السلام عليكم يالربع والربعات
هذا يالربع أنا بشكي لكم أبو طروق 
ما غير يطلع علي اشاعات مغرضة و حتسي ما له راس ولا رجلين و أنا بالعن العافية وساكت أقول يارجل خلك حليم و الدنيا فانية ( شفت إني أجودي يا أبو طروق ) أجل يقول لأبو خلوف إني أصلع 
عاد أنا بهذي وصلت الكرعان وتذكرت لي قصتن صارت لوحدن أصلع 
( لا شوف أحد يقول لايكون أنت تروه واصله )
المهم هذا يالربع يوم إننا وغدان كان الوالد الله يحفظه يخلينا نداوم الصبح بالمدرسة ( أكيد سمعتو به 
) و العصر بالتحفيظ ( عاد اللى ما يعرف التحفيظ ينشد عنه أبو خلوف تروه متعرف على المصري به تخبرون كلهم صلعان ) ويا ويل اللى يتخلف مهو بس حنا تقريبا أغلب عيال الجيران ( عشان تعرفون إني أجودي ومطوع ) وكان معنا لنا قصيمي دابلن أكبودنا لو تقوله أدنى شين رز راسه بخشتك وقال : أقول لا طقن طقن ( مد الطاء عشان تضبط اللهجة ) .......
وياقال هالكلمة كلن كرش وسكت ( وغدان ما ندري وين الله حاطن وهو كلخ جيد )....... يوم الله اقرده جاء هكاليوم ولد عم لخوينا توه جاين من بعارينه حتى النعول ما هي عليه ( ضنتي ما يعرف ان به اختراع اسمه نعول ) وهو يقعد راع البعارين ينذخ علينا
.... أنا أسوي و أعمل وأترك و أخلي ...... وحنا طايرتن عيوننا به متهولين ...... يوم طلعن من التحفيظ جاركم الله وهو يتخانق القصيم مع ضيف خوينا ( شكله غار منه )..... ومثل العادة وهو يرز صلهامته ( يحبه قلبك تلمع توه حاكه بالموس حك )
ويقول لراعي البعارين : أقول لا بس طقن طقن ( شكله أخذن له غرشة من هاللى يدرفعه شنقل عند الزير سالم) ..... وهو تنتفخ خشت راعي البعارين ( شكله ما صدق خبر جته فرصه يستعرض قوته )
وهو يتلفت يمين شمال ....... يمار هالكا المرو اللى توهم فارشين به أطرف ساحة المسجد .......... وهو يدلي على هاكاالمروة اللى تقل قزازة ...... وهو يتحامى للقصيمي ويخقش به راسه ...... يمار الدم له طشيش 
...... وما نشوف ألا غبرته .......
القصيمي ماهو شاف الدم قعد له جعير وامطامر ..... شوين بس وينصفر من الخرعة ........ وحنا كلن هرب لبيته ( لا تلوموننا.... أول مرة نشوف واحدن يكمخ واحد ويطلع دمه هاللون ...... تاكوندو على غفلة 
)
يوم جاء من باكر يمار القصيمي معصوبن راسه ......... ومتلطم على تبن ما يحاتس أحد ........ والله ما سمعت منه هالكلمة أبد
وأما راعي البعارين شفناك وما شفناه ........ آخر علمنا به هكالساعة
عاد شفتو إني ما ني أصلع والا تسان صارة الضربة بي
رد مع اقتباس
المشاركة الأصلية كتبت بواسطة أبوطروق
المفضلات