.
.
يراودني على مسرى الحزن ليل وسهر وهموم
.................... وتصدح في ثرى صدري سنينك يااول احبابي
ظمت بي لحظه الراحه ولاااا أمطر سما هالنوم
......................ولاادري وين انا وين انتحت بي خطوه غيابي
تعالي يااجمل الماضي ومريني ولو بس يوم
...................... تعب صوتي ينادي لك وصال ويحضن عتابي
في كوم الناس وانتي ياليالي غربتي في كوم
........................... مشيت وشفتهم واجد ..( قليل اللي تمشابي )
ياويلي لابكت عين الحنين وعاشقك محروم
........................ وصارت آهتي .. تسكن .. مابين الجلد وثيابي
عسى ربي يسامح هالزمان وخنجر المقسوم
...................... من اول طعنته .. ماتت مشاويري .. على بابي
من اخر طيحتي بالحب ..وانا لي قلب عيا يقوم
.................... اشيل وكل ماشلته .. يطيح .. ويحرق .. اعصابي
اجل وش حدني .. أنثر ماكان .. بخافقي مكتوم
.................... وش اللي حرك إحساس القصيد .. وصيحة كتابي
غرستك في دعائي للعمر .. عل وعسى مايدوم
.................... ابي بعض السنين اللي مضت .. تشرب بعض مابي
من اول مولد غيابي .. الى اخر غياب اليوم
............................ وانا اسأل عْنك .. ويجاوب بدالك مولد غيابي
.
رد مع اقتباس
المفضلات