واسوداد الصبح .. وعيون السهر ما يوم عَنّي ..
........................... شاحَت بلحظة نِظَرها .. لين ناظِرها عَمِيته
إنكسار اليتْمِ فيني لو ملَكني ، ما سِجنّي
............................. والشّريط اللي يعيد ابذكرياتي ما رِميته
" واحد وعشرين عامٍ " .. ما شفع لي صغر سنّي
............................. وآخر سْنينٍ بعمري عادلت عمرٍ حَييته
واحد وعشرين عامٍ عشتها بالظلّ لـنّي
....................... ما سألت الضيّ من جوده ولا عمري رجيته
ليه كل اللي جنيته في حياتي ضاع منّي ..؟
...................... ليه كل اللي زرعته من بعدهم ما جنيته ..؟
ما أَنـا إلا رمـاد انثـى لنيرانه يحـنِّ
......................... إنتثر بين الألم والياس .. واوجاعٍ مميتة
ما عذَرت الحلم وغْيابه بعد ماهو سِكنّي
....................... والأمان اللي هجرني حتى ظن انّي نسيته
والحمام اللي تعوّد فوق شبّاكي يغنّي
........................ عيّا لا يشدي بصوته وانشغل عنّي ببيته
رد مع اقتباس
المفضلات