السلام عليكم ورحمة الله وبركاته
هنا يكمل مصيول حفظه الله عقد الـ ستمائة مشاركه ــــــــــــــــ راجياً من المولى العزيز ان يتمم له الالفيه خيرر <<<< مانتم مسوينلي اهداء بالفله بدري على الالفيه !!
في دهاليز الحياة هناك مايسمى بتفكك العمق التفكيري الناتج عن ضوضاء التباشير ـــــــــــــــــــ وعليه قد يخطئ الفرد ويفقد القدره ويخونه التعبير !
بصراحه يالربع والله اني عفت المضايف
وعيفن به طحلب مايسوى هالهدوم اللي هو لابسه !!
كثار اللي استلموني من دخلت المضايف وسمعت كثير من الكلام اللي كان غالباً تلميح ــــــــــــــــ وبعض الاحيان تبلغ الوقاحه من الشخص شر مبلغ الى ان يكل من اسلوب الحقران اللي اتخذته ويبدا حملة التصاريح !
احيان احس ان المضايف مستهدفه بتفرقة جمع هالاعضاء ـــــــــــــــــ ووالله مايصبرني الا وجود كثير من الاخوه والاخوات اللي اعزهم هذا اولا وثانيا لحبي وتعلقي الشديد بالمضايف !
وعليه ترونن على قلوبكم
يامدور الهين ـــــــــــــــــــــــ ترا الكايد احلى
كثير من الاحيان نحتاج لكسر الروتين حتى لو كان على حساب راحتنا ـــــــــــــ وبمجرد كسره نجد لذه غريبه تبقى مع مرور الزمن !!
قبل مده سير علي شخص عزيز علي حيل ــــــــــــــــ ومن شدة ما اعزه اقوله خلك بعيد والشوق لك يزيد
هالادمي يالربع والله مقرووود قرد يعني مادري وش لون اوصفه لكم ـــــــــــــــ ولو بعطيكم نماذج من قرادة هالادمي بحتاج عدة صفحات من صفحات الفله مطعمه بشئ من صفحات مضيف الهموم والمشاكل !!
الغريب في الامر ان هالرجال طيب بشكل ماتصورونه ـــــــــــــــ لكن هالادمي قرده يعدي !!!
على سبيل المثال لا الحصر !
تخاوينا ان وياه للقصيم كان فيه تقديم على وظايف ويبي يقدم ـــــــــــــــــ والله يالربع اننا بنشرنا على الخط ثلاث مرات
اخر بنشر ارزعنا على الخط اربع ساعات !
هذا على خفيف ــــــــــــــــــــ اما اذا بلغة منه القراده وقت الذروه فـ الله يكون بالعون !
مالكم بالطويله
جاني الحبيب واعطاني كرت دعوة زواج ــــــــــــــ فتحت الكرت الا وزواجه
خلال ثواني عادت بي الذاكره الى الخلف ـــــــــــــــــ تحديدا الى 24-6-1428هـ حيث كان الموعد مع زواج اخوه الاكبر !
بعيد عن الاسلوب الادبي سأتوشح بالوشاح الفلاوي
الوكاد يالربع هكالزواج حضرته ووالله مهما وصفته ــــــــــــــــــ ماراح انقل لكم مدى الاحداث اللي حصلت في ذاك اليوم !!
اتصل علي عصرية زواج اخوه ـــــــــــــــــ وقالي مصيول نبي ناخذ اغراض من حايل وسيارتي ماتكفي ابي احمل بموترك دامك رايح
قلت ابشر بسعدك مريتوه وخذينا كثير من اغراض الزواج ومشينا للقريه اللي كانت عن حايل شي 130 كيلو
مع الخط كان مواعد طباخين سودانين لهم شهره بطبخ الزواجات هناك !
مالكم بالطويله 2
الوكاد كان الخط مزدوج وصغير ومحفر ومتكسر وملعن جدفه ــــــــــــــ والحبيب من الطفاقه يبي يتجاوز دينا السودانيين الا وبوجهه وايت
لف على الزول اثري الزول ارتبش وكنا داعسين ــــــــــــــــــ طلع الزول عن مساره وضرب كفر وبنشر وهو يجيك يفتل مع الاكتاف !
انقلب ولا ست قلبات مارد الدينا الا الضلع ـــــــــــــــ الدينا راحت ولحم الذبايح غدا لحم مفروم على الخط والقدور تعجنن والصحون يخلف الله
نتج عن هالحادث وفاة سودانيين واصابت اثنين اخرين اصابات خطره !!
وكان معنا على الخط ددسن عليه سودانيين ثانين وبه اغراض طبخ وبعض الذبايح ولوازمهن !
اخو العريس خذوه الشرطه للتوقيف ــــــــــــــــ وانا واللي معي خذينا اللي نقدر عليه من الذبايح اللي سلمن والصحون والقدور يخلف الله !!
