^
^
الشمالي متذوق أنت ....!
لك تحياتي
^
^
الشمالي متذوق أنت ....!
لك تحياتي
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أشهد أن الرب واحد ..// ومعبود=وأشهد أنك بين هالعالم ..// سواك
((عبدالله بن غيث))
[/poem]
..
حاولت اكابر وابعدك عن خيالـي
وابعد بعيد هناك واطوي المسافات
ظنيت بُعـدك يهتنـي فيـه بالـي
ويرتاح فكري بعد ذيـك المعانـات
ماكنت احسب انك بالحيـل غالـي
لين انكوى قلبي وبانـت علامـات
بانت علامات الغلا وسـل حالـي
هذا وانـا مابعـدت إلا سويعـات
وشلون لوكانت ليـال(ن) طوالـي
ماهقوتي تسمع بهالقلـب دقـات
حملت نفسي فوق قـدر احتمالـي
اجر ونـه واتبعـه عشـر ونـات
انا اشتكي للناس شي(ن) جرالـي
والا اكتم جروح(ن) بقلبي قديمات؟
يسقيني الامـرار واسقيـه حالـي
شتان ما بين ارضها والسمـوات
اثر الهوى ياخوك ما بـه عدالـي
احسب جمايلها وتحسب لـي زلات
قلت انتظر تجيني تطلب وصالـي
بان القمر والليل أظلـم وماجـات
يمرنـي زول(ن) احسبـه عنالـي
هيهات ياجفن(ن) جفا النوم هيهات
لافادني صـدي ولا لـه مجالـي
ومانالني من هالغلا كود حسـرات
مازادهـا ابتـعـادي الا تعـآلـي
وما زارها طيفي ولا مر لحظـات
واليوم صار {الهم والغـم } فالـي
اربع حروف(ن) سقتها بين كلمات
عزي لحظ(ن) يوم اعدلـه مالـي
ويقطعك دنيا كل ما فيـك عبـرات
&&تسلم ايدج عطر القصيد&&
ماعليك زود مشرفنا الطيب
دايما تغلبنا بطيبك وطيب ردك
دمت للمضايف ولنا يا القرم
أناكذا ياصاحبي... الصدق دايم مشهره
والناس هذي ماتبي ....الا من يجاملّها..
ماني بشيطانٍ خرس ...والحق لازم أذكره
أيه أذكره... واللي عقد روس الحبال يحلّها..
وترى الكذوب لياحكى... تلقى كلامه فشخره
يسرد عليك ولايمل...حتى لوأنت تملّها..
والسالفه لاقالها...لازم تجيك مبهره
ولامن قضا تبهيرها...في وسط راسك سلّها..
كلام كله مسخره..في مسخره..في مسخره
وإن كان تبغى تستريح...ياصاحبي شكلّها
أما أنا ياصاحبي...ماحب كثرالثرثره
والسالفه.. لاجت غلط...ماضنتي أمهلّها..
أنا قبل مانطق خطأ...فمي لزوم آسكره
واقطع لساني لونوى...في كلمةٍ يزلّها..
بس الصراحه للأسف!!!في هالزمن مستنكره
وأهل الصحيح بهالزمن...مع الأسف ياقلّها..
كلٍ يطبل للكذوب...يكذب وكلٍ يشكره
يعني إذا تبغى تعيش...ياصاحبي طبلّها..
لاتلومني ياصاحبي...دنياك هذي مدبره
واللي بقلبي خلّها...تكفى طلبتك خلّها..
ملّيت من دنيابها...كل البشر متغيره
والصدق أشوفه إنتهى...والكذب قام يفلّها..
الحزن في قلبي كبير...والهم والله مكبره
لوجيت أوزع للبشر...غطا البشر ذي كلّها..
الهم يسهرني وأنا...في كل ليلة أسهره
وأحتارت الدمعه تسيل...أو تنثبر بمحلّها..
وختامها ياصاحبي...أحمد لربي واشكره
ولغير ربي مانويت...نفسي أبد أذلّها ..
