/ أمي تتابع مهند /

[روح حايل]

اذا تزوجت اجاوبك


اخوك

ابو هدلاء وطواله ومهيب

حياك الرحمن ...

نافع مايحتاج زواج ...

وانتوا الرومنسيه ما تطلعونه ألا عند العروس !!!

وين راحت أمك وخواتك وخالاتك وعماتك وجداتك !!!


تذكرت أخوي يتميلح لأمي يقول أشتري لي سيارة يمه والله أمشيكم

ولا أخلي بخاطرتس شي ابد ابد ابد ...

جت السياره ولا شفنا شي ...



أنتوا بعد كذا لا جت العروس الرومنسيه بوادي وانتم بوادي ...

أشكر لك تواجدك ...

[روح حايل]

والله انا ما اتابعه والا ادري عنه شين



بس ابرد عشان التوقع


لا راح يصير فرنسي ولا غيره



يبي يصير عربي




خلاص العالم ملعوبه بمخه




ما عندهم مشكله يشوفون كل شين

حياك الرحمن يابوخلوف ...


وكثر الله من أمثالك ...


والعربي / مبطي / وحنا عليه

بس الحين العربي تافه لا يحمل فكره ولا لوه غايه إلا بث السموم ...

الله يفكنا من شرهم ...


ممنونة لحضورك ...

[روح حايل]

هلا بروح حايل منوره الفله


منوره باهله غاليتي ...



لما قرأت عنوان الموضوع ( أمي تابع مهند ) كانت أميمتي جالسه قريب مني بالصالة وتصنع بصنارتها وصوفها وتابع بن حرّان


أمي ولله الحمد ماتابع مثل هال سخافات حدها غليص و نمر بن عدوان وحمد وجواهر


ههههههههههههههههههههه
يعني فيها ريح إدمان ...


مع أنها كانت تتابع معنا المسلسل المكسيكي ماريا مرسيدس و ألي خندرا بس الحين تعقلت لما صارت جده



عقبال أمي

وعلى ذكر نور ومهند قبل يومين كنت أكلم وحده من صديقاتي وأبارك لها ولأختها بمناسبة المولود الجديد


وقامت تسوالف لي عن اللي شافته بالمستشفى تقولي :


يا أهداااب العالم صايره سخيفه بالحييييل مافي مره ولا ممرضه يرن جواله الأ نغمة سنوات الضياع ولا نور ... !!!

والحريم كل وحده رازه صورة مهند على خلفية الجوال .... !!!!


وحده جتها بنت سمتها لميس .. !!!!






وأزيدك من الشعر بيت تقول جتهم عمتها اخت ابوها مره كبيره بدويه راعية معزه لما جا موعد المسلسل نادتها عشان تحط على نور


شفتي وش لون


شر البلية مايضحك ...


أذا العجز كذا أجل ما نلوم الشباب

لام الله اللي لامهم ...


انا متأكده أنها مجرد طفرة وتنتهي و الأعلام هو السبب طبعاً


كل مسلسل له موضه وتنتهي ويمكن بعد سنة يجي مسلسل ثاني نور و مهند ننساهم مثل ما ننسا الميت

بس المشاكل بعد المسلسل ...

والأفكار السودا...

والقيم المنحله !!!!

اللي تبي ترسخ بعقول بعضنا !!!!


وأعتقد المسلسل الجاي صومالي هههههههه

يعتبر أفريقي هههههههههههههههههههه


وليه لا مالهم رب يعني



من قال مالهم !!!

أصلاً يوسف من أكبر المشجعين لهالفكره !!!

يبي يشوف كويحاتهم مزين ولا لا





شكراً لك وأسفه على الأطاله

العفو غاليتي ...

وما كلامك إلا يزيدنا تنبيهاً ...

تقبلي إحترامي

[روح حايل]

اخت روح حايل << ريال الفسحة يقول يبن الحلال خخخخخخخخخخخخخ

ههههههههههههههههه ايه سامحته ...

صراحة ردي مثل رد اخوي ابو طروق ما اذكر اني تابعت هالمسلسلات

امر من جنب التلفزون و امشي ولا احس ان به شي من الزود

و لو شفت منه شي ما اذكر اني كملت خمس دقايق

نشوف لميس اللي كاشخين به و نمشي

ياخي ماهي حلوه


الله يثبتك ...

يعني لو حلوه تبي تقزه

اقول خلك بجنب يوسف

وبعدين من الاسباب اللي مخليتن ما اتابعه اسباب

احس اني مشغول و انا فاضي صحيح يعني ماهو استعباط

و الله اني احيانا ابي اسيرعلى خوياي او ابي اروح اركض

اقول لا بعدين احس اني مشغول و انا فاضي مفهومه كويس



الله يشغلك بطاعته

ثاني سبب اكره المسلسلات بشكل عام و اذا تابعت تابعت تاريخيه

ثالث شي ماصار مسلسل الظاهر انه كمل سنه

يعني اتابع لي مسلسل سنه كامله والله لو انا دلخ

شكرا على الطرح الجميل

تحية للدلوخ المتابعين

<< ياويلتس من أمتس !!!

أنا من يشكر حضورك ياالمسافر ...

لاحرمنا الله تواجدكم ومناقشاتكم ...

[روح حايل]

مالقيت أجمل وأصدق من رد

صدى الروح


فليسمح لي اقتبسه هنا




لاهنتي روح حايل

وياليت نلتفت للحكم الشرعي

لأن حتى لو تابعنا الأخبار علشان المذيع

هي نفس الشيء

سعيد اخو مبارك



لاهنتي


وتوسمي طحيتي ..

حياك الرحمن يا كلي بكم إعجاب ...


كلام أخونا صدئ الروح سليم ولا غبار عليه ...

وإضافتك جميله !!!

فعلاً يفوتنا الحكم الشرعي ...

ومتابعة الأخبار عشان مذيع أو مذيعه ، هو الحاصل بمتابعة مسلسل نور ولا لمبه



حضور جميل غاليتي ...

[روح حايل]

ياكثر ماسمعت من الناس مهند ومهند والله منهبلين عليه

اشوى اني ما اتابعه اخاف انهبل << بسم الله على قلبي

والله صدق اخذ عقول الناس الكبير والصغير الله لايبلانا

وربي يعطيك العافيه على موضوعك

تقبلي ودي,,

هههههههههههههههههههه

بسم الله عليك ...

الله لا يبلانا اللهم آمين ...


ممنونة لحضورك غاليتي ...