يوميات حنيف رقم (4)

**فتى البيداء** · 12-09-2008 21:30

السلام عليكم ورحمة الله وبركاته :

عذراً أخواني على التقصير في أمس عن ذكر (يوميات حنيف ) لظرف خارج عن إيرادتي

واليوم نكمل ...

حنيف والتجارة في الدواجن :

حنيف غدا عنده مهاره بالطيور شرى له ديتسين (أي ديكين ) وفي

لسان العرب الديك هو ( ذكر الدجاج )كما قاله ابوفخر الرازي في معلقته :

كوكو كوكو عند الفجري ـــــ كوكو كوكو صوتاً يجري

المهم ... وطلعهن لشارع وخلاهن يتهاوشن عند الناس يوم أجتمعت

الوغدين وكلن يقول هذا يبي يقوى ... وهذا يول لا هذا ألي يبي

يقوى ... وهذا يقول أيه عطه أياه ... أبوي أنت ... أيه أيه أرزحه

ياسلاااااااااااااام ...

الناس جاز لهم هالهواش وهو كل يوم مطلعن أديتسته ... وكتله عند الناس ...

بدوا العالم كلن يجيب له ديتس يهاوش ... وحنيف يبي هذي ...

بداء يشري أديتسه ... ويقطع أعروفهن ( ألي فوق روسهن ) بالموس (ياأئسي ياحنيف ) ...

همن عاد يخليهن يما يطيبن ويشون من الجروح ... ويبيع على

هالخلق ... ويقول هذولي ديتسه عندي أبوهن مايوجد غيرهن

من سلالتهن ... والله أنه باع منهن بــ 85 ريال وهو شاريه على

عشرة ريال و اثني عشر ... المهم بداء يسوي دوري

(ماهو الدوري الياباني ) دوري هوشات الديتسه بالحارة ... وتشوف

العالم كل واحد معه ديتسه ... جايبه يم حنيف يسجله في الدوري ...

ويحط لهن أسمي ... من زود الغبينه ... علشان يصير الدوري حماس

وهو يجي يمه ولد خالته ... طالباً القرب منه ... بشراء ديتس من هذه

السلاله المزعومه (المكذوبه ) وهو يورطه بـ150 ريال له بديتس ...

ويدخل ولد الخاله الدوري ... ويتطور الدوري لتسجيل بقروش ...

لصالح منظمة هوشات الديتسه لدى حنيف ... وهو يعقب

عليهم يزرطهن ...

له تفاصيل هالحكاية بس قمزتهن خوف الإطاله ...

القصة الثانيه ...

يقول لي أحد العيال ... مره رحت لسوق ومعي لي قرشين فرح بهن

قلت أبفرح أهلي وشري لهم جح (الجح توه نازل لسوق في بدأيت

الموسم ) وهو الرجال توه بادي يسوق ... يقول أخذت سيارة أخوي

هايلكس غمارة وحده وأخذت أخواني الصغار ... ورحت لسوق الخضرة

وشريت لي جحتين ... وثلاث أجراوه (شمام ) ... يوم طلعت من

السوق ... وأنا ألقى لي مصيبه تمشي ... طبعاً الحنفيههو

المصيبه ... وأنا أقف عنده قلت أركب حنيف أوصلك للحاره !!!

قال يالله ويقمز بصندوق ... قلت أركب قدام ... قال لا لا أحبلي البراد

يقول يوم ركب وأنا أمشي ... وأشوف لي سوداني يدوهي

بطريق هو خلاقينه ... ويرفه يدينه يخانق ... وأنا أنظر بالمريه لحنيف

أثاريه يضحك ...

ونمر على هندي وأنا أحط بالي ... وهو ياخذ الجحه ويصكه برأسه

ويلحقنا راعي سياره يهاوش ... يقول وأنا أحط رجلي ... يما وصلنا

الحاره ... يوم وقفت عند بيتهم ... قلت وش بلاك أنت قال لا ماهنا

شيء بين ... قلت والجحه ليه تضربه الهندي قال لا هذا قشر ...

يقول أنا شايف الجحه يوم هي تنخشق برأس الهندي ... بس

تسذبت نفسي ... ويوم وصلت البيت ... ولا ما من جح ولا جراوه

كلهن محلتهن الماخوذ على العمال الله ياخذه ... يوم جيت للبيت ولاي خالي اليدين ... مامن جح ولا جراوه ...

سلام وتحيه ــــــــــــــ> حقت الهديفه ..

**ابو خلوف** · 12-09-2008 21:38

[align=center]
والله مادري بس بحنكتي وذهانتي

احس ان هالحنفيه هو انت

اعترف ياحق البيدا خلاص كفشتك

مشكور ياحق البيدا انتا وحنفيتك
[/align]

**فتى البيداء** · 12-09-2008 21:57

المشاركة الأصلية كتبت بواسطة ابو خلوف

[align=center]
والله مادري بس بحنكتي وذهانتي

هي حنكت وذهانة راعي الصين ... وفراعنة السودانيين ولا حنكه

ثانيه ؟؟؟

احس ان هالحنفيه هو انت

لا لو هو أنا قلت أنا ... يعني يبي يعطونن مخالفة مثل ابوطروق

تراك أن تذيهنت نوبة ثانيه قلت سناعيس ...

