقلل مدة المقطع ..
ملاحظه / إذا زدت مدة المقطع أكثر من اللازم راح يعيد المقطع مره ثانيه ..
الأفضل إنك تحدد مدة الفيديو على مدة المقطع الصوتي بالضبط ..
.
.
قبل الأخير ..
إذا حبيت تضيف نص بالبدايه أو النهايه ..
تروح مهام الفيديو > 2 . تحرير فيلم > إنشاء العناوين أو المشرفين ..
يطلع لك .. أين تريد إضافة عنوان ؟
مثلاً : إضافة عنوان في بداية الفيلم ..
أكتب النص اللي تبي .. و فيه خيارات بعد ماتنتهي من كتابة النص ..
تغيير حركة العنوان و تغيير خط و لون النص ..
.
.
آآآآآخـــــر شـــــي ..
تروح .. ملف و من ثم ..
حفظ المشروع بإسم ( إذا كنت تبي تحفظ المشروع و بعدين تكمله أو تعدل عليه )
حفظ ملف الفيلم ( إذا كنت تبي تحفظ الفيديو )
تطلع لك نافذه جديده .. تختار وين تبي تحفظ الفيديو و تختار إسم لـ مقطع الفيديو ..
إذا تبي تشوفه .. إختار تشغيل ببرنامج windows media player أفضل من ريل بلير ..
برايفت مصيول ../
نبي نشوف تطبيقك .. أنا مافضيت أسوي مقطع يبي له روااااااقه و أنا قاعده أشرح ويني و وينه ..
وووو بـــــــــس . .
.
.
رد مع اقتباس
اذا مافيه كلافه اشرحيها ولو بدون صور 
المشاركة الأصلية كتبت بواسطة مصيول
هههههههه
المفضلات