جت تبي تلعب علي مبرقعـــــــــه

[صالح المطلق]

حبيت انكم تشاركوني القصيدة:


جت تبي تلعب علي مبرقعـــــــــه**********واقفة بين الحقيقة والخيــــــــــــــال

جت بلطف وذوق جت متدلعـــــه**********قالت اسمح لي عزيزي بالســــؤال

خفت انا لا انولد بالزوبعــــــــــــه**********خاف اقول يمين والحلوة شمــــــال

وتبتعد عني وتمشي مودعـــــــــه**********وترتحل هاذيك وتشد الرحـــــــــــال

ناظرتني بالعيون الموجعـــــــــــــه**********قالت ابدا قلت ابدي بالمقـــــــــــــال

قالت انت نادي تشجعـــــــــــــــــه**********قلت نادي النصر واحب الهـــــــلال

أي نادي تشجعين اشجعــــــــــــه**********اعشق اللي تعشقينه ياخيـــــــــــــال

قالت أي فنان ترغب تسمعـــــــه**********قلت ابو نوره وميت في طـــــــــلال

أي مطرب تسمعينه اسمعــــــــــه**********واســتــــمع لحـــلام واقــدر نــــوال

قالت صلك قول وشهو مرجعــه**********قلت انا جنوبي ومن اهل الشـمـال

ولي نسب شرقي ابوي موقعـــه**********وفي الغرب اذكر لنا سـابق حــلال

قالت اسمع كم واحد واربعــــــه**********قلت مادري صــعب بالحـيل ومحـال

أي رقم تطرحينه بجمعــــــــــــــه**********والنتــيــجة حـــلم يابــنــت الحــــلال

قالت تحب الربيع بمطلعــــــــــــه**********او هوايــتــك الخــريــف اللي يقـال

قلت انا اهوى الفصول الاربعـــه**********كلــها عــند ســوى في أي حــال

ماخذت مني اجابة مقنعــــــــــــــه**********واســتــدارت كـنهـا بـــدر الكـــمــال

قالت انت كل هرجك معمعــــــــه**********دخــــت انــا ويــاك يـاولــد الحــلال




مع تحيات .......................... اخوكم........... صالح المطلق

[بشير اللويش]

اخي الغالي
صالح

لاهنت على المشاركه

لكن ياليت تفيدنا من هو صاحب القصيده

تقبل تحيات اخوك الصغير

الراسي

[صالح المطلق]

اخوي بشير اللويش مراقب عام المضايف لا يدخلك ضن او تفكر مجرد تفكير اني كنت اعرف صاحب القصيدة ولا ذكرته، لاوالله لو كنت اعرف صاحبها كان اول ما ذكرت هو لكن للأسف جتني كذا..... لكن صدقني الحلال ما يضيع والنجمة ما تبيع.


وتقبل تحياتي............ اخوك صالح المطلق