العرس اليوم ـــــــــــــ واخو العريس بالحجز والذبايح راحن وعدة الطبخ تخلف الله !
لكم مطلق الحريه بأن تتخيلو هالموقف <<<< اجل بيشاورونك
مثل هالمواقف تظهر الرجال ــــــــــــــــ وتكشف معادن الناس !!
والله يالربع ان جد العريس يسوى وزنه ذهب!!
يعجبك بعض الشيبان يعرف متى يعمل وهو ساكت ومتى يعاتب ومتى يعصب !
ابو العريس قعد يلعن ويشتم ويسب وارتفع ضغطه وحالته حالة وزى !
جد العريس شايب على عصاه ـــــــــــــــــــ وقف موقف القائد وكان فعلا على الموعد بوقت يذكرك بأفعال الشيبان !
ماعصب ولا تقول انه بمصيبه خصوصا ان الزواج حاضرينه ناس من برا المنطقه بل من برا السعوديه
الوكاد بكل هدوء واريحيه
قال يالربع نبي ذبايح ــــــــــــــــــ قالو فلان مسرح غنمه امر على ثلاثه يروحون ويجيبون ذبايح من عنده
قال نبي حطب ـــــــــــــــ قالو فلان بالديرة اللي بجنبنا مشتري جيبين حطب بهالفايت قال روحو له وهاتو الحطب اللي عنده
قال نبي قدور ـــــــــــــــ قلت اخبر واحد من العيال "صانع" مقدم رخصه يبي يفتح مطبخ ابي اتصل عليه !
اتصلت ويرد هلا مصيول وينك يالقطوع ياللي وياللي ــــــــــــــــ قلت يافلان وش صار على مطبخك ؟؟
قال جاهز بس ننتظر الرخصه بهاليومين تطلع ــــــــــــــ قلت مضبووووط يعني عندك قدوور وصحون كبار ؟؟
قال موجودات حتى عندي وصفات وطبخات ودلى يمدح لي المحل ـــــــــــــ قلت ماهو وقت دعاياتك ابي اجيك تعطيني الصحون والقدور واردهن لك بكرا ان شاءالله
قال ليه ؟
علمته بالسالفه وانا بو جهي لحايل ابي اختصر الوقت ـــــــــــــــــ قال والله مدري يامصيول ذولي مكلفتن مبلغ وقدره !!
قلت يارجل اذا على القدور ماجايهن شي ــــــــــــــ واذا على الفلوس اعتبرنا طبخنا عندك وابي اعطيك قيمة الطبخ !!
قال اصبر ابي اشاور ابوي وارد لكــــــــــــــــ قلت الله ياخذك انت وابووك انجز علي !!
وعقب جهد جهيد وبعد ماكلمت ابووه يالله وافق !!
وجيتك مروح ومعي القدور ــــــــــــــــ وصلتهم على صلاة المغرب !!
قسم بالله شفت منظر غريب عجيب ـــــــــــــــــــــــ استنفار استنفار حريم ورجال كأنك داخل خلية نحل !!
الحريم شبن الحطب وكل وحده جابت قدره من بيته تحسبا لأي طاري ـــــــــــــــــ والرجال كلن مجود له ذبيحه وخذ جزر حتى العريس والله يالربع انه معلق له خروف ويجزر!
طرى علي بعض عرسان المدن اللي ياجيت تسلم عليه تقل حابن لك حلاوه ــــــــــــــــ بس يتملصق يادافع البلا من المكياج والعرق وحيل الله قوي
نزلنا القدور وخلصنا جزر ـــــــــــــــ وبدت وفود الضيوف تتوالى !!
شوي الا وهذا خشم رفيدزي المقرود اخو العريس ـــــــــــــــــــ هه حمدلله على السلامه يافلان شلون طلعت !
قال يالله وبحب الخشوم وباتصالات جدي يالله طلعوني الليله وبكفاله شخص واصل
الوكاد العشا ماطبخووه الا بعد الساعه 7 وفوقه شوين ــــــــــــــــــ وعليه من البديهي انه يبي ياخذ وقت طويل خصوصا انه مو ذبيحه ولاثنتين !!
عرفو كل الضيوف بالسالفه ــــــــــــــــ وهنا بدا دهاء كثير من الشيبان
الساعه 10 بدو سامري قبل العشا وماهو حي الله سامري ــــــــــــــــ سامري شيبان !!
والله ان الصفوف وصلت لاكثر من سبعين واحد ـــــــــــــــــ وخذ فله وخذ وناسه !!
كان القصد من المضيفين للضيوف ترونا على الموعد وعشاكم على النار ـــــــــــــــــ وكأنك لسان حال الضيوف يقول مايلحقنا بكم شك وهذا شي مقدر !!
