ابيات من مخطوطات والمعذره عن الاخطاء الاملائيه
مما قال مشوح بن سلمان راعي الجوف ينخا عبيد آل رشيد
راكب من فوق حر معنا=حرن مثل قعدان ماله مثايل
امه ذلول للمماس إلدنا=راعيه عن غال الثمن ما يسايل
يا راكبه قم أوصل العلم منا=صبح أربعن تلفي رفاع الحمايل
سلم علي طلال زبن المحنا=وعبيد كانه عن حوالي مسايل
فيصل صعد راس مارد وغنا=جمع علينا الحضر وولاد وايل
يقول غير اقصورهم يهدمنا=وعيوا عليهم كاسبين النقايل
يوم انهم ما طالوا الحق منا=برد بطرسات تعيش القبايل
ثار الدخن منهم ومنا=وثار الدخن من حمو صاف الفتايل
نرمي وحنا بالنظر ما مكنا=بعيد ما والله نخص الزوايل
يا عبيد كل صوباتنا يقتلنا=اللي وقع يا عبيد ما قام مايل
من ظربنا كلن بداره يونا=واللي سلم ما قال غير الفشايل
وشعاد لو غرساتنا يقطعنا=اللي وراه اعبيد ما هو مسايل
يا خوات نوره لا تغاضون عنا=تر البحر سوق من اسواق حايل
قولوا لعبيد لا يخلي وطنا=ونما وتا قله يكز الرحايل
ابيات جنك من مشوح معنا=يا عبيد عجل برد المثايل
صلات ربي عد مزنن تبنا=ولا عدد عشب ٍ نبت بالمسايل
ابيات مما قال ابن سكران يمدح عبدالعزيز بن متعب الجنازة
يالله عسي ما عقب ذروات ريمه=بسماك يا منهو للرزاق قسام
يعل ابو متعب يذعذع نسيمه=جعله لنو الخير يلقاه قدام
الصاحب اللي صحبته لي قديمه=يالله عسي من لامني فيه ينلام
زكن علي ذروات واخوان شيمه=فروخ الحرار اللي تطاير من الشام
وهذه ابيات من قصيدة قالتها طرفه بنت تركي بن سعود في زوجها عبدالله بن علي آل رشيد حين غادر الرياض الي حائل أيام حكمه تقول :
حرن شهر من فوق قصر أبن دواسى=يم الجبل فرق فروخ الحباري
له سلتن في شذرته يقطع الراسى=وفي سلته قطع عتاري مشاري
تلقاهـ ما بين الحضر والبدو جلاسى= يدرا حجاجه عقب ما هو يداري
مما قال فهد بن صليبيخ يسند علي دهام الجرباء
سميت بالرحمن وابديت مكنون=وبديت ذكر الله علي كل بادي
القلب من كثر الهواجيس مشطون=كنه يتعشابه عمود الجرادي
عفنا البلاد وعن هو النفس تدرون=أنتم هلل المعروف عز البلادي
يا دهام لو قرت لنا نجد بخزون=ما عقب ريثين المحازم قعادي
يا حيف يا قصر ٍ لهم قبل مصيون=مثل المراح اللي عوضها الهوادي
هذا وتحياتي للجميع
رد مع اقتباس
المشاركة الأصلية كتبت بواسطة الغفل ضيغم
المفضلات