مبروك للأخضر ـــــــــــــــــ ولكن !!

[مصيول]

[align=center]
السلام عليكم ورحمة الله وبركاته

ابارك للجميع عامه فوز المنتخب اللي جاء بالبركه وبمجهودات فرديه ــــــــــــــــ بس اهم شي الثلاث نقاط وجت !

ولـــكــــــــــــــــن !!

بكل امانه ومصداقيه هل كنا الافضل !؟

هل المنتخب مرضي !؟؟

بأختصار شديد هل كنا الاجدر بالنقاط الثلاث وهل نستحق الفوز !؟

اي عاقل رأى المباراة يستطع الاجابه بكل سهوله !

بالله تخيلو معي لوكان بدال الامارات كوريا وش بيكون مصيرنا !!

وربي لاناكلها دسمه ومو اقل من خمسه سته !

ناصر الجوهر اخطأ بالتشكيله الاساسيه !

كان المفروض بدال احمد عطيف كريري وبدال حسين عبدالغني الزوري !

المرشدي فاجأ الجميع بمستوى جيد ولو ان له عدة هفوات كان يتحمله مع حسين عبدالغني !

وليد عبدالله مبدع وياليت يبقى على طووول اساسي

المرشدي ابدع بالعرضيات العاليه لكنه للأسف شوارع بالاختراقات البينيه والكرات الارضيه

هوساوي جيد نوعا ما برغم عدم ظهوره كثير !

حسين عبدالغني ثقيل مره وكاد يطرد بسبب ثقله وانبراشاته الغير مركزه

شهيل مبدع مبدع بس مشكلته عدم التفاهم مع عطيف رغم انهم بفريق واحد

خالد عزيز ممتاز ولو انه اخطأ مع احمد عطيف بالهدف بس كان مستواه الدفاعي اليوم عال

احمد عطيف لاعب صغير ومتمكن بس المشكله ان فيه منهو افضل منه سعود كريري واستغرب من ناصر تخبطاته واستبعاد كريري ويومين ويرجع يضمه

عبده عطيف مبدع بس احتفاظه بالكوره يكون زايد ويأخر اللعب بس مهاري ولاعب تكتيكي ماشاءالله عليه

الشلهوب للأسف مانت الشلهوب تلعب باسمك فقط ماشفنا منه ولاهجمه او كوره عرضيه متقنه للمهاجمين واغلب كوراته مقطوعه

الحارثي ما ادى المطلوب منه لأن الوسط كان ضايع بالشوط الاول له تحركات بس كانت الرقابه مغيبته كثير

السلطان نفس الكلام ينطبق عليه الشوط الاول بس بالثاني اختفى نهائيا ومازلت عند رأيي بأن الشمراني افضل منه كثير !

القحطاني نفسهم ينطبق عليه بعد ولكن تحركاته ماكانت سليمه بسبب عودته من الاصابه يبي نصبر عليه

الفريدي ابدع بالهدف ومانبخس حقه بس للأسف لاعب غير جماعي يميل للفرديه كثير ومن حسن حظه انه دخل بأخر الوقت لما استنفذت لياقة الدفاع الاماراتي بشكل ملحوووظ !

كريري اتقن دوره وضبط المحور بجانب عزيز وارتحنا دفاعيا

اعتقد اننا فزنا بالحظ ليس الا وبمجهودات فرديه من عطيف والفريدي ــــــــــــــــــ وماشفنا اي جمله تكتيكيه جماعيه لابالشوط الاول ولا الثاني !

اخطاء دفاعيه بالهبل وسهولة اختراق منطقة الـ18 السعوديه والوصول لوليد عبدالله بأسهل الطرق !

اكثر من اربع اهداف محققه ضيعها الامارات منها ثنين لـ اسماعيل مطر اللي كان بيتفنن اكثر من اللازم واستطاع مرتين اختراق الدفاع السعودي والوصول لمنطقة الـسته ياردا

وفيصل خليل اضاع مع نهاية الشوط الاول انفراد ولعب الكوره بغباء شديد وعدت على خير !

ياناس ترو الامارات المنتخب الاضعف بالمجموعه ومع ذلك احرجنا كثير !

وش بنسوي قدام كوريا الجنوبيه والشماليه ولا اذا قابلنا ايران بطهران

ليعلم الاتحاد السعودي ان كأس العالم يحتاج لـ تضيحه وتضحيه شديده والمطلوب من الاتحاد السعودي فقط التضحيه بالواسطه وعدم التدخل بقرارات المدرب !

منتخب تغلب عليه الفرديه متشتت لاهويه ولاجماعيه واسماء يوجد بالدوري منهو افضل منه بكثيررر !

مجرد فضفضه
[/align]

[طلال]

:. مصيول .:

اول شي ( كل عام وأنت بألف خير وعافيهـ )


و المنتخب وأنا أخوك رأيي فيهـ ( أنـهـ ما عليهـ ماقصر )

والامارات هدفهم صدفه .. حظ

و اذا قابلنا كوريا .. نبي إن شاء الله نخليهم يعيفون الكوره ... << أيه هيّن

وايران نبي نلعن شكله .. << بالحيل

لا ما عليك الأخضر يعجبك بس عطهـ فرصه ..

.... مجامله لا أكثر ....

البارح بغيت أموت قهر يوم جاء هدف الامارات ... << كل مداعي ريال و الشبث قلتهـن ..


