/ أمي تتابع مهند /

[روح حايل]

روح حايل

أنا أسمع بهالمسلسلات بس ماعمري شفت إلا كم لقطة ع الطاير صح انه مليان مزين بس أحس انهن يمرشون



شكرا عفوا

نسيتوا لميــــــــــــــــــس

:

حياك الرحمن يابوطروق ...

مزين يمرشون !!!! <<< أنت تسمع بالتضاد النحوي


لا يكون لميس حب يمرش من أول نظره

[روح حايل]

مزين طل يابو طروق اذا ناقهجدي الله يغفرله مزيونه هن مزين لكن هولاء العلمانين من ابناء جلدتنا يبثون سمومهم عندنا دون ردع من الاعلام الذين يخافون الله وافتوا العلماء بعدم مشاهدتها نور ومهند ويحيى وطقتهم الفاشلين

حياك الرحمن ياضاري ...

صح لسانك ...

والله بدون فتوى ، بس العالم سبحان الله مسحورين ...

ممنونة لحضورك وإبداء رأيك ...

[روح حايل]

[align=center]
اختي المسأله له اكثر من بعد !


حياك الرحمن يامصيول ...


// اصبروا ابتمسك //


احد اكبر اسباب نجاح مسلسلات الحلاقين هي قناة ام بي سي !!

وانا اجزم لو ان المسلسل عرض على اي قناه ثانيه والله ماراح يلاقي نفس الاوج اللي لاقاه حتى الاتراك انفسهم مستغربين !!

كلام سليم ...

مايختلف عليه أثنين ...


ذاك اليوم جيت الحلاق وماسك سرا ــــــــــــــــــ وهو يجي شايب على طول اخذ الريموت ويحطه عليهم

انا ضاقت بي وربي تفاهه تفاهه بمعنى الكلمه ـــــــــــــــ حتى الحلاق نفسه مستغرب !!!


يقول فيه احد عندكم هنا يتابع مثل هالمسلسلات !!

هههههههههههههههههههههه

ناقد على السعوديين ...




وعلى فكره تري ام بي سي ماعرضت المسلسل لعيون العرب او المشاهدين !!؟

منت هين ...

السبب الرئيسي يعود لمغالاة شركات الانتاج المصريه خصوصا في رفع اسعار المسلسلات خصوصا الحصريه منها !!

فتعاقدات ام بي سي مع المسلسل التركي كأثبات لشركات الانتاج والتوزيع العربيه بأن عندنا خيارات فالاترفعون السعر ولا روحو بيعو مسلسلاتكم على اوروبا ولا الصين وشوفو من يبي يتابعها <<<< لي ذراع




صدقيني مثل هالمسلسلات فورة ببسي

عسى يسمع منك رب العالمين ...



الا يوم الله جابتس لنا بهالساعة المبروكه ماودتس تسوين لي توقيع



أبشر مصيول ...

علمني وش تبي بالضبط ... حجم ... الصور ... الكلام ... ومالك الا طيبة الخاطر ...






[/align]

ممنونةجداًلحضورك ...

[روح حايل]

تعبت أرد وقت لاحق بإذن الرحمن ...

[ابو خلوف]

والله انا ما اتابعه والا ادري عنه شين



بس ابرد عشان التوقع


لا راح يصير فرنسي ولا غيره



يبي يصير عربي




خلاص العالم ملعوبه بمخه




ما عندهم مشكله يشوفون كل شين

[أهداااب]

هلا بروح حايل منوره الفله



لما قرأت عنوان الموضوع ( أمي تابع مهند ) كانت أميمتي جالسه قريب مني بالصالة وتصنع بصنارتها وصوفها وتابع بن حرّان


أمي ولله الحمد ماتابع مثل هال سخافات حدها غليص و نمر بن عدوان وحمد وجواهر


مع أنها كانت تتابع معنا المسلسل المكسيكي ماريا مرسيدس و ألي خندرا بس الحين تعقلت لما صارت جده


وعلى ذكر نور ومهند قبل يومين كنت أكلم وحده من صديقاتي وأبارك لها ولأختها بمناسبة المولود الجديد


وقامت تسوالف لي عن اللي شافته بالمستشفى تقولي :


يا أهداااب العالم صايره سخيفه بالحييييل مافي مره ولا ممرضه يرن جواله الأ نغمة سنوات الضياع ولا نور ... !!!

والحريم كل وحده رازه صورة مهند على خلفية الجوال .... !!!!


وحده جتها بنت سمتها لميس .. !!!!


وأزيدك من الشعر بيت تقول جتهم عمتها اخت ابوها مره كبيره بدويه راعية معزه لما جا موعد المسلسل نادتها عشان تحط على نور


شفتي وش لون


أذا العجز كذا أجل ما نلوم الشباب


انا متأكده أنها مجرد طفرة وتنتهي و الأعلام هو السبب طبعاً


كل مسلسل له موضه وتنتهي ويمكن بعد سنة يجي مسلسل ثاني نور و مهند ننساهم مثل ما ننسا الميت


وأعتقد المسلسل الجاي صومالي هههههههه


وليه لا مالهم رب يعني



شكراً لك وأسفه على الأطاله

[المسافـر]

اخت روح حايل << ريال الفسحة يقول يبن الحلال خخخخخخخخخخخخخ




صراحة ردي مثل رد اخوي ابو طروق ما اذكر اني تابعت هالمسلسلات

امر من جنب التلفزون و امشي ولا احس ان به شي من الزود

و لو شفت منه شي ما اذكر اني كملت خمس دقايق

نشوف لميس اللي كاشخين به و نمشي

ياخي ماهي حلوه

وبعدين من الاسباب اللي مخليتن ما اتابعه اسباب

احس اني مشغول و انا فاضي صحيح يعني ماهو استعباط

و الله اني احيانا ابي اسيرعلى خوياي او ابي اروح اركض

اقول لا بعدين احس اني مشغول و انا فاضي مفهومه كويس

ثاني سبب اكره المسلسلات بشكل عام و اذا تابعت تابعت تاريخيه

ثالث شي ماصار مسلسل الظاهر انه كمل سنه

يعني اتابع لي مسلسل سنه كامله والله لو انا دلخ

شكرا على الطرح الجميل

[عجايب بنت الشايب]

مالقيت أجمل وأصدق من رد

صدى الروح


فليسمح لي اقتبسه هنا

الله ينور قلوب المسلمين ويهديهم الى المعمل الصالح وعمل الخير ..
ولا احنا في غفله مدري متى بنستيقظ منها ,,والله المستعان

لاهين بين مسلسلات وحفلات وسهر بالليل ونوم بنهار وشيء مخيف جداً

لكن لازال معنا وقت وعسى نلحق على اعمارنا ونتذكر قول الله تعالي

قال تعالي ( يا ايها الذين امنو قو انفسكم واهليكم نار وقودها الناس والحجارة ) هذا امر من رب العالمين لاهل الايمان بأن يقو انفسهم واهليهم من نارا .. ولا حول ولاقوة الا بالله

مدري من فينا عمل بهذه الاية .. والله يعفو عنا وعنكم وكل مسلم


صدئ الروح

لاهنتي روح حايل

وياليت نلتفت للحكم الشرعي

لأن حتى لو تابعنا الأخبار علشان المذيع

هي نفس الشيء

سعيد اخو مبارك



لاهنتي


وتوسمي طحيتي ..

[&^^مهــــا^^&]

ياكثر ماسمعت من الناس مهند ومهند والله منهبلين عليه

اشوى اني ما اتابعه اخاف انهبل << بسم الله على قلبي

والله صدق اخذ عقول الناس الكبير والصغير الله لايبلانا

وربي يعطيك العافيه على موضوعك

تقبلي ودي,,

[روح حايل]

الله ينور قلوب المسلمين ويهديهم الى المعمل الصالح وعمل الخير ..
ولا احنا في غفله مدري متى بنستيقظ منها ,,والله المستعان

لاهين بين مسلسلات وحفلات وسهر بالليل ونوم بنهار وشيء مخيف جداً

لكن لازال معنا وقت وعسى نلحق على اعمارنا ونتذكر قول الله تعالي

قال تعالي ( يا ايها الذين امنو قو انفسكم واهليكم نار وقودها الناس والحجارة ) هذا امر من رب العالمين لاهل الايمان بأن يقو انفسهم واهليهم من نارا .. ولا حول ولاقوة الا بالله

مدري من فينا عمل بهذه الاية .. والله يعفو عنا وعنكم وكل مسلم


صدئ الروح

إيه والله ، الله ينور على قلوبنا وقلوب المسلمين ...

ويحمينا ويحمي المسلمين من عذاب رب العالمين ...

صدئ الروح ، ألف ألف شكر على مداخلتك ...

وجزاك الله خير ...

والله كثير منا يحتاج لهذة الكلمات حتى توعي بنا مانام !!!!


ممنونة جداً لحضورك ...