اعترف ياحق البيدا خلاص كفشتك

أقول تعرف تعرب ( محمد مدبتس وعلي بساقته )

مشكور ياحق البيدا انتا وحنفيتك

شكراً ابوخلوف ... ولو تصلح عنون قصيده (حنفيتك ) تصلح مقدمة

بيت في قصيده الغرض منها مدح بنشري ...
[/align]

أهلاً ابوخلوف شكراً على المرور الطيب ولك جزيل الشكر ...

**غالب** · 13-09-2008 01:46

هههههههههه والله إني كنت أبي أقول نفس كلام أبوخلوف بس يوم شفت ردك عليه هونت أقول ياالأخو إيه إنت مشكور على هالمضوضع الحلوووو
وسلام وتحيه
ألا على طاري أبوطاهر هو وينهو

**ابو خلوف** · 13-09-2008 02:43

[align=center]
سناعيسوه

القلوب وحده مع اني ما ادانيك يالمروح

وبعدين ياحق البيدا انت شاكن بذهانتي اسال ابو طرووق بعد حيي
[/align]

**فتى البيداء** · 13-09-2008 04:30

المشاركة الأصلية كتبت بواسطة سناعيسو

هههههههههه والله إني كنت أبي أقول نفس كلام أبوخلوف بس يوم شفت ردك عليه هونت

أجل يكفي ردي على ابوطروق عن ردي هنا ...

أقول ياالأخو إيه إنت مشكور على هالمضوضع الحلوووو

وسلام وتحيه
أنت يالأخو مشكور على المرور الحلوووو

ألا على طاري أبوطاهر هو وينهو
يقولون أنه معطينه كرت أحمر والله أعلم ...

شكراً سناعيس على المرور الكريم ...

**فتى البيداء** · 13-09-2008 04:35

المشاركة الأصلية كتبت بواسطة ابو خلوف

[align=center]
سناعيسوه

القلوب وحده مع اني ما ادانيك يالمروح

عاد أنا مالي شغل بينكم

وبعدين ياحق البيدا انت شاكن بذهانتي اسال ابو طرووق بعد حيي

غيرت اسمي عقبك ... يقولون لي فتى البيداء ... شاك ألا

جازم ... ابوطروق كان يجاملك ... وأنا لا ... أقوله لك على

بلاطه ...

[/align]

شكراً للمره العاشره على المرور الكريم ... ألا عندي لك رأي ... وش رأيك تقولي أنت شكراً

على المرور ...

**أبوطروق** · 13-09-2008 06:02

وعاد فتى البيداء وعادت معه يوميات حنيف (أبوحنفية)

افا اجل بطل قصتنا آخرته شريطي ديتسة

بداء يشري أديتسه ... ويقطع أعروفهن ( ألي فوق روسهن ) بالموس (ياأئسي ياحنيف ) ...

همن عاد يخليهن يما يطيبن ويشون من الجروح ... ويبيع على

هالخلق ... ويقول هذولي ديتسه عندي أبوهن مايوجد غيرهن

من سلالتهن ... والله أنه باع منهن بــ 85 ريال وهو شاريه على

عشرة ريال و اثني عشر ...

هههههههههههههههههههههههههههههه

التجرة شطارة وهذا من زود ذهانة حنيف باشا

فتى يسلم يالغالي وسعت صدورنا بيومياتك الحلوة

تابع ولاتقاطع

ومشكوووووووووووووووووور

الا بالله ماتعلمنا سالفة الديتسة بالتفصيل الممل

:

**فتى البيداء** · 13-09-2008 19:46

المشاركة الأصلية كتبت بواسطة أبوطروق

وعاد فتى البيداء وعادت معه يوميات حنيف (أبوحنفية)

ابوطروق أهلاً بهالطله ... عساه بس تعجبكم ...

افا اجل بطل قصتنا آخرته شريطي ديتسة

يارجال مستعد هو للوذيه يشتغل سفاح ... بهالفايت تولج له مسلم

يالله فكوه منه العالم ... يقول أبقص أشعره هو بنت يومه يحط له قذله

يوم خلصوه منه ... وهو يحط بشعره له علك ياحول ...

هههههههههههههههههههههههههههههه

التجرة شطارة وهذا من زود ذهانة حنيف باشا

أنا أشهد

فتى يسلم يالغالي وسعت صدورنا بيومياتك الحلوة

تابع ولاتقاطع

أبشر يابو طروق بس ماش تقل الفله أهجدت أشوين ولا لا ؟؟؟

ومشكوووووووووووووووووور

الا بالله ماتعلمنا سالفة الديتسة بالتفصيل الممل

تطول السالفه وفيه جزئيات لو أقولهن أخاف تحكمون عليه بالأعدام شنقاً برصاص ...

:

ابوطروق شكراً لك ولترفيعك ومرورك يعطر صفحتي ...

**ابو خلوف** · 14-09-2008 04:06

[align=center]
انا لكا يابتاع البيداء

هو بوه عاقل يقول هالكلام

انا ابوخلوف طبيب المضايف الحره والعمليات الجراحيه

واذهن واحدن بالمضايف وما جاورها من الشعاب والمحيطات والعثامير والنخل

ينقالي هالكلام

هين ياحق البيدا انا لك ولا يحدنا الا النفود الي يوم دحدرتبك بوه هاك الحين
[/align]