:. وسع صدرك يا رجل .:

[الشبث]

[align=center]
مصيول

كلامك كويس


لكن اختلف معك في ان الامارات افضل


بالعكس المنتخب الاماراتي كان منتهي قبل تبداء المباراة


واللي خلاهم يكملوا الشوط الاول والمباراة انهم سبقونا بالتسجيل


واتوقع لو اننا سبقناهم كان تغيرت حتى اخلاق جماهيرهم



بقول لك شي



هالاماراتيين ماعندهم بالكوره شي


اذا اسماعيل مطر نجم النجوم عندهم وش ترجي منهم




ياخي بالاستديو التحليلي حقهم امس عقب المبارات يقولون انهم ماسكين المبارات 70 دقيقه


ههههههههه



خبول هذولا ولا وشو



هم صحيح متقدمين 70 دقيقه بس ما يعني انهم ماسكين المباراة 70 دقيقه





على العموم




ناصر الجوهر مهو كفو انه يدرب بنقلادش مهو عاد السعوديه




ومن تشوف دفتره المربعات هذا تغسل يدك







وسلملي على الخطط العلميه المدروسه



وتقلد تحيتي
[/align]

[حمـود]

شكرا لك اخي مصيول


المنتخب قدم كوره غير مرضيه لنا


لماذا لاننا نحن

منتخب السعوديه اقوى وافضل من هذا بكثير

اخي مصيول ان شاء الله يفلح المنتخب

باكمال المسيرة

الشبث كلامك عسل

دمت بخير

[ابو خلوف]

[align=center]
مصيول الله يصلحك بس



خلنا نستانس الحين
[/align]

[align=center]

استغرب من ناصر تخبطاته واستبعاد كريري ويومين ويرجع يضمه

[/align]

[align=center]
هو ما استبعد نهائي



هو استبعده من قائمة 18 لاعب الي يحضرون المباراة ضد ايران
[/align]

[سالم]

مانستحق الفوز ولا الإمارات تستحق الفوز . .
المفروض / نفوز بجداره . . وبنفس الوقت فيه وجهات نظر راح تقول " خّل المستوى ينفعك اهم شي النقاط "

طيب ان كان هالثلاث النقاط جبناها بـ دجّة منتخب الإمارات وليس بـ تميز لعيبتنا . . كيف نجيب نقاط كوريا و ايران و و ؟

بصراحه المنتخب راح يمّر بمباريات صعبه / و يلزمه تطوير و تحسّن مستواه . .
اما على هذا المستوى . . حدّه الإمارات ذهاب و إياب . . والصدز يطلع قدام شنق بنغ

مصيول / لبى قلبك يابعدي . . ماننحرم

[بسمة العز]

لا لا لا حرام عليك يالشبث
وش تبي دونقا؟؟
اصلآ ناصر احسن من المدربين الاجانب
واذا مااختار التشكيله المناسبه
هذا مو ذنبه..شي مجبور عليه
وهالسالفه منتهين منها
لو تجيب احسن مدرب ماراح يقدر يسوي اكثر من اللي
سواه ناصر
يكفي انه دخل حسين..ونور بالطريق
ولو انه مو مدرب وطني كان ماهمه المنتخب
بس راتبه يجيه وينفذ الاوامر وليه يعور راسه؟؟
مصيول... تعال








الزوري كان لاعب كرة ماء
وبعدين صار يلعب للهلال ظهير
وش فهمه بكورة القدم..؟
يعني الزوري احسن من حسين؟؟
بس شمر مايحبون الجداويين
طبيعه من الله
ومو بس شمر كل الشمال
الدعوى قبايل ههههههه
موعاجبكم نرفزة حسين
وين شفتهااا
الضاهر شفت ياسر يوم هوشته
مع حارس الامارات
تقل ثيراااااااااااااااان
وتحسبه حسين..!!!!!!!!!!!!!!
شي براسكم ماتبون تغيرونه
على الاقل نرفزه بسنع احسن من
كرت اصفر من غير داعي
مهايط هههههههه
خلاص ماجاب هدف انخسفت الدنيا
ناس تسوي شي لو صغير
وبحظهم يكون بعيون الناس كبير
وناس يسوين شي كبير ويكون
بعيون الناس صغير ومايبين
ياربي لك الحمد
استغفرالله اللهم اني صايمه
ماودي اتكلم وانا صايمه

احتراامي لك,,,

[القوه الضاربه]

يالربع نتكلم بعقلانيه اكثر ناصر الجوهر مدرب وطني لازم نصفق له بدافع الوطنيه واذا اخطا نشد على اذنه ونقوله تراك اخطيت بدون اهانه ليش مانصير مثل تركيا منتخهم من اضعف المنتخبات الاوربيه ولكن بدافع الحب والغيره يلعبون بقتال لان خلفهم جمهور يساندهم بدون شتائم او تنقيص التي تؤثر على معنويات اللاعب او المدرب كلنا نقول ناصر الجوهر اخطاء انه اشرك حسين عبد الغني والمفروض انه اشرك الزوري كان يتغير شكل المنتخب من الدفاع للهجوم لان سبب اللخبطه اللي صايره هو حسين عبد الغني احمد الشهيل كلنا نصفق له ونبارك للمنتخب السعودي بهاذا اللاعب الشاب القدير ولكن رسالتي لااحمد الشهيل ننتظر منك اكثر انت ذكرتنا بالمنتخب الارجنتيني والاظهره السريعه لهم عبده عطيف انت لاعب مبدع وقدير وعقل الكتروني داخل الملعب ويعيبك شي بسيط بطئك بالتمرير احيانا وفيصل السلطان من زمان نتمى لاعب سريع بالهجوم يربك دافعين الخصم والى الامام ورساله الى ناصر الجوهر فكر بتمعن وجود حسين عبد الغني يسبب نقطة ضعف واضحه من ناحيته وشكرا