ما خلص الفيمتو ... !!!

**منصور الغايب** · 10-09-2008 21:38

بسم الله الرحمن الرحيم

السلام عليكم ورحمة الله وبركاته

كيف الحال ياربع ..

ياجماعة فيه شئ ملاحظه كل رمضان ..

ألا وهو اهتمام الناس بالفيمتو في رمضان .. بل وقبله بايام ..

مع اني ما لقيت أي من العلماء المعتبرين ..

ولا حتى غير المعتبرين .. ولا حتى واحد ما يفتهم من هالبشر ..

يقول ان الصيام مايصح من غير فيمتو

اللي قاعد يصير مو صحيح ..

منهو صاحب نظرية ان الفطور لازم يكون معاه فيمتو ...!!!

هالحين من تسولف ان الجمعية الفلانية والسوق الفلاني مسوي تنزيلات على السلع الرمضانية ..

الا ويجيك سؤال طاير بسرعة الضوء .... كم سعر الفيمتو ؟؟

ليه ياخي .. انت مفطوم على فيمتو الله يرضى عليك ؟؟

احدى الجمعيات التعاونية .. سوت عرض على الفيمتو .. مقابل كل عشرة دنانير شراء .. تحصل على بطلين فيمتو بسعر 150 فلس للبطل الواحد ... يابلاش

ولما تروح ... اعوذ بالله ...

ذبحة ..

طق مطاقق ...

قضب شوش ..

على شنو ؟!

واحد من الربع راح مستانس .. انه حصل البطلين ويوم فطن الا هم مضيع ساعته اللي سعره يحيبله عشرين بطل ...!! عجيب

ترى الصيام يصح من غير فيمتو ولله الحمد ..

وماحاجة لهالزحمة والمذابح ..

على طاري الفيمتو .. يسولفون عن ريال انه بحدا السنين صام رمضان 46 يوم ويوم نشدوه ليش ياريال ؟!

قال للحين ماخلص الفيمتو اللي عندنا بالبيت

**فتى البيداء** · 10-09-2008 21:54

منصور هلا والله بهالطله كل أعلومك طيبي ... بس علم ريال أطيبهن ... لأنه هذا حقيقه صحيحه

وشاهد عيانه سناعيس ... وأنشده يالعزوه ...

تحياتي منصور ..

**ريال الفسحه** · 10-09-2008 22:30

ههههههههههههههههههههههههه

والله لا افضحك يابوخوخ

يابواوفر تايم

اما 46 يوم خخخخخخ

اقول

ابشرك ماني من عشاق الفمتو ومن دخل رمضان
هالسنه الى الان ماشربت الا كوب واحد فقط

عليك بالشاهي لاصار لبتن / وخل عنك ابووزه وربيع ومدري وشو مهن مثل لبتون

صح لساني

موضوع جميل ياجميل

**أهداااب** · 10-09-2008 23:02

المشاركة الأصلية كتبت بواسطة منصور الغايب

احدى الجمعيات التعاونية .. سوت عرض على الفيمتو .. مقابل كل عشرة دنانير شراء .. تحصل على بطلين فيمتو بسعر 150 فلس للبطل الواحد ... يابلاش

تكفا وينه هذي الجمعية

والله لأروح لها لو أنها بالمريخ

بلاك يامنصور ما تدري انا عشاق الفيمتو متعصبين له مثل تعصب جماهير الهلال

انا بسبب عشقي للفيمتو اخذت مخالفة على توقيعي

واسأل المتهم الأول الشبث

لكن ماعليه كله فدوه للفيمتو

**ابو عارف** · 10-09-2008 23:21

كلامك صحيح أبو غايب الناس منهبلة على الفيمتو ما أدري ويش السر هالماء العنابي .

لا أنا الحمد لله ما أصوم مثل خالي ريال 46 يوم لأني ما إشتري إلا 31 بطل فيمتو إن كمل الشهر نخلي واحدة للعيد إلا رمضان ويش بقاء منه؟.

شكراً لك منصور لاهنت.

**صعوة فسفورية** · 10-09-2008 23:21

بلا فمتو بلا خرابيط مافي زي التوت

والسوبيا .. يازينها زيناه بس...

**غالب** · 10-09-2008 23:38

أويطي حتى إنتم يالكويتيين هاللون مثلنا أنا أحسبكم مار غير أخبر حنا بدو وإنتم حضر المفروض تصيرون غير عننا ياأهل السمك

**ابو خلوف** · 10-09-2008 23:49

[align=center]
بلا فمتو بلاخرابيط

يازين التوت الطبيعي كل يوم يخلص

وعلى طول تالي العصر اجيب واحدن جديد من محل حق قصب السكر
[/align]

**حمـود** · 11-09-2008 00:46

كلامك صحيح

الفيمتو صار اهم من اي شي ثاني

دمت بخير

اي جمعيه مسويه العرض ههههههههه

دمت بخير

**ابو ضاري** · 11-09-2008 00:49

تونا نسولف بالفيمتو اللى من العام ولحد الان ماخلص

لان كان عليه عرض من بنده البطل بثمانيه والعرض باربعه ريال

وكل الشباب اللى بالدوام راحوا وجابوا منه وللحين ماخلص اللى يبي يرسل

رقم الطراد حقه ونرسله قيمتو

.........يحبه قلبه

مشكور يامنصور ها وشلون الفطور بعد العرس تدلع ياعم تستاهل