ماخلو سامريه ماجابوه ــــــــــــــــ بعده تعبو الشيبان !
قال حدا الشعار نبي محاوره "رديه" ـــــــــــــــــــ خصوصا ان الحاظرين الزواج اكثر من 9 شعار
واغلبهم مالهم تجارب بالمحاوره "شعراء نظم " ـــــــــــــــ وبما ان الحاجه سر الاختراع قالو مانبي رديه بين ثنين !
نبي رديه مفتووحه بين كل الشعار ـــــــــــــــ اللي عنده بيت يجي ويسدحه وكذا
وخذ ابيات وخذ ضحك ـــــــــــــــ خصوصا اغلبه تكلم عن حال الزواج والحادث اللي صار
واذكر حدا الابيات لشايب ماهو شاعر بس شارك بهالبيت اللي يسوى كل ماقيل ــــــــــــــ وهو الوحيد اللي علق بذهني !
ما اذكره بالضبط بس بجيبه على الحروه ...
يقول...
الله من الرفاله عند بعض الازوال ـــ اختار الموت علشان مايطبخ عشانا <<<< او حاجه زي كذا بس هذي الزبده
هذا عن الرجال ـــــــــــــــــ اما عن الجهه الاكثر عمل والاكثر كرف او الجنود المجهوله ان صح التعبير !
كانن حاظرات وبالموعد المناسب ــــــــــــــــ والله يالربع ماتشوف الا اشكالهن من ورا نار العشاء وكل وحده معه ملعقته
وخذ طبخ وخذ كرف ــــــــــــــــ والعجز اللي بالحيل كبار جالسات عندهن وحولهن البنات الصغار ويغنن اغاني العجز الاولات ويصفقن والبنات الصغار يرقصن
طيب عن بطل هالليله وش كان شعوره ــــــــــــــــــ البشت ماشفته لبسه ابد نزله العصر ولاعاد خذاه
وبالسامري جود له طار وخذ ولد
ويرددونه عن الدلال كل شوي ماخذله دله
والله ياجماعة الخير ان الضحكه مافارقت وجهه الله يستر عليه !
اما بالنسبه للعروس مايدريبكم شر!
الساعه وحده الا شوي قلطو العشاء ــــــــــــــــــــ وبعد كرف وكد ذقنا هكالطبخ اللي يسوى اطلق مطبخ
والله ياجماعه ساعه الا عشر والرجال ماقامو عن العشاء ـــــــــــــــــ تجمعن تعب وجوع على احلى طعم !
بعد العشاء زفو العريس
وبما ان الوقت متأخر اغلب المعازيم مامشو ـــــــــــــــــ كلن فرش فراشه بله حزم
بطانيه بطانيتين ويالله تدفى ـــــــــــــــــ بعز الصيف هكالبراد اللي يرد الروح!
حطيت راسي على الوساده واول شي قلته الله من القراده بهالعريس والعروس ــــــــــــــــ والله ماينسون هالليله
وطرا علي شطر قصيده يقول
يامدور الهين ترا الكايد احلى !
وياسبحان الله فعلا الكايد احلى ــــــــــــــــ لو كان العرس روتيني مثله مثل غيره كان من بكرا نسيناه !
بس ذاك العرس الى الان يمر صيته ـــــــــــــــ واغلب الشيبان ياهذا قالو سنة عرس ضاري
عدووه من اشهر المعالم اللي حصلت هكالسنه
شوي الا اسمع واحد يقول مصيول مصيول وشبلاك وين رحتــــــــــــــــــ اثاري كل هالذكريات مرت علي وانا اقرا كرت دعوة زواج رفيقي المقرود
نظرت له قلت الله يستر ــــــــــــــــ ياترا وش تخبي لك الاقدار !؟
رح الله يعطيك خيره ويكفيك شره
رجعت للمشب واحاول احط اصعب شي ممكن يمر عليه ليلة زواجه ـــــــــــــــ وانا مندمج بالتفكير ماسمعت الا صوت بالوجار حق النار جاي من فوق من السوامه !
وادخل راسي ماسمعت الا هكالخبطه على الرماد ـــــــــــــــــ وصوت هكالبس ويغغغغووووووو وهو ياقف شعر راسي !!
بس وقع مع السوامه وجاب الله النار طافيه
انا زاغ عقلي من شكله اللي يفضخ القلب والرماد يتناثر منه تقل جني ـــــــــــــــــ مريت باب المشب امشي الفين !!
واللي مستغرب منه وشلون طلعت مع الباب وهو مسكر ؟؟
اخبر يم اركض يمه كان مسكر ـــــــــــــــ وطلعت منه وكان مسكر
رويدك رويدك مصيول ــــــــــــــــ حتماً هي بقايا قراده !
رد مع اقتباس
ههههههههههه
ههههه
ههههههههه
المفضلات