السلام عليكم يأ أخوان :
نواصل معكم في يوميات الحنفيه ...
كان في أطرف الحارة القريبة لحارتنا فيها مزرعة والمزرعه هذي فيها بعارين وأنعام وكل خير الحنفيه كل ظهر لقيلت العالم راح للبعارين وفك لهن باب الحوش وطردهن عاد هالعارين يبدن يموجن ويدوجن شلقتن منهن تجي لحارتنا وشلقتن منهن تدور بهكالحارة وشلقتن منهن تلعب بالمزارع ألي حول هالمزرعة
أو يحوسن بنفس المزرعة ... هالبعارين بهن له ناقة فسقانه وأول ما تشوف الحنفيه مقبل تقوم تنحر الباب ترافس تبي الطلق ولفتح له الباب كود يبعد بسرعة عنه لأنه تهجم بالطلعه هجوم على ألي قدامه ...
مرة أخذ أخوته وعيال أخوته الصغيرين يمهن وقال لخوه ألي أصغر منه أنت أوقف بالباب حدهن ...
وهو مبيت النية يبي الناقة تهد بأخوه وتلحقه ... قال أخوه خلاص أقف ... محسن النية ... وهو يطرد عليه الناقة المأخوذة وتهجم على أخوه بغت تمردغه وهو يهج عن الباب عدال وهي ألحقيه تبي ترفسه ويروغ عنه ويالله يفك عمره ... والحنفيه وراه ميت من الضحك كأنه ماسوى شين ... أخوه الحين لجاب طاريه وده يذبحه ...
الموقف الثاني :
كان فيه واحد بحارتنا يعيرونه (المخشب) المخشب هذا ( ما يحس أبد ولا يصيح أبد ) لكن لصاح حط يده على عيونه ومزر صوته بصيحه ... الحارة ألي بجنبنا يطلعون من اللجه ...
( المخشب ) هذا أقوى من الحنفية وأكبر منه بس الحنفيه مثل ما قلت لكم قلبه قوي ...
جاء المخشب وتحمى للحنفيه وصطره ... وهو يجيك مطبتس يركض ... والحنفيه لاحقه يقوله أوقف شوري عليك ... يوم عيأ ياقف المخشب ... والحنفيه يطلع السلح الأبيض ( النبيطه ) وهو يقول للمخشب شفه بالكأس ... به له برادة عند حدي البيوت ومعلق عليه كأس بسلسله والسلسله طويله يجي له نصف متر...
والحنفيه يمغط النبيطه ويمحط الكأس يوم بداء الكأس يموح ويتلولس على حنفية الماء (البزبوز) ليما قضت السلسله ... يوم شاف المخشب الصتس وهو ياقف ... ويطلع الحنفيه له (طبه) مصقال من مخباه وهو صالباً المخشب هالحين ... ويحطه بالنبيطه ويمغط النبيطه لأخر شيء ويمحط المخشب ... يوم زعق المخشب ... وتسوي الحارة حالات أستنفار لصياحه ... ويدرون العالم أن المخشب صاح يعني أي شيء قدامه يبي يخرب البقالات صكن والخياطين عزلوا ... والناس ألي بسوق كلن دخل داره ...
قعد يومين يخطط للحنفيه وشلون يأخذ حقه منه ... جاء للحنفيه وقال خلاص خل نلعب نبي نتصاحب ...
الحنفيه ما تحسن معه النية ولا تقدر تذاكاء عليه ... قال للحنفية تحدان أيهم أقوى عضه ؟؟؟
قال الحنفيه أيه ... قال يالله خل أعضك أنا الأول ... ويعطيه الحنفيه إصبعه ... يوم عضه المخشب أقوى حيله ... يوم غرس الحنفيه إصبعه بعين المخشب ... وهو يزعق بصيحة ثانية راجع للبيت ...
ليما بداء يذل من الحنفيه ما يحارشه أبد ...
وإلى اللقاء في حنفيات أخرى ..
رد مع اقتباس
الله يقلعك وينك عننا يخي ماتكتب غير بالشهرين مره
خخخخخخخخخخ
المشاركة الأصلية كتبت بواسطة شنقل
المفضلات