طبعي كذا ياصاحبي...طبعي كذا ماغيّره
أقولها..واللي عقد روس الحبال يحلها
.al-shmaly
يآصآحبي طآلبكـ خلنَي بــ حـآلي
ما أبي "أضيــّــق خاطرك" وأنت مرتاح
ياصاحبي وإن غبت عنك " ليالي "
غلاك باقي بــ الحنايا ولا راح
تبي أسولف لك ، وش اللي جرالي ؟؟
أخاف يمسح قولنا الصبـــح لا لاح
أجل تعال أجلس هنيـّـا قبــالي
دام الحطب طاح وكثير العتب طاح
لو كل شخص إليا عطيته وفالي
ماكان بــ الدنيا حزن ليل وجراح
ولو كل غالي قدّر إحساس غالي
ماشفت ذاك الدمع من محجره ســاح
ولو كل قلب من الحسد جاك خالي
مايشتكي من شحّ الأمطار فــــلاّح
ولو كل واحد جاك طبعه مثـــالي
ماكان بــ الدنيا سجن ناس وإصلاح
ولولا الذنوب اللي بـ كبر الجبالي
ماكان جيش الكفر لــ بلادنا إجتـــاح
ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح
هذا بعض حزن السنين التوالي
طير الحزن مبطي على خافقي ناح
ما أقول أن الخير ماله مجالي
لآ والذي يفلق من الليل الإصبــــاح
لكن هنا بعض الألم ياحلالي
وأنا أدري أن العود يوم أحترق فاح
أول أقول إني صبور وشمالي
واليوم لآ والله أنفجر سدّي وبـــاح
ماقلت لك ياذيب خلّني بـ حالي
هذا أنت ضقت وأذكرك جيت مرتاح
وسلااااامتكم
همووووسه
&&تسلم ايدج عطر القصيد&&
[poem=font=",6,,normal,normal" bkcolor="transparent" bkimage="" border="inset,4," type=2 line=0 align=center use=ex num="0,black""]
أرجي ولا ارجي ليا مني رجيت إلا عظيم الرجاء اللي قط ماخيب رجاء من رجاه=جل الجليل وتعالى مالي ولا لي سواه ألتجي به وأقصده وأنصاه وألجاء إليه
[/poem]
^
^
^
((خليل الشبرمي))<<شاعر المليون ..!
بيت يروق لي كثيراً , ويغنيني عن كثير من القصائد...!
تحياتي
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أشهد أن الرب واحد ..// ومعبود=وأشهد أنك بين هالعالم ..// سواك
((عبدالله بن غيث))
[/poem]
..
اجيب مايطرب عقول الفطينين
وما يكسر أهل الجهل والجاهليّه..
ومايثبت إن الراي ماهو برايين
وما يسقط أهل الزور والعنجهيّه..
وقلبي كذا واحد ولاهو بقلبيـن
وفطرة شعر ياأهل العقول الغبيّه..!
.al-shmaly
جتني تشكّى من عنـا الدهـر فيهـا
جتني تقول جروحها ألوان واشكـال
جتني وانـا قلبـي حزيـن عليهـا
جتني واشوف بعينهـا كـل غربـال
قامت تلعثـم واختلـط مـع حكيهـا
نغمة حزن أضفت على الصوت موّال
ظلم الدهر(شـنّ) المعـارك عليهـا
كن البنيـه مهـرة ٍ والظلـم خيّـال
لحظـة تأمّـل وقفتـنـي بيديـهـا
(ضمّيتها) وقامت تشاهق كالاطفـال
(عانقتهـا) ودموعـهـا تنتشيـهـا
وفتحت انا قلبي لجل تشكـي الحـال
فجـأه لقيـت العيـن تنظـر إليهـا
شاهدت انا منظر يليّـن لـه جبـال
شفـت الغـراق بعينهـا يحتويـهـا
شفت الكحل إختلط مع دموعها وسال
فزّيـت انـا فـزّت شجـاع ٍ ايبيهـا
حبي لها ( قد كـان يبقـى ولازال )
هاتـي همومـك حمّلينـي أبيـهـا
أبغـى أشيـل الهـم والهـم ينشـال
أبغـى أكـون بدنيـتـك مهتويـهـا
هاتي يدينك وانسـي القيـل والقـال
إنتي حياتي .. لا .. حياتـي مابيهـا
إلا وإنتي بوسطها في كـل الاحـوال
يابنـت هاتـي دمعتـك أحتريـهـا
أستغفر الله دمعتك (للوضـو) ازلال
وان كان قصـدك دنيتـك إتركيهـا
خليني اسرح في سما الحب واختـال
يالله تعالـي وبسمـتـك إفرديـهـا
إمـا نفعتـك والا مانيـب رجــال
وكـل الهمـوم السابقـه أنكريـهـا
واعترفي بشي ٍ وحيـد ٍ لـك لحـال
بمسح دموعـك ضيقتـك إرفعيهـا
وجازي ليال الظلم والظلـم باهمـال
والله تـرا الدنيـا حقيـره وفيـهـا
فيها الكريم وبسطهـا كـل الانـذال
حطيت انـا يـدّي بممسـك يديهـا
وابحرت انا والغاليه ببحـور الامـال
رحنـا لديـره وردهـا مستضيهـا
وعشنا حيـاة الحـب أيـام وليـال
.
.
عطر
متفائله بـ آلخير يالله عسى خير
.......... فآلي وفآل آهل الوجيه آلفليحه
ودعت حايل وكل ارض شماليه
0000 مستقبلي حدني عنها ومشاني
ودعت حايل شماليه وقبليه
0000 ودعت حايل بعد حي وحياني
ارض الجبل والله ماخلق زيه
0000 والله مامثلها ياناس حياني
ماهزني غير دمع يطري الجيه
0000 أمي وأبوي ودموع أهلي وخلاني
اشتقت لامي أشوفه كل عصريه
0000 بالباب تاقف تحرى رجعت اخواني
اشتقت لدلال ابوي الله ياهيه
0000 أبو .... مزبن المضيوم والعاني
اشتقت لاخواني الخمس الشقرديه
0000 اشتقت لعيال حارتنا وجيراني
اشتقت لجبال حايل كل فجريه
0000 من قبل لايصدح المذن بالاذاني
والله ياأرض حايل كل شتويه
0000 تسوى ربيع الجزاير وارض لبناني
والله ياهمي كنك جمرة حيه
0000 اخفي دموعي وحر الشوق بكاني
يادار حاتم ترى لو طالت الجيه
0000 والله لارجع وانا مشتاق ولهاني
ودعت حايل وكل ارض شماليه
0000 لكن ابرجع لها لوعمري امداني
.
.
ع ــطــر
متفائله بـ آلخير يالله عسى خير
.......... فآلي وفآل آهل الوجيه آلفليحه
مساء سعيد على قلوبكم جميعا
\
ترفعنـي الشيمـه وعـز النفـس.. والـذل يهـبـا
أنسى أني احني هامتي واعيش في عينـكـ.. صغيـر..
يغنيني الله عن ذهـب كسـرى وعرشـكـ.. ياسبـا
وش زين مجلاسي تحت سقف السعف فوق الحصير..
أحسب فصولـكـ.. يالسنـه زرقـا وغبـرا وشهبـا
ومجهم ولاللعبـد عـن ماقـدره ربـه مطيـر..
كـم كريـم من شـح دنيانـا علـى كفـه حبـا
وكم من لبس فيها السمول الباليـه عقـب الحريـر..
ولاينصـف الفـلاح باللـي بـدده طيـش الدبـا
مـن الحلـوم الا يلـوذ برحمةالـرب البصـيـر
؛؛؛؛؛؛؛؛؛؛
وكل حرفٍ مـن قصيـدي .. يحتـوي معنـى كبيـر
كل ( بيتٍ ) فيه ( معنى ) .. وكل ( معنى ) في شطر
ماترجيـت المدايـح .. مـن كبيـر ومـن صغيـر
ويش ابي بمدحٍ يجيني .. مـن ورى اكتابـة شعـر
لعنبـو حـي القوافـي .. لابغـت تطلـع .. كثيـر
مير ابفهقها .. . واجيكم .. بالكـلام ..المختصـر
.al-shmaly
صدفه جتني طالعتني من بعيد اليا بعيد
من كثر ماهي تطالع قمت اطالعها واصد
ماوعيت الا برهبه كن نبضاتي تزيد
كنت اطالعها وخايف كنت اقرب وابتعد
قمت افكر واتذكر قمت اردد قمت اعيد
زاد خوفي ..وارتباكي خوفي لا يدري احد
الا هي .. قامت تنادي انت فيصل ؟؟ قلت اكيد
وانتي منهو جاوبت من دار ابوفيصل فهد
عانقتني ..واحضنتني ..وامسكت ايد بايد
ماعرفتك ..علميني ردت وقالت بعد
طالع بعيني وشوف في عيوني شي فريد
وين حبك ..وين وعدك... ان حبي للابد
ياخساره ايش صاير ليه كذا صاير بليد
وين ياحب السوالف والمحبه والعهد
لحظه .. لحظه اسمعيني مواخوك اسمه وليد
لا . ياحظي لا ياقلبي انا اخوي اسمه سعد
قمت اخربط في كلامي صار في قلبي وقيد
قمت اعدد انتي ساره ..والا نوره.. اوشهد
ياخساره كنت اظن اسمي مدون بالوريد
ماحسبت احساس قلبك يسكنه هذا العدد
ليه تخدعني؟ بحبك وانت لي كنت الوحيد
كنت اسافر في عيونك مايرافقني احد
كان يعجبني عنادك كنت اسميك العنيد
كنت احب اروع صفاتك يوم تعلنها ابد
كنت تاخذ من فؤادي كنت اجيلك بالمزيد
كنت تسبقني لقلبي يوم تصرخ ياوعد
كنت اصارع فيك حبي وانت حبك مايحيد
كنت اشوف الكون كله في عيونك لي بلد
كنت تاخذ من شعوري كل ماتبغى وتريد
كنت مدري تحتويني كنت اظنك لي سند
كنت غير الناس عندي كنت لي شيخ وسيد
اذكر اني كنت اسولف في غيابك حق سعد
واشتكي من طول بعدك وانت فيني موبعيد
ليتني ماقلت احبك ليت قلبي مانولد
ياكثر ماكنت احبك شوفتك لي يوم عيد
ياكثر ماصرت اكره نبض قلبي للابد
ا
سمعيني .. لوسمحتي واسمعي الراي السديد
من ثمان سنين كنتي في حياتي ياوعد
واذكراني كنت احبك واذكر اني كنت اشيد
في محبه ماذكر انه عاشها مثلي احد
ماختلفنا !! بس عودي للزمن امس البعيد
فيه كان الناس تخشى في العشق جزر ومد
كنت اشوفك في خيالي في حروفي والقصيد
رغم بعدك عن عيوني وبيننا حاجز وسد
رغم بعدك وابتعادك كنت احس اني سعيد
كنت اراضي فيك قلبي كنت اخف عنه واشد
كن حبي والمشاعر والاماني كالعبيد
نرتمي بحضان قلبك لين ماذاب الوعد
ياوعد الوقت عدى وصرت انا وانتي نعيد
عهد مدري كيف عدى المهم نفس العهد
تذكري وش كنت اسوي لانتهى عندي الرصيد
كنت اشوف الليل مظلم وارجع لعينك وارد
ارتمي في حضن همسك وابتدي لك من جديد
من كثر ماكنت اسولف كنت احس اني اسد
ياوعد.. شكلك تغير بعد هالعمر المديد
تدري اني من تركتك صار لي بنت وولد
×
×
آحترامي
متفائله بـ آلخير يالله عسى خير
.......... فآلي وفآل آهل الوجيه آلفليحه
الذين يشاهدون الموضوع الآن: 5 (0 من الأعضاء و 5 زائر)
المفضلات