/ أتــــ ح ـــــداتس /
شلونيتكون شحالكون ، وكل عام وانتم بخير ويبلغنا وإياكم الشهر الفضيل
اسمعوا
و
اعوا
بهالدنيا كله مايقهرن الا اللي يتحدى وهو من جنبه
مايخالف تحدى لا صرت قد المسؤليه
اسمعوا هالسالفه تريه 3 بواحد بس لاهو بلسم ولا مغذي ولا ضد القشره
.
.
طال عمرك يالقارئ اراد الرحمن وشاء ان يتزوج ابوي امي ...
وجابو مدري كم .؟؟؟
المهم اني انا جيت من ضمن اللسته
والله والله مالحقت اتمتع بطفولتي الغبرا ، مع اني جيت بزمن الطفره ..
اللي ماشاء الله الخير مغطي الديره / بس تنكدت / !!
قولوا ليه ؟
جت اختي عقبي على طول / ياربي هذي وش جابه !!!
عاد طقت لي باصبع ، دلع ، وشعر ناعم ، وافتح مني ب 25 درجه
.
.
وانا تطق تسبدي وساكته ومبرطمه
كل من جانا طق لوه صوره معه << حركات تسنه ديانا
وانا باين بالصور اتلزق
بس محد يقرب لي !!!
ااااااااايه يالله الجنه
المهم اندفن هالحقد بس ابشركم انفجر ههههههههههههههههههههههه
صار عمري تقريبا 7 او 8 وهي طبعا وراي وراي حتى بالعمر !!!
.
.
نلعب سوا وعادي مشت الدنيا...
عاد البنت شكله اغترت بنفسه ...
جا يومن من الايام ، وانا القى نفسي عند مكينة أمي << مكينة خياطه
واسوي نفسي مره واخيط طبعا كلوه بالخيال بس احرك يد المكينه
وتجيك ديانا تقزن وتجلس بجنبي ، وانا اخيط خاشه جو بالحوش وهي تقول ابي اخيط
قلت انزلعي <<< بس يخربون عليه ياحول
.
.
قالت ابي اخيط
قلت ا ن ز ل ع ي ، تفهمين
وانا اوقف المكينه وازقره بعد الثالثه ، وهي تحط صبعه تحت الابره
.
.
قلت شيليه / قالت : مانيه !!!!!!!
قلت بكيفتس بخيط ، قالت :
// ا ت ح د ا س //
وانا تلمع عيوني
.
وانا ادعس على المكينه وتدخل الابره بصبعه ودقرت ، من عظم الاصبع هههههههههههههههههههه
وتطلع عيونه !!!
وانا ادق ريوس بالمكينه وهي تصيح وتركض ، وتعلم علي ههههههههههههههههههههه
ويجي يومن ثاني وانا امثل إني أتسوي ملابس ، بس هالمره شبكت فيش الكهرب ...
.
.
وتجي تلصق بجنبي << ياشين اللي يخربون عليتس الجو
.
.
قلت قومي بالله ابي اتسوي تراه حار !! قالت مانيه !!!!
قلت قومي لا اتسويتس
وهي تغز ذراعه لي وتقول
// أ ت ح د ا س //
انا لله هذي منين تطلع لي ياجماعه
وبقلبي اقول بكيفه هي اللي طلبت ،
تبينوه ناشف ولا بخار !!!!
وانا الصق راس المتسوا ههههههههههههههههههههه
وهي تشوط بصراخه
والله والله ياجماعه ماني شريّه بس الزمن يجبرك
.
.
عاد المره الاخيره اللي عقبه تابت البنت وذلت مني ، كان يوم خميس لا مدارس ولا هم يحزنون ...
.
.
وقاعدات من صبح الله والبيت كلوه نيم
وانا العب كوبوي وماخذتن حزام لاخوي الصغير والعب بوه والفوه بالهوا
.
وهي تجي طبعا ديانا ، واشر له ابعدي لاننا نلعب وامي نيمه عندنا
وتقرب العوبا
وانا ماوقفت بالطقاق خل تجي بخشمه ولا بعيونه ههههههههههههههههههه
وتقرب اكثر
ويصكح الحزام براسه !!!!!!!!
وهي تووووون وتصيح !!!! وامي تنقز وشبكن ؟
انا اسبطت <<< مجرمه
واختي من شدة الالم تحتسي ولا تفهم له امي << اشوى
.
.
وتنجضع بجنب امي
واقزه
شوين غمضت !!!!!
قلت فكه !!!
شوين قلبت صفرا
شوين برطمه زورق !!!!!
وامي تبعده شوين تبي تغير جضعته !!! الا وكل ملابس امي دم !!!!!!!!!!
وهي تنقز !!!
وتقلب اختي ...
<<< ياقردي ماتت
وافكر بالسجن ، وشلون بيجون الشرطه ياخذونن ، وشلون ابنام برا البيت
يحول طلع منفقع راسه وقضى دمه !!!
وتركض به امي للمستوصف ...
وانا متبنجه مكاني ، مابي اتعب الشرطه بالبحث والتحري ، وسوالف البصمات والعينات
اللي يبون ياخذونه
وأهم شين آآآآداة الجريمة....
.
.
وسلمت لرب العالمين ، وشوين تخر دميعاتي ، واتذكره العوبا !!!!
.
.
شلون تبي تخلينا وتروح تموت
ولا شلون العب لحالي !!!
وشلون اروح المدرسه لحالي !!!
وشلون انام وانا ما تلابشت معه !!!!!!
شوين الا امي داخله وبقلبي اقول شنوح تأخروا الشرطه
الا وشوين اللي طالع من ورا امي
هذهي العوبا ، ديانا ، عاصبين راسه !!!!!!!
.
.
<<< مالحق الحلم يتحقق
الا امي تخانقن شوين شوين خايفتن على مشاعري ، وتجي ديانا تسولف معي
تقول: حلقوا راسي ...
وخيطونن !!!
.
.
ولا صحت !!!!!!
.
.
<<< هذي لهالحين به حيل
// ت ت ح د ى !!!!!!!!! //
.
.
ابشركم جميع ابطال القصه مازالوا على قيد الحياه ....
وجابن عيال ولله الحمد
وكل ماقعدنا سوى اذكره بالسالفه
وبس عسى زهقتكم بسالفتي
كل الود
رد مع اقتباس
المشاركة الأصلية كتبت بواسطة سناعيسو
المفضلات