السلام عليكم ورحمة الله وبركاته :
اليوم أبقولكم تجربة الحنفيه في التجارة وما جرى عليه فيها من مشاكل ...
الحنفيه حب يتاجر ولا لقأ له شغله يتاجر به ... مرة من المرات راح يم خالته زيارة ... ولا ولد خالته راعي حمام
ويحب الحمام والدواجن (حتى أنه يكتب على الجدران الحمام حتى الموت ) (قاطعوا المواشي ) ومن هالأمور ...
قال لولد خالته أبيك تعلمن للحمام وشلون يشرن ... قال ولد خالته ابشر ومن بكرا نروح لسوق الحمام ...
تولم الحنفيه لروحه ... يوم صاروا من باتسر وهم يروحون لسوق ... ولد الخاله لقأ حدا أخويه راعين الحمام وجايباً
حمام معه غاليات بالحيل ... ومير من القراده يجي يشوف جوز رقاصيات ... ويطلع حديهن ويحطه فوق الشبك يبي
يشوف رقصه وبزعم أهل العرف للحمام أن الرقاصيات ما يطيرن حيل ... ولحطيتهن فوق الشبك مادامك ما جفلتهن ما
يطيرن ... الحنفيه جاء وتحرك بسرعة وطلع ( ألي أنت خابرينه ) السلاح الأبيض ... ومير تجفل وهي تطير ...
والحنفيه يتحمى له ويصكه بالنباطه وله من صيد أمس ... ولد الخالة يضيع وجهه عند رفيقه ... ويحمق على الحنفيه ..
ويتهاوشون هو والحنفيه كل الطريتس ...
الحنفيه ودخول التجارة من أوسع الأبواب :
أهداء له ولد خالته من جوز حمام وقال الله يرحم والديك لا عاد تجي يمينا أنت وجه نكبه وأنا أعطيك ألي
تبي ... تخبرون فشله مع رفيتسه ... قال حنيف بلا منك أنا ودليت السوق ألحين لو بغيت رحت يمه لو مابه
أحد ... حنيف بداء يروح لسوق الحمام بشكل مستمر ... والحمامة بنت أمه وأبوه تطير ... خطط أنه يشري
حمام بلا قروش ... دخل الشتاء... وهو يشوف له ( أفروخ دجاج ) وأعجبنه قام يخطط عليهن يبي يأخذهن
بطيب ولا بغصب ... وهن عند أوغيد سوري يحطهن أبوه أبكرتون تسبير ويخلي الولد يبيعهن والأبو يدوج
بسوق ... همن عاد يجي يشقر على ولده ... همن يروح يدور ... وهذي حالته ... الحنفيه هالمرة جايب
معه فروة ويشقه من تحته بين الصوف والبطانه الخارجيه ... وهو يقعد عند الوغد السوري وكأنه يبي
يشري ... وهو يقول شو هالكتكوتات الحلوة ؟؟؟ الله ما أحسن منظرون ... وليا تغيفل الوغد سرق له واحد
أثنين ودعسهن بشق الفروة ... الله شو الكتكوت الأبظي ... وهو لصد سرق له واحد ودعسه مع أخوته ..
ولك ولك ولك ... هذا واضح أنه رجال ومبين عليه ... وهو لصد دعسه مع أخوته بشق هالفروة ...
وخبره الولد بالكرتون أنه مليان ... يركب بعضهن على بعض من كثرهن ... يوم عين ولا مابه شين ...
وهو الحنفيه يقوم يبي يمشي ... ولا أبو السوري جاي مطبتس ...داري به ... هو وفروته ألي غاديه تقل
روضة أطفال ... تناقز به هالفروخ ... وهو يهج الحنفيه ركض ... يوم بدت مصاريع الفروة يلعبه الهواء
تقل يدين عجوز تقول وين أعيالي ؟؟؟ ... يوم شاف أن السوري قرب يمه وهو يلوف الفروة ويمغط ...
والسوري وراوه ... وهو يدخل هاكالبقاله ويندعس تحت رجلين المحاسب ... المحاسب ما يدري وش
السالفه ... سأله السوري هو مراء من عنك هون ؟؟؟ قال المحاسب لا والله العزيم ما شفتهوش ...
ويرجع السوري للفروة ويأخذه هي وفروخه ... والفروة لو هي باغيه تهج هي وفروخه تسان هاجه ...
يقول ولد خالته أنا شايفه من أول ما دخل لسوق ... وداري أنه يبي يسوي له مصيبه ... بس قعدت أرقبه
من بعيد ... وسلم حنيف من الأبظاي ولا بغأ يروح ملح ...
حنيف وشجرة العبريه : هذي أبلشن عنده ابوخلوف عارف منه طرف كلمة وهو كل أشوين يقول وينه ؟؟؟
مرة أبشن قال قوه معي لسوق الحمام ... قلت له والله مالي رغبه ولا أحب الحمام أنا ...
لزم قلت يالله شمينا ـــــــــــــــــــ> يعني مشينا ... وحنا برجعه قالي به بيت طين ... منقض نصفه
وبوسطه شجرة عبري (يقاله يسوي ترغيبات لروحه الجايه ) قوه نأخذ منه وله جايبن معه أثنين لقيهم
بسوق يدرسون معه وأنا ما أعرفهم ... الشجرة العبري طويلة وبه درجة السطح كود ترقى من عنده علشان
تاصل راسه ... العيال ألي معه خافوا يجي راعي البيت ولا جوا يلقطون عبري معنا ... وهو أخذ له
أشوين ... كسر لهم غصن قال كولوا ... عساكم لرمد ... رقى هو له فوق جذع مهزع أشوي وبدأ يلقط
وأن ألقط من جذع نازل أشوين ... وهو كل شوين يقول ... جاء راعي البيت ... جاء راعي البيت ...
يخرعنا ...
يوم قاله الرابعه وأنا ألي أقمز ... وجر الجذع ... وهو ينكسر به وله ماسط واصلن القاع ... وتطير منه
هاكالغبره ياحول ... غدا تقل خنفسانة قضيض ... وطلع أشهب الرجال ... أيه ماقالي شيء لأنه ماهي
معه النبيطه ... أكتفى بقولة (الله يلعنك ) ... أنا أقول أبخاطري أشوى لوقفت على ذي ...
عذراً على الأطالة ...
وإلى اللقاء في حنفيات أخرى ...
رد مع اقتباس
المشاركة الأصلية كتبت بواسطة فتى البيداء
ومن قال لك إنك مطول على العكس إنت ماطولت حيل ياابن الحلال 
المفضلات