أهـــل الكويت موظفين وزارة الصحه سؤال لو سمحتو ؟!!!!

[بنت الجبل آخت القصيد]

السلام عليكم ورحمة الله...

أما بعد ..

اهنئكم بالشهر الكريم وأعاننا الله وأياكم على طاعته

وقرقيعان قرقيعانوه بين قصير ورمضان <<بمناسبة قرب القرقيعان



اخش بالموضوع

انا تخصصي علمي ومعي بكالريوس علوم وتربيه ..
وبالكويت خريجات العلوم يعطون فرص لاخذ دورات للمشافي

مثلا:
خريجات الكيمياء والاحياء يصيرون للمختبرات والتحاليل
و الفيزياء والرياضيات يكون مجال تدريبهم لقسم الاشعه

وهكذا .....


عندي ميول للدراسه وبعد ماتخرجت درست بمعهد خاص دبلوم تقنيه مكتبيه وسكرتاريه لمده سنه واخذتها الحمد لله



الحين..!!!
بتقولون وين المشكله ؟!!


أنــــــــا
عندي ميول لدراسة الطب او بمجال تخصصي
او بالآحرى ماأبي اجلس بدون ماأستفيد




حاولت ابحث بنفسي ماعرفت
وين اسئل؟!! او باي وزارة يكون التقديم ؟!!

هل نظام يسمح لغير الكويتيات الدراسه ؟!!
واذا كانت الاجابه بنعم ...

وين مكان التقديم او حتى رقم تلفونهم ؟!!




اتمنى من يعرف شيء يفيدني
وأكون شاكره وممنونه لكم...


/
\


أختكم
عطر المضايف

[شامان]

انا تخصصي علمي ومعي بكالريوس علوم وتربيه ..
وبالكويت خريجات العلوم يعطون فرص لاخذ دورات للمشافي

هل انتي كويتية أو لا ،، أو سعودية خريجة الكويت

عندي ميول لدراسة الطب او بمجال تخصصي
او بالآحرى ماأبي اجلس بدون ماأستفيد

هل نظام يسمح لغير الكويتيات الدراسه ؟!!
واذا كانت الاجابه بنعم ...

عطر ،، السلام عليكم

لو توضحين اكثر انتي كويتية والا لا ،، اذا انتي خريجة تربية علوم ،، توظفتي والا للحين وحابه تكملين دراستج يعني .

او اذا ما توظفتي ،، وكنتي سعودية ،، او حتى كويتية ما يصير تراجعين الجهه اللي حابه تتوظفين فيها .

اللي اعرفه طبعا اذا انتي سعودية ،، ان السفارة تحجز مقاعد للسعوديين في الجامعات الكويتية ..

الاكيد وضحي اكثر الامور التالية :
انتي كويتية والا غير كويتية

هل انتي موظفة والا لا

------------------------------------------
لا ن الوزارات دايم فيها اقسام للبعثات تهتم بإبتعاث موظفيها على حساب الوازرة ،،، وبالكويت كل شي بالواسطه يمشي

[بنت الجبل آخت القصيد]

حياك الله اخوي شامان

أنا سعوديه تخرجت من السعوديه
لكن ساكنه بالكويت
ولست موظفه الى الان...


اللي اقصده عندنا بالسعوديه دوره 9 شهور لخريجين العلوم ويتم توظيف المتدربين بالمستشفيات
وسمعت من اخت التقيتها بالصدفه تقول قدمت على الصحه كان تخصصها احياء
وبوقتها ماجت لي فكره بالدراسه وماسئلتها

والحين فكرت بالدراسه
بس ابي ادرس بالكويت ؟!!

شاكره لك تفاعلك اخوي

لاهنت
/
\

[بنت الجبل آخت القصيد]

مازلت ابحث ومن غير نتيجه

/
\

[العَـــروب]

حيااج الله عطر

سوري عالتأخير والله توني اشوف موضوعج


بس ما وضحتي انتي خريجة ( كلية العلوم ) والا خريجة ( كلية التربية - تخصص علمي ) ..؟


اذا متخرجة من التربية مالج الا التدريس بس

اذا خريجة كلية العلوم تقدرين تشتغلين بالمستشفيات مثل ما قلتي


التقديم يكون بديوان الموظفين

تكتبين بالطلب انج راغبة تشتغلين بوزارة الصحة .. وانتهى الموضوع

وبعد ما تنقبلين ان شاء الله .. وزارة الصحة اهيا اللي تدخلج دورة تدريبية بمستشفى

يعني ما في اي دورة تاخذينها قبل التعيين



طبعا هذا بالنسبة للكويتيين
ما ادري اذا في شروط معينة لغير الكويتيين



اتمنى اني اكون فدتج

واذا عندج اي سؤال انا حاضرة





بالتوفيق

[شامان]

حياك الله اخوي شامان

أنا سعوديه تخرجت من السعوديه
لكن ساكنه بالكويت
ولست موظفه الى الان...


اللي اقصده عندنا بالسعوديه دوره 9 شهور لخريجين العلوم ويتم توظيف المتدربين بالمستشفيات
وسمعت من اخت التقيتها بالصدفه تقول قدمت على الصحه كان تخصصها احياء
وبوقتها ماجت لي فكره بالدراسه وماسئلتها

والحين فكرت بالدراسه
بس ابي ادرس بالكويت ؟!!

شاكره لك تفاعلك اخوي

لاهنت
/
\

مرحبا عطر ،،، ومساء الخير

الحين اتركي الدراسه عنك وفكري بالوظيفه ،،، راجعي قسم الإختيار ( على حسب ما أذكر )،، في وزارة التربية طبعا اذا انتي خريجة تربية ،، لان اللي اعرفه انهم قاموا يتعاقدون مع مدرسين خليجيين الأن ،، ويتم مساواة الخليجي بالكويتي من ناحية الراتب يعني الراتب نفس الراتب يعني تعاملين معاملة الكويتية اذا الله قسم لج وظيفة .

لكن الطريقة شلون اتوقع اللي يفيدك أكثر هو ابو طواله نافع ،، وان شاء الله راح اكلمه يشارك في الموضوع واذا عنده اي معلومه مهو مقصر والله يكتب اللي فيه الخير وبالتوفيق .

اما اذا حابه تدرسين ،، طبعا معاهد خاصة ومعترف فيها

بالكويت عندنا نيوهورايزن وفيه يوتيرن ( دبلوم معترف فيه لدى ديوان الموظفين )

اصحاب معهد يوتيرن شمامره وهم عائلة السهو ومعروفين عندنا بالجهراء أمرك سهل عندهم ان شاء الله

[شامان]

عطر القصيد :

طالعتنا صحيفة الوطن الكويتية في صفحة المحليات بهذا التقرير ... يمكن يفيدك ويرفع من معنوياتك :




في إحصائية حول أعداد العاملين فيها من غير الكويتيين ثلاث وسبعون جنسية من جميع القارات يعمل أبناؤها في وزارة الصحة



كتب جمال الراجحي:

أظهرت احصائية اعدتها وزارة الصحة حول العاملين في الوزارة غير الكويتيين انهم ينتمون الى 73 جنسية من جميع قارات العالم ويقدر عددهم بـ (18521) الف موظفا (ذكور - اناث) وتنوعت تخصصاتهم الطبية والصيدلية والادارية والفنية الطبية والفنية غير الطبية والهيئة التمريضية والفنية المساعدة والمعاونة في جميع وظائف القوى العاملة في الوزارة.

وجاء التفوق العددي للموظفين الوافدين في الوزارة بزيادة (665) موظفاً عن نظرائهم الكويتيين الذين وصل عددهم وحتى اخر احصاء بـ (17856) موظفاً كويتياً من اجمالي جميع التخصصات والوظائف.

ومن الجنسيات الوافدة التي تعمل في الوزارة حظي الهنود بالكثرة العددية ونالوا نصيب الاسد في تنوع وظائفهم حيث وصل عددهم الى (6804) موظفين وموظفات من اجمالي تعداد القوى العاملة وبنسبة (%18.7041) مع وجود التفوق الانثوي الهندي على الذكوري بـ (41996) وظيفة لاسيما ان كثرتهم العددية تتمركز في وظائف الهيئة التمريضية حيث بلغوا (5183) ممرضاً وممرضة.

وتأتي الجنسية المصرية بالمرتبة الثانية بعد الهندية في اعداد العاملين الوافدين حيث قدرت اعدادهم بـ (6063) موظفاً وموظفة من اجمالي تعداد القوى العاملة وبنسبة »%16.6671« الا ان التفوق العددي كان للذكور المصريين دون الاناث حيث تفوقوا بزيادة »2333« موظفاً عن الموظفات الاناث.. ويتواجد المصريون بكثرتهم العددية في وظائف الاطباء البشريين حيث فاق عددهم »1811« طبيباً وطبيبة.

اما المرتبة الثالثة فكانت من نصيب الجنسية »الفلبينية« حيث قدرت اعدادهم بـ »1832« موظفاً وموظفة من اجمالي تعداد القوى العاملة وبنسبة وصلت الى »%5.3615« مع وجود التفوق العددي للاناث بزيادة »1000« موظفة عن الموظفين الذكور.

وتتمركز العمالة الفلبينية بكثرة في وظائف الهيئة التمريضية حيث بلغت اعدادهم بـ »1338« وظيفة الا ان المفارقة ان في وزارة الصحة لا يوجد بها وظيفة طبيب اسنان أو اداري من الجنسية الفلبينية.

وبنظرة شاملة تؤكد الاحصائية التفوق الانثوي للقوى العاملة الوافدة بعدد قدر بـ »210.110« موظفات مقارنة باعداد الذكور التي تقدر بـ »8.411« موظفاً اي بفارق »1699« موظفة لاسيما ان منطقة الصباح الصحية نالت نصيب الاسد في اعداد العمالة غير الكويتية حيث بلغوا فيها بـ »4271« موظفة وموظفة.



وفيما يخص موظفي دول مجلس التعاون واعدادهم في وزارة الصحة كانت الحصيلة بـ 299 موظفا تنوعت وظائفهم بين اطباء بشريين واسنان وهيئة تمريضية والوظائف الفنية الطبية وغير الطبية وهيئة ادارية ووظائف الفنية المساعدة والوظائف المعاونة.

ووفق احصائية موظفي دول مجلس التعاون كان التفوق لموظفي المملكة العربية السعودية حيث بلغ عددهم »265« موظفا يليهم العمانيون ومن ثم البحرينيون.

وتشير الاحصائية الى ان وزارة الصحة قد عينت في عام 2007 »1731« موظفاً وموظفة غير كويتيين واستقال منها »634« موظفا وموظفة في العام نفسه.



تاريخ النشر 14/09/2008 </SPAN>

[بنت الجبل آخت القصيد]

هلا باختي الغاليه جود
أخبار يوسف وعروب <<<صح او انا غلطانه
يعطيك العافيه ماقصرتي ...

بس ما وضحتي انتي خريجة ( كلية العلوم ) والا خريجة ( كلية التربية - تخصص علمي ) ..؟

انا خريجة ( كلية التربية - تخصص علمي )
فعلا اللي قالت لي قدمت كانت متخرجه من كلية العلوم

بسال وبشوف والله يسهل


دعواتك
/
\
أختكـ
عطر

[السنعوووسيه]

اهلا بعطر المضايف موضوعتس<<<عفوا اقصد موضوعج ههههه
يبيله استفسار من جهات مسؤله يكون افضل

اتمني احد يفيدك يالغلا وتوصلين للمطلوب

اصحاب معهد يوتيرن شمامره وهم عائلة السهو ومعروفين عندنا بالجهراء أمرك سهل عندهم ان شاء الله

الصراحه عجبتن هههههههه
عطر اذا جيتي للمعهد شوفي الى مييلين عقلهم السناعيس
وافزعي لهم هههههه

عزالله كفو بهم


بأذن الله تنحل مشكلتك


تشكرات

[الدكتور محمد الشمري]

الأستاذه عطر القصيد ................ أنتى خريجة كلية التربية ..... المكان المتوفر والأكثر توفر هو وزارة التربية كمدرسة ويوجد في وزارة التربية مدرسات سعوديات لكن في شروط أعتقد وتستطيعين أن تتصلين على وزارة التربية http://www.moe.edu.kw هذا موقعها وأما أن أردتي أن تتوظفي في وزارة الصحة أعتقد أنها شوي صعبه


هذا حسب علمي وأتمنى لكي وللجميع